елени – Kurir.mk

Елените со артритис- најпривлечниот плен за волците

Катерина Бојаџиева — Wed, 20 Apr 2022 10:55:48 +0000

Американски еколози открија дека артритисот кај елените лосови ги прави попривлечни за нивните ловци – волците, кои ловат стари, но и помлади животни со проблеми во зглобовите, пишува еколошкото списание „Фронтиерс“. – Волците кои традиционално се сметаат за „чувари на шумите“, се испостави дека ловат болни и постари животни и играат важна улога во одржувањето на здравјето на другите популации на фауната. Го спроведовме првиот ригорозен практичен тест на оваа претпоставка, нагласи истражувачот на Универзитетот за технологија во Мичиген, Сара Хој. Последниве години, еколозите и биолозите се активно заинтересирани за улогата на волците во големите екосистеми. Ова се должи на неодамнешните набљудувања на обновените популации и тоа што наездата на волци влијаела не само на популациите на пленови, туку и на другите грабливци и на екосистемот воопшто. Хој и нејзиниот научен тим ги набљудуваат промените во Националниот парк „Ил Ројал“, на истоимениот остров во северен Мичиген. Тие долго време го привлекуваат вниманието на биолозите, па како дел од овие набљудувања, забележана е невообичаена статистичка зависност – инциденцата на артритис кај популациите на лос се намалува по сезоната кога популацијата волци. Според еколозите, ова укажува на тоа дека „чуварите на шумите“ ги таргетирале лосовите кои страдаат од болести на зглобовите. Се потврдува и тоа дека волците напаѓаат млади животни само доколку страдале од најтешките облици на артритис, а избегнуваат здрав лос, кој би можел да избега од предаторите или да предизвика повреди кај грабливецот. Хој и колегите сметаат дека оваа врска мора да се земе предвид при развивање мерки за заштита на дивите копитари, како и при издавање дозволи за лов на волци.

ВИДЕО: Неверојатна средба помеѓу автомобил и стадо елени

Ивона Петрова — Fri, 05 Mar 2021 07:31:36 +0000

Налетување на диви животни за време на патување не е реткост, а често знае да биде и опасна ситуација. Токму таква една е забележана во Полска. Возач на автомобил „БМВ“ имал средба со стадо елени. Тој се обидел да избегне судир со првиот елен кој излетал од шумата, но по него се појавило цело стадо. Дел од нив успено го прескокнаа автомобилот, но еден заврши директно во него. Исплашен тој повторно скокна врз автомобилот и се врати назад во шумата.

ФОТО: Пристигнаа елените на Галичица

Катерина Бојаџиева — Thu, 26 Dec 2019 11:43:20 +0000

Во Националниот Парк Галичица пристигнаа првите елени, кои се наоѓаат во репродуктивниот центар, изграден специјално за оваа намена. Новиот репродуктивен центар, со големина од осумдесетина хектари оваа зима ќе биде дом на 30 елени (24 женки и 6 мажјаци) и за таа намена е опремен со модерна инфраструктура: карантин, хранилишта, поилишта, солишта и набљудувачници. Проектот, вреден 340.000 евра, е финансиран од Европската унија во рамки на „Програмата за подобрување на управувањето со заштитените подрачја”. Оваа Програма, која опфаќа повеќе проекти низ целата земја изнесува 4,3 милиони евра, а ја спроведуваат Програмата за развој на Обединетите нации (УНДП) во партнерство со Министерството за животна средина и просторно планирање. Националниот парк Галичица, во рамки на проектот, со овие активности се грижи и за подобрување на управувањето со планинските тревести екосистеми со цел нивно зачувување и запирање на процесот на сукцесија. Репродуктивниот центар и елените ќе се користат исклучиво за активно управување на овие екосистеми, а не како ловиште.