елена велевска – Kurir.mk

Денес изгледа подобро од кога било: Ќе ја препознаете ли нашата фолкерка на оваа ретро насловна? (ФОТО)

Катерина Бојаџиева — Sat, 04 Dec 2021 19:17:26 +0000

За ралика од денес, во Македонија некогаш имаше мнгоу повеќе печатени медиуми, дневни весници, магазини, ТВ шоуа… каде што македонската естрада имаше простор каде да го промовира сработеното, но и себе. Па така во тоа поубаво време, како за медиумите, така и за естрадата, македонските пејачи, водителки, манекенки… често ги красеа насловните страници кои тогаш и тоа како се продаваа, а не ја собираа уличната прашина изложени пред уличните трафики. Токму на тоа време и период од кариерата се присети нашата фолк пејачка Елена Велевска, која на кусите Инстаграм приказни објави фотографија од некогашниот „Екран“ од 2003 година. Провокативна како и секогаш, со црна коса и во центарот на насловната страница од тоа далечно време пред деценија и половина. И повеќе од јасно е колку време Елена опстојува на музичката сцена и работи на својата кариера, но она што прво „паѓа во очи“ е нејзиниот драстично поразличен изглед од пред 15 години и оној сега. Евидентно е дека Велевска зрее како добро вино, па денес и тоа како може да се пофали со својата атрактивност, женственост и сексапил. Стана мајка на три деца, но како вистински професионалец со јавна професија, не го запостави изгледот, туку напротив, стана позгодна од било кога. „За секоја јавна личност најважно е да умее да се носи со трендот, со времето, годините и личниот живот“ – изјави во една прилика пејачката. „Говорот на телото“ е насловот на ретро насловницата на „Екран“, по насловот на песната која дури во 2020 година ќе го добие и својот видеоспот во кое фолкерката изгледа ултрасекси, нудејќи енормен еротски набој и неодолив телесен раскош… А како и не би, кога Елена очигледно и повеќе од добро го разбира својот природен порив за промени во склад со времето, трендовите и секако сопствените потреби.

Македонската фолкерка заведува во секоја комбинација: Згодна во фустан, секси во фармерки (ФОТО)

Ивана Ефремовски — Tue, 01 Jun 2021 10:28:07 +0000

Елена Велевска која со години е на музичката сцена важи за ултра згодна и атрактивна пејачка. Често на социјалните мрежи знае да сподели фотографии на кои позира во провокативни и разголени изданија, а за тоа добива еден куп позитивни коментари. Во панталони, долги тоалети, крати фустани, Велевска на нејзините години изгледа за чиста 10-ка. Овој пат пејачката во кусите приказни на „Инстаграм“ сподели фотографија на која позира во тесни фармерки, маичка до пупакот и тексас долго палто. Во ова комбинација изгледа како манекенка, а најверојатно добила и многу пофалби за ова издание.

Елена Велевска за бракот: „Некои мора и полиција да ги разделува…“

Ристе Здравков — Tue, 22 Sep 2020 08:54:29 +0000

Кон почетокот на годинава фолк пејачката Елена Велевска јавно призна дека на нејзиниот брак и покрај сите нејзини напори му нема спас, заедничкиот живот со сопругот пропаднал и дека во тек е бракоразводна постапка. За естрадниот магазин „Бекстејџ“, тогаш таа истакна дека разводот е во тек. „Jaс кажав дека нема да разговарам на оваа тема бидејќи во бизнисот одлично ми оди, но не и во љубовта. Децата ми ја дават енергијата кој ми е потребна, а за маж…има многу мажи во светот“ ,кажа Елена. Но денес кога бракот и машко-женските односи се во прашање, Елена веќе научи и да се шегува и слатко да се изнасмее, веројатно ослободена од се’ она што претходеше. -Некои парови бракот толку ги зближува, што после полицијата мора да ги разделува! -гласи објавата на пејачката.

За потсетување, Елена Велевска и Марјан Мирчески беа во брак од 2008 година и имаат три деца, а откако се разведе, за Елена се шпекулираше дека има нова љубовна врска, но таа категорично ги негираше ваквите пишувања во медиумите.

Елена Велевска во различни пози: Сите бикини изданија на македонската фолкерка (ФОТО)

Ристе Здравков — Sat, 05 Sep 2020 18:40:42 +0000

Штом дојде летото, македонската естрада наголемо започнува да се подготвува… Кој(а) за по некоја тезга, кој(а) за на плажа… Борбата со килограмите кој ја има кој не, ама затоа депилацијата и козметичките третмани се тука, а со нив и изборот на костим за капење и придружните акцесоара за на плажа: шапка, торба, очила за сонце, папучи, шамија… Кој што љуби да носи!

Сепак костимот за капење е најважното крпче што го имаш на себе на плажа… Освен, ако не си на нудистичка, секако! Затоа при неговиот избор и тоа како се внимава. Особено ако си дама, па уште и позната и популарна како македонската пејачка Елена Велевска.

Но се чини дека со такво тело и телесни атрибути фолкерката нема проблем. Каков костим за капење и да облече – добро и прилега.

Изборот останува само на моделот, дезенот, бојата и вкусот на пејачката. Бикини или едноделен, црн или бел, еднобоен или шарен, со или без некакви модни апликаци и додатоци… сеедно!

Важно е добро да ти стои, убаво да се чувствуваш во него и секако… да ги мамиш погледите на присутните. А таа тоа го знае, умее и може…

Затоа секогаш кога Велевска ќе се соблече некаде на плажа или крај базенот, на мажите им го разубавува денот.

Згодна, пожелна, секси и кога се разладува, релаксира или читајќи книга културно се издигнува, посилниот пол ја посакува и воздивнува, а понежниот и завидува!

Како и да е, никој не останува рамнодушен на нејзината појава. На она што Елена го носи на себе, ама и на она што е сместено во него.

Или како што самата вели: „Среќата е во мали нешта, но, во големи количини“… И има право.

Само што кај неа нештата ем се баеги големи, ем ги има во доволни количини… Секако, кога се телесните атрибути на пејачката во прашање.

Впрочем, сите нејзини бикини изданија ја потврдуваат тезата!

Ако не му верувате на зборот, погледнете го изборот. Кој што сака нека каже, ама… Окото не лаже!

Впрочем секоја нејзини летна поза докажува дека Елена е бикини сирена!

Запеа поголемата ќерка на Елена Велевска: Mама вели дека Софија е подобра верзија од неа (видео)

Ристе Здравков — Wed, 02 Sep 2020 16:00:56 +0000

Гените се чудо, особено кога се пресликани од родителите на децата и тоа во подобра варијанта. Кога пак родителот ќе добие таков наследник, гордоста е неопислива. Фолк пејачката Елена Велевска е горда мајка на три деца: Софија, Марко и најмалата Калија. Софија, нејзиното прво чедо, веќе потпорасна во убава тинејџерка која веројатно ќе тргне по стапките на мајка си. Таа е вљубеник во музиката и пеењето, а каков глас наследила, мама Елена се пофали така што објави едно видео каде Софија пее светски познат хит. Снимката е кратка, но сосема доволна за многумина да проценат дека од Софи ќе биде пејачка. Елена во описот напиша: Kога децата се многу подобра верзија од нас.Браво,Софи! За потсетување, покрај pред извесен период тројцата наследници на Елена Велевска имаа заеднички настап на детскиот музички фестивал “Распеано Рибарче” кој што се одржува во Охрид. Погледнете:

За Елена Велевска нема рецесија: Ако нема тезги, има секси фотесија (ФОТО)

Ристе Здравков — Mon, 10 Aug 2020 14:04:14 +0000

Македонската фолкерка Елена Велевска е една од оние во која очите на јавноста се постојано вперени. Заради новите песни и видеоспотовите, приватниот живот во кој не ја одминаа скандалите, па се’ до секојдневните објави на социјалните мрежи на нејзините се’поприовокативни фотографии, со кои Елена како да е опседната. А зошто и да не, кога веќе здравствените протокколи и околностите заради корона епидемијата не дозволуваат еестрадни настапи, тогаш присуството во јавноста мора некако да се задржи, а со тоа и нивото на популарноста, која доколку те нема, може лесно да потоне во амбис. По сите овие години присуство на естрадата, Елена собра доволно искуство за да знае дека ако секојдневно на публиката не и „бодеш и очи и уши“, популарноста брзо може да пресуши, а таа лесно може преку ноќ да те заборави. Песни секој ден не се снимаат, видеоспотови уште помалку, ама затоа позирањето и фотографирањето се исто толку важен дел од естрадната професија, па Елена нема да помине ден без да објави по неколку слики од некоја нејзина нова фотосесија. Се разбира на фотографиите не се слуша гласот, ама се гледа она што плус ти го дарил Бог – стасот. Телесниот раскош сосе сите атрибути со кои природата ја надарила, а естетската хирургија ги надградила, Елена обилно ги користи за да го задржи вниманието на публиката… И кај онаа во Републиката и кај онаа во дијаспората, која така желно и со нетрпение ја очекува. Затоа Велевска во недостаток на можности за настапи и тоа како знае како да го искористи говорот на телото, за да го привлече вниманието на сите: од оние во градот, до оние во селото! Летото и големите жештини се како создадени за сликање во бикини, во кои лежат бујните облини на пејачката, која со секоја нова фотографија и секоја нова поза, буди енормна доза на возбуда, копнежи и страсти, бранувајќи ја имагинацијата на машкиот дел од популацијата! Особено онака исончана, со темно – бронзен тен, во мини бикини со златен дезен, Велевска кај секој вистински маж предизвикува единствено чувство: „Од желба изгорен!“ Затоа и не е чудно што фолкерката со години повеќе од успешно ја тера, својата естрадна кариера. За Елена Велевска и за време на корона, нема рецесија, ако нема тезги, има секси фотесија!

Познатата македонска пејачка со тешки и тажни зборови се прости од Вучиќ: Беше до мене кога најмногу ми требаше

Дарко Андоновски — Mon, 04 May 2020 14:46:22 +0000

Веста за смртта на водителот Драган Вучиќ ја потресе македонската јавност.Неговите колеги, блиски пријатели веќе почнаа да се простуваат од него на социјалните мрежи споделувајќи заеднички фотографии и емотивни пораки. Македонската пејачка Еелена Велевска објави фотографија со водителот во чиј опис напиша порака во која му се заблгодарува за се што направил за неа. -Другар...Ми помогна кога започнував, беше првиот кој ми даде шанса и со тебе го заработив првиот хонорар. Беше и ќе останеш голем човек, човек кој несебично беше до мене кога најмногу требаше. Среќна сум што те познавав. Остави многу, за тебе твоите дела ќе зборуваат...А, нашиот последен разговор? Септември нешто ново, м? Ти благодарам за се! Почивај во мир - напиша Велевска.

Се разведува или не? Елена Велевска конечно прозборе- еве што кажа македонската пејачка (ВИДЕО)

Катерина Бојаџиева — Thu, 08 Aug 2019 20:43:45 +0000

Пејачката Елена Велевска во последните неколку месеци постојано беше во центарот на вниманието на јавноста. Во медиумите неодамна се појавија вести дека наводно таа има ново момче, а Елена сега пред камерите на „Бекстејџ“ отворено прозборе дали навистина се разведува и дали има нова љубовна врска. -Ново момче сигурно нема. Не сме разведени и не знаеме што животот носи, не сакам да коментирам што ќе биде и како ќе биде. Ако кажам дека нешто ќе биде подоцна можеби и нема да се случи. Бевме во јуни месец на фамилијарен одмор, сега повторно ќе одиме на 13 август заедно со децата, вели Велевска за „Бекстејџ“. Сепак, изгледа пејачката и нејзиниот сопруг нашле заеднички јазик, а на бракот му дале втора шанса. За потсетување, Велевска како причина која ја наведе за разводот со Марјан беше физичко насилство. А бидејќи од насилство и развод нема ништо, а од одмор ќе има, останува да ги следиме активностите на македонската фолекрка.

Елена Велевска си фати нов дечко- Фолкерката е во љубов со милионер од Америка

Предраг Кукиќ — Fri, 10 May 2019 11:51:54 +0000

Елена Велевска има новo момче и тоа богат македонец кој што живее во Америка, а го запознала зимава додека беше на турнеја таму, тврди естрадниот магазин „Ексклузив“. Наводно, станува збор за обожавател на познатата фолк пејачка, кој што додека пеела и пришол со букет цвеќе. Тоа било љубов на прв поглед. Пејачката сè уште се нема огласено по повод овие шпекулации, а не ги коментира ниту пишувањата за разводот од сопругот Марјан со кого има три деца, а кој во моментов е во Австралија.

Елена Велевска со патриотска порака од турнејата во САД: „Господе прости им, не знаат што прват“ (ФОТО)

Ивана Ефремовски — Fri, 18 Jan 2019 09:39:06 +0000

Македонската фолк ѕвезда Елена Велевска е на голема американска турнеја низ САД, каде речиси еден месец настапува во многу градови низ „ветената земја“. Пеејќи им на нашите иселеници, кои како што е познато ги има во голем број токму во прекуокеанските земји, пејачката не престана да се интересира и да ги следи настаните и во родната Mакедонија. Така, Елена затечена од настаните во Македонското собрание и изгласувањето на таканаречениот „Преспански договор“ од страна на пратениците на владеачката партија и нивните коалициони приврзоци, како и одметнатите „опзозиционери“, не можеше а да не остане без свој коментар. Погодена од „тажната сурова реалност“, Велевска како јавна личност почувствува потреба најпрвин кусо да го прокоментира „капитулантскиот чин“ со библиската порака на Исус, пред да го разапнат на светиот крст: „Господе прости им, не знаат што прават“ – постирајќи една од своите песни со стихови со патриотска содржина, насловена „Македонијо, мајко страдалнице“. Ден-два потоа, упати порака до македонскиот народ за тоа како таа го доживеала, но како ги живуваат и Македонците во дијаспората ваквите историски моменти кои водат до уништување на нацијата и државата. Извор: ВИСТИНА.МК