Трајчевска: Додека Битола е еден од најзагадените градови во Европа, а граѓаните се гушат во смог, градоначалничката Петровска и нејзините директори се луксузираат со народни пари

Катерина Бојаџиева — Wed, 28 Nov 2018 12:08:08 +0000

Додека битолчани се гушат во смог, а Битола е еден од најзагадените градови во Европа, Наташа Петровска и нејзините директори се луксузираат со народни пари. Прашуваме дали е вистина дека за јубилејната прослава на јавно претпријатие „Водовод“, кое е под капата на Петровска, СДСМ потроши не помалку туку 15 илјади евра, пари на граѓаните за алкохол, пијалоци и храна?, истакна Елена Трајчевска, член на Совет на Општина Битола и член на ОК Битола. -Имено неодамна и јавното претпријатие „Стрежево“ исто така се почасти со луксузна јубилејна прослава и тоа со виски, бајадери и други луксузни додатоци што можеа јасно да се видат од фотографиите кои излегоа во јавноста. Па јавно го прашуваме Директорот на ЈП „Стрежево“ дали овие луксузи се исто така платени со парите на граѓаните и колку народни пари беа потрошени за оваа луксузна забава?, запраша Трајчевска и додаде: „За скандалот да биде уште поголем, директорот на ЈП „Водовод“ ја вработил сопругата на својoт колега од ЈП „Стрежево“ како водоинсталатор. Граѓаните се прашуваат колку реално сопругата на директорот ќе ја извршува оваа функција или пак ова е уште едно од многуте непотистички сценарија на Петровска и СДСМ? Петровска и институциите со кои управува повеќе од една година не се грижат за граѓаните на Општина Битола, Петровска и нејзините директори не спроведија ниту еден значителен проект за граѓаните да го подобрат нивниот квалитет на животот затоа бараме веднаш да сносат одговорност за погубните политики кои ги спроведуваат“.

Трајчевска: Лагата на градоначалничката Петровска која тежи 10 милиони евра се уште без образложение

Катерина Бојаџиева — Tue, 20 Mar 2018 13:01:52 +0000

Лагата на Градоначалничката Петровска која тежи ни помалку ни повеќе туку 10 милиони евра се уште без образложение. Помина веќе недела дена од донесувањето на завршната сметка во Советот на Општина Битола, а градоначалничката се уште не собра храброст да се соочи со граѓаните и да им признае дека ги лажеше, истакна Елена Трајчевска на денешната прес-конференција. -Истата таа која само неколку месеци претходно ги искористи сите можни средства, медиумите, седниците на Советот, нејзините јавни настапи и за ситни политички поени ја изманипулира јавноста прикажувајќи долг на Општина Битола од 13,5 милиони евра, на седницата минатата недела до Советот достави завршна сметка потпишана токму од неа во која долгот на општина Битола изнесува 3.5 милиони евра, но и според која Општина Битола има побарувања во висина од 5.5 милиони евра, рече Трајчевска и додаде: „Не само што магично исчезнаа 10 милиони евра туку исчезна и самодовербата и храброста на Петровска па одби да се соочи и со медиумите и со советниците и не се појави на седницата, а еве веќе недела дена нема ни официјален став, оправдување или образложение за оваа весела математика. Сомнежот кај граѓаните во однос на способноста на СДСМ и Наташа Петровска да ја водат општината е оправдан, затоа што прво се соочија со блокирани постапки и неиздавање решенија за легализација на дивоградби, а сега гледаат дека првиот „математичар“ во општината не знае математика и не знае да работи со нивните пари“.

Елена Трајчевска – Kurir.mk

Трајчевска: Лагата на градоначалничката Петровска која тежи 10 милиони евра се уште без образложение