ели панова – Kurir.mk

Панова: Целта на анкетната комисија за Онкологија е да се докаже вистината на виделина за граѓаните да се сигурни дека ја добиваат вистинската терапија

Тале Кристо — Fri, 13 Oct 2023 17:05:04 +0000

Извештаите од државниот завод за ревизија даваат надеж дека не сите институции се подлежни на влијанија од оваа Влада, целта на оваа комисија денес и анкетната комисија е да вистината излезе на виделина, изјави пратеничката од редовите на ВМРО-ДПМНЕ Ели Панова на денешната расправа на собраниската Комисија за финансирање и буџет на која се разгледува ревизорскиот извештај за Клиниката за онкологија. „Ваквите извештаи од државниот завод за ревизија ни даваат надеж дека не сите институции се подлежни на влијанија од оваа Влада. Вашата самостојност и вашиот интегритет се доказ дека секоја една институција во Република Македонија може да се издигне на нивото на својата задача и да ја заврши својата работа ако сакаме да имаме држава“, рече Панова. Таа додаде дека јавноста генерално нема доверба во институциите, па затоа целта со оваа комисија денес и со анкетната комисија е всушност да излезе вистината на виделина. „Нашата денешна цел е да тоа граѓаните кога ќе отидат на Онкологија да не се прашуваат дали ја добиваат вистинската терапија и во исто време да бидеме сигурни дека парите кои Република Македонија од својот буџет ги одделува за лекови навистина завршуваат за лекови и на крајот се кај граѓаните, а не кај поединци кои градат хациенди, возат мотори, имаат огромно богатство, натрупаа огромно богатство но на тоа еден ден мора да дојде крајот“, потенцираше Панова.

Панова: Владата се заплетка, за какво растеретување на затворите станува збор, кога предлагачот вели дека ќе се ослободат лица кои уште не почнале да отслужуваат затворска казна

Тале Кристо — Wed, 04 Oct 2023 09:40:12 +0000

Оваа Влада сака да затскрие сторен криминал и така помина Кривичниот законик, а законот за амнестија по скратена постапка пристигна вчера и пракса е веднаш да се на дневен ред но не беше ставен што е малку чудно. Веројатно се чека СДСМ конечно да донесе став за истиот дали ќе е за или не, бидејќи има различни ставови, рече Ели Панова, пратеник од ВМРО-ДПМНЕ на гостување во емисјата Студио 10 на телевизија 24. Панова укажа дека е многу јасно оти во Владата нема единствен став по овој закон. „Димитар Ковачевски рече ќе поднесува амандмани, Оливер Спасовски дека е против, Кренар Лога е решен да помине бидејќи очигледно го ветил на поединци. Судбината на истиот не се знае, но едно е јасно ВМРО-ДПМНЕ ќе го блокира тоа е закон да амнестира криминал во државата. Тоа за ВМРО-ДПМНЕ е недозволиво“, кажа Панова. Пратеничката Панова појасни дека самиот закон за амнестија вели дека ќе вбидат ослободени и лица кои не почнале со служење казна затвор. „За какво растеретување станува збор кога законот вели дека се однесува и на оние кои не почнале со издржување на казна затвор. Како ќе се подобрат условите ако во моментот чекаат да влезат во затвор 2000 луѓе, а ќе излезат околу 280 луѓе согласно ова законско решение. Пробацијата во македонија воопшто не функционира, и ако сакаше министерот да растеретува затвори требаше да работи на тоа да профункционира системот на пробација“, изјави Панова. Според Панова ако Владата сакала да ги подобри условите можела да го направи тоа до сега. „Во 2010 е потпишан договор со банката за развој за реконструкција и биле определени 46 милиони евра, од заемот се повлечени само 21 милион евра и тоа во периодот на ВМРО-ДПМНЕ. Во време на актуелнава Влада нема ништо направено на овој план. Единственото нешто што треба да го направите е да направите план за тоа како да се подобрат условите. Ние сме држава во која има 386 избегани лица од затворите, нема казни за избеганите лица што значи се поттикнуваат да бегаат и слично. Оваа е четврта амнестија во овој период, а ништо не е направено“, вели Панова.

Панова со порака до Владата: Во некое идно време ќе се отворат сите процеси кои ги имате, измената на законот нема да ве спаси од амнестија од криминал

Тале Кристо — Wed, 06 Sep 2023 18:24:15 +0000

„Нема никој со основно чувство на образ, се повикувате на некакви регулативи ама ниту една од тие регулативи не кажуваат дека некој некогаш во Европа и во светот се амнестирал од криминал. Денес вие тоа го правите пред очите на целата македонска јавност, свесни дека си заминувате од власт. Дали некој од Министерството за правда ќе излезе и ќе објасни кои се овие европски регулативи зад кој стој овој закон, не нема, ниту заменичката министерка која е единствена потпишана на овој закон не даде никакво образложение“, истакна пратеничката од редовите на ВМРО-ДПМНЕ, Ели Панова на денешната собраниска седница. Таа додаде дека овој закон е признание дека оваа Влада скоро 7 години вршела политички прогон врз политички неистомисленици искористувајќи ги членовите на законот кои денес се менуваат. „Никогаш ова со ниту едни измени нема да може да им надокнадите на луѓето кои ги ставивте по затворите и кој секој ден одеа по затвори, луѓето кои беа уценувани и заплашувани и кои буквално траор доживува од вашето владеење. Со умисла дојдовте на власт, злоупотребувајте ги овие членови“, рече Панова. Таа истакна дека најголемиот проблем на оваа Влада знаат граѓаните дека тоа е недовербата во институциите. „Министри, директори, раководни лица кои се не кадарни, неспособни и криминогени кои долги 7 години го искористувале своето влијание да местат тендери во други институции на свои блиски, да добиваат грантови од државата и да вршат злоупотреба на службената положба во лично своја полза“, вели Панова. Таа заклучи дека граѓаните немаат доверба во овие институции токму поради корупција, сега со овој закон се вели дека единствената цел е да украдат но сега ништо не ни можете. Во некое идно време сигурно ќе се отворат овие процеси кои ги имате.

Панова: Борба со криминалот и корупцијата не е возможна бидејќи големиот криминал во државата излегува од двоецот СДС – ДУИ

Тале Кристо — Fri, 30 Jun 2023 17:21:57 +0000

Борба со криминалот корупцијата од овие луѓе на власта кои се длабоко влезени во тоа не е можно, бидејќи буквално големиот криминал во државата излегува од двоецот СДС ДУИ, истакна пратеничката од редовите на ВМРО-ДПМНЕ Ели Панова во вечерашното гостување во емисијата „За или против“ на Алфа Телевизија. „Очигледен дефокус е апсењето на Тодоровиќ, бидејќи денови наназад го повикуваме обвинителството да постапи за скандалите со Мерко, не може Америка да знае и да има докази за сторен криминал и притисок во судството од страна на Мерко а обвинителството да не знае, во исто време да немаме со месеци и години извештај од Бирото за судски вештачење“, кажа Панова. Таа истакна дека фокусот на целата Европска јавност и политичари е токму криминалот и корупцијата во Македонија. „Како може досега УЈП да не направиме истрага и да нема прикривање на данок и како може едно момче од 23 години да стане така голем бизнисмен во Македонија или само презимињата се битни за да се стане успешен бизнисмен“, рече Панова. Таа потенцираше дека судството и обвинителството мора да се ослободат но не преку вакви примери со денешниот дефокус кој се прави врз бившиот градоначалник Тодоровиќ тоа е доказ како функционираат СДС и ДУИ. „Еве го доказот денес имаме апсење и не знам какви ќе бидат изјавите на премиерот, и на Груби меѓутоа верувам дека државниот јавен обвинител треба да одговори на ова прашање зошто после 10 години имаме апсење и ако се знае дека веќе не може да има влијание врз сведоци ако тоа е направено пред 10 години, во исто време треба да даде одговор за 2цате внуци на Али Ахмети, Артан Груби, криминалите на власта и случајот со Мерко“, изјави Панова. Таа е децидна дека се додека се инволвирани вака високи профилирани функционер од власта тогаш правдата ќе биде слепа и нема да имаме правда во Македонија . Панова заклучи дека двојните стандарди и скандалите се секојдневие на власта. Нема функционалност на системот и до правда да се дојде воопшто не се доаѓа или е многу спора, нема никакви реформи во овој сектор.

Панова: Власта не може да обезбеди гаранции, ВМРО-ДПМНЕ останува на својот непроменет став уставни измени под бугарски диктат нема да има а единствено решение се избори

Тале Кристо — Fri, 30 Jun 2023 17:08:03 +0000

Во денешната емисија „За или Против“ на Алфа ТВ гостуваше пратеничката од редовите на ВМРО-ДПМНЕ, Ели Панова која што во однос на уставните измени истакна дека власта не може да обезбеди гаранции, туку имаат само верувања, а ВМРО-ДПМНЕ останува на својот непроменет став дека уставни измени под бугарски диктат нема да има и единствено решение сега се избори. „Жешко политичко лето, но верувајте за Ковачевски за Османи и за Маричиќ и зимата беше жешка, особено што знаеја дека не можат да го исполнат она кое што го ветиле, потпишувајќи го протоколот и прифаќајќи ја оваа преговарачка рамка. Особено ако се знае дека во ниту еден момент ВМРО-ДПМНЕ не даде можност на тоа да се надеваат. Практично ние не оставивме простор да може да манипулираат кога станува збор за уставните измени и затоа сега сме сведоци на изјави кои што се навистина несреќни, особено во последниот период. Панова додаде и дека власта не може да обезбеди гаранции, туку имаат само верувања, и токму затоа се многу внимателни. „Внимателни сме затоа што од една страна ги слушаме изјавите а од друга страна ги слушаме интерпретациите, несреќните интерпретации од страна на премиерот Ковачевски кој што сакајќи да оди во негова полза и на крајот на денот да ја држат малку подолго оваа жешка тема, уверува на гаранции а од друга страна ги слушаме ние изјавите каде што кажуваат дека гаранции всушност не може да обезбедат и да дадат туку имаат одредени верувања“ истакна Панова. Панова посочи дека ВМРО-ДПМНЕ останува на својот непроменет став дека уставни измени под бугарски диктат нема да има и единствено решение се избори. “Секојдневно ние се наоѓаме помеѓу лажни вести, помеѓу шпекулации од страна на власта особено од страна на премиерот и затоа би рекла дека треба да бидеме внимателни. Затоа ние остануваме на нашиот непроменет став уставни измени под бугарски диктат не прифаќаме и од друга страна после вчерашното интервју на претседателот Мицкоски кажуваме дека само избори се решението, односно мора да излеземе на избори затоа што повеќе е невозможно да се живее во оваа настаната политичка ситуација во Македонија“ нагласи Панова. Панова истакна дека треба да се прави разлика помеѓу политичките и правните гаранции, а ВМРО-ДПМНЕ во претходниот период понуди опција токму во насока на правните гаранции. „Треба да се прави разлика помеѓу политичките и правните гаранции. Она кое што ВМРО-ДПМНЕ односно претседателот Мицкоски го понуди како опција претходно беше токму тоа. Да се обезбедат и правни гаранции односно гаранции кои што единствено ЕУ може да ги обезбеди а не поединечни изјави на политичари од ЕУ. Важни се и Фон Дер Лајен и Вебер и Борел но најбитен е македонскиот народ. Ако знаеме де 80 проценти од македонскиот народ не поддржува уставни измени под бугарски диктат, тогаш треба и на Ковачевски и на Османи и на сите моментални властодршци, да им биде јасно дека не смеат да одат против волјата на народот. Народот кажа гласно не, ние како опозиција единствено се грижиме за македонските национални интереси исто така велиме не, на диктати“ истакна Панова.

Панова: Ако Мерко беше припадник на било која друга политичка партија или пак на ВМРО-ДПМНЕ, денес веќе ќе беше во притвор

Катерина Бојаџиева — Sun, 25 Jun 2023 12:20:35 +0000

Пратеничката во македонското Собрание од ВМРО-ДПМНЕ, Ели Панова на денешната трибина во централниот штаб насловена „Криминал и корупција", во рамките на акцијата Пораки од реалниот живот - Ова е Македонија за сите, посочи дека американската црна листа на која се ставаат лица за кои што САД имаат докази дека се инволвирани во криминал и корупција, за власта предводена од Социјалдемократскиот сојуз и Демократската унија која што се наоѓа на црната листа на македонскиот народ, не им значи ништо. Таа додаде дека конечно, македонските парвосудни органи, треба да почанат да функционираат и да делуваат без да користат двојни стандарди и сите лица за кои постојат основни сомненија за сторени криминални и корупциски дејствија, да дибат спроведени пред лицето на правдата. „За функционери кои се на црната листа на македонскиот народ, ваквата листа на Соединетите Американски Држави не значи ништо и веројатно ќе се обидат за неколку дена да ја затворат оваа тема, како што ги затвараат сите други теми кои што се поврзани со висок криминал и корупција, кој што всушност се случува во редовите на ДУИ и СДСМ. Но, она кое што во суштина би требало да значи една ваква црна листа на САД на една влада која што има искрени аспирации ко Европската Унија, е нешто сосема друго. Веројатно тоа би нзачело дека е дадена една голема задача на правосудниот систем во Република Македонија кој што всушност конечно мора да отпочне да функционира без двојни стандарди“, исткна Панова. Во однос на последниот случај од пред неколку дена каде што висок функционер на ДУИ и нејзин градоначалник на Струга, Рамиз Мерко кој се најде на црната листа на САД , Панова изрази убедување дека ако Мерко, веројатно беше припадник на било која друга политичка партија или, пак, ВМРО-ДПМНЕ веројатно до денес веќе ќе беше во притвор. Додаде дека последниот случај со стришкиот градоначалник Мерко е шамар од нашиот стратешки партнер САД за Демократската унија за интеграција и порака дека и за неговите високи функционери мора да има одговорност. „Ова црна листа е еден шамар за ДУИ, затоа што одговорноста мора да постои. А, одговорни за непостапувањето и затскиравњето на криминалните дејствија на високите функционери на ДУИ се токму инфилтрирани членови во највисоките судски инстанци, и во обвинителството и во судствот на Република Македонија“, рече Панова. Исто така, додаде таа, ако подобро размислиме ќе сватиме дека оваа црна листа и ова објавување на САД е опомена за премиерот Димитар Ковачевски, ако знае да ја прочита, заради тоа што не знаел што се случувало во Струга, а исто така не знае и купувањето на деловни објекти од страна на лица блиски до највисокото раководство на ДУИ, на само 50 метри оддалеченост од Собранието. „Замислете, тој не можел да види што се случува на 150 километри од Скопје, односно не знаел што се случува во Струга, а исто така не зне што се случува и на 50 метри од Собранието. Односно, не знае кога се купува еден огромен деловен објект од страна на внукот на Али Ахмети и се прави дека за тоа, едноставно, тој не е надлежен и не треба да повика никој да излезе со одредени свои видувања и постапувања од страна на надлежните институции. Не виде кога зборувавме и кога држевме пресконференции за купувањето на деловни објекти на улица Македонија, исто така на 50 метри од Собрание, но веројатно е сето тоа со причина. А причината е тој лично, веројатно, да не одговара и неговото пошироко семејство, за скандалите во кои што беа вмешани, оносно корупциските скандали со купувањето земјиште од сопругата, со Пиксел груп и така натаму“, исткна пратеничката Панова.

Панова: Борба со корупцијата не е можна од луѓе кои што лично се вплеткани длабоко во криминал и корупција

Дарко Андоновски — Thu, 15 Jun 2023 17:12:22 +0000

„Ова е една голема тема на која што веројатно ние пратениците знаеме со часови да зборуваме во Собранието, а впрочем една колешка 10 часа ги набројуваше скандалите од власта“, истакна пратеничката во Собранието на Република Македонија, Ели Панова на денешната трибина организирана од ВМРО-ДПМНЕ на тема „Борба против корупцијата и криминалот“ од акцијата „Ова е Македонија за сите“. Панова додаде дека борба со корупцијата не е можна од луѓе кои што лично се вплеткани длабоко во криминал и корупција. „Првото нешто кое што треба да го направиме е буквално да ги прегазиме на наредните избори за да знаеме дека навистина ќе има луѓе кои што ќе се изборат со оваа појава која што е во епски размери во Република Македонија. Токму ова претставува нашето вистинско вето, заради тоа што ако на нешто како држава мораме да обратиме внимание во наредниот период е тоа и те како да се позанимаваме со борбата со криминалот и корупцијата. Она кое што исто така е многу битно е да се каже е дека ние како Република Македонија всушност немаме поделба на власта на законодавна, извршна и судска. Впрочем имаме приватизирано Собрание, како што имаме приватизирани институции“, рече пратеничката. Таа посочи дека ако има амин од власта тогаш се избираат нивни луѓе за судии и обвинители. „Ние како пратеници во изминатиот период сме сведоци и на многу катастрофални персонални решенија односно многу неспособни, некадарни луѓе кои што се поставуваат во највисоките судски инстанци тоа е случај на пример со Судскиот Совет, со Советот на јавни обвинители. Еве сите знаете кој е државен јавен обвинител во Република Македонија, лицето кое што беше повикувано многупати од наша страна и со прес конференции и со поднесени кривични пријави преку повикување дури пред државното јавно обвинителство меѓутоа за сите овие скандали до ден денес нема никаква разврска“, појасни Панова. Панова укажа дека не може да се очекува дека ќе има разврска заради тоа што криминалот и корупцијата по државата ги сее токму власта.

Панова: На власта ѝ е јасно дека двотретинско мнозинство за Уставни измени под овие услови и под бугарски диктат немаат и нема да го имаат, па сега се сеат магла

Катерина Бојаџиева — Thu, 15 Jun 2023 09:17:36 +0000

Како поминуваат деновите после лидерската средба, толку власта станува понервозна, а нивните изјави стануваат се поапсурдни. Веќе им е јасно дека двотретинско мнозинство за Уставни измени под овие услови и под бугарски диктат немаат и нема да го имаат. Но сега се обидуваат да сеат магла, да купуваат некој ден повеќе и да ја замајуваат и домашната јавност и меѓународните претставници, вели Ели Панова, заменик координатор на пратеничката група на ВМРО-ДПМНЕ. -Вицепремиерот за европски прашања Мариќиќ најави дека иницијативата за уставни измени ќе се нашла пред пратениците за неколку недели. Ние го охрабруваме да не губи недели, туку уште утре да го донесе предлогот во македонскиот парламент, да го стават на гласање и да се види како ќе му поминат измените кои на сила сака да ги направи. Чуму тој театар кој ќе трае со недели? Доколку нема да поминат, тогаш во интерес на Македонија и на граѓаните е час поскоро да се оди на избори. Целиот ќорсокак во кој се наоѓа Македонија е резултат на катастрофалната политика и апсурдните чекори кои ги водеше оваа власт на ДУИ и СДС. Тие наместо да се свестат и да ја прифатат подадената рака, продолжуваат со деструктивната и нелогична политика. Па така слушаме изјави од владини функционери од типот “Уставните измени се прифатени, а предлозите на ВМРО-ДПМНЕ се неприфатливи“. Епа и Маричиќ и Ковачевски и СДС треба да знаат дека такви манипулативни и апсурдни изјави не поминуваат во јавноста. Понудата на ВМРО-ДПМНЕ е концизна. Дадени се два предлози и доколку СДС и Ковачевски не ги прифатат, нема никаква поддршка бидејќи овие предлози овозможуваат и евроинтеграции и заштита на македонскиот вековен идентитет и јазик. Ковачевски и Маричиќ наместо времето да го губат во тоа кој повеќе ќе ја манипулира и ќе ја замајува јавноста, попаметно ќе им беше да дадеа конкретен одговор кој предлог на ВМРО-ДПМНЕ е прифатлив за нив и на тој начин да застанат зад националните и зад државните интереси, додава Панова.

Панова: На граѓаните им е преку глава од криминалот, корупцијата и заробените институции од владата на СДС и ДУИ, бараат избори

Катерина Бојаџиева — Sun, 04 Jun 2023 19:45:59 +0000

Граѓаните се жалат на централната власт, предводена од СДС и ДУИ, порача денеска Ели Панова пратеничка и член на ИК на ВМРО-ДПМНЕ на средба со жителите на Самоилово, Смоларе, Колешино и Зубово во рамки на акцијата Ова е Македонија за сите. Пановa истакна дека граѓаните на средбата ја прашуваат за уставните измени, укажувајќи дека таа го кажува ставот на ВМРО-ДПМНЕ, а тоа е дека пратеничката група на ВМРО-ДПМНЕ и коалицијата не ма да гласа за уставни измени. Она за кое што сакааат да зборуваат се токму уставните измени и дали тоа сето има шанса да помине. Она кое што го добиваат како договор од нас е дека пратениците на ВМРО-ДПМНЕ немаат намера да гласаат за уставни измени. А исто така ги коментираат и поканите за лидерски средби и дали воопшто има потреба да се зборува за уставни измени на таква лидерска средба. Таа рече дека доколку претседателот Мицкоски има лидерска средба со Ковачевски треба да разговара исклучиво за датум за одржување на предвремени парламентарни избори, бидејќи како што рече на граѓаните им е преку глава од криминалот, корупцијата и заробените институции од владата на СДС и ДУИ. Кажуваат дека лидерот на ВМРО-ДПМНЕ едноставно треба да каже дека треба да се организираат нови предвремени избори бидејќи народот повеќе не може да издржи заради криминалите и корупцијата и институциите кои се заробени од СДС и ДУИ, потенцираше Панова. Панова нагласи дека без разлика кога и да се случат изборите, победник ќе биде ВМРО-ДПМНЕ и така ќе може да ги поправи сите грешки кои што ги прави актуелната влада на СДС и ДУИ врз македонскиот народ. Без разлика дали изборите ќе бидат предвремени или парламентарни ВМРО-ДПМНЕ ќе победи, а тогаш ќе можеме да ги поправиме сите грешки кои што во моментот го мачат македонскиот народ, порача Панова.

Панова: Пратениците од ВМРО-ДПМНЕ ги штитат македонските национални интереси, темата за уставни измени е затворена, граѓаните имаат други проблеми и потребно е нивно решавање

Ивана Ефремовски — Sun, 28 May 2023 07:48:38 +0000

Тимовите на ВМРО-ДПМНЕ и денес се повторно на терен во рамки на кампањата „Ова е Македонија за сите“. Во општина Босилово, ги посетивме населените места Петралинци, моментално сме наоѓаме во Сарај, а потоа ќе продолжиме во Радово. На овие средби се повеќе ни се приклучуваат, луѓето дискутираат за проблемите, изјави пратеничката од ВМРО-ДПМНЕ, Ели Панова за време на теренската активност во општина Босилово. Таа посочи дека градоначалникот од ВМРО-ДПМНЕ успева да реши дел од проблемите, но, граѓаните најчесто зборуваат за централните проблеми, незадоволството од централната власт, криминалите кои ги натрупаа долговите на државата. -Овие луѓе ништо немаат видено од владата на СДС и ДУИ, рече Панова. Таа додаде дека тема на разговор е дека никако и под никакви уцени да нема уставни измени. -Она што граѓаните го добиваат како одговор е дека пратениците на ВМРО-ДПМНЕ нема да се согласат на нешто што е спротивно на македонските национални интереси и таа тема е затворена. Граѓаните може да бидат мирни дека некој ги чува македонските национални интереси, а тоа се пратениците од ВМРО-ДПМНЕ. Ние со средбите ќе продолжиме, ќе понудиме и решенија, а со наредната влада предводена од ВМРО-ДПМНЕ ќе ги решиме повеќето проблеми, а Македонија ќе стане за сите луѓе, потенцираше Панова.