елиф елмас – Kurir.mk

Елмас стрелец во победата на Наполи над Салернитана

Дарко Андоновски — Sat, 04 Nov 2023 16:54:46 +0000

Наполи ја победи Салернитана со 2:0 на гостински терен во натпреварот од 11. коло во италијанската Серија А. Денешната победа на тимот на Руди Гарсија ја донесоа Џакомо Распадори (13. минута) и македонскиот фудбалски репрезентативец Елиф Елмас (82. минута). „Наполитанците“ се искачија на четвртото место во Серија А со 21 бод. Салернитана остана на дното на табелата со само четири освоени бода.

ФОТО: Емотивна средба на Спалети и Елмас

Ивона Петрова — Sat, 09 Sep 2023 20:04:06 +0000

Македонскиот репрезентативец Елиф Елмас и италијанскиот селектор Лучијано Спалети заедно ја славеа титулата со Наполи. Овој двоец првпат се сретнува на натпревар по разделбата на Спалети со шампионот на Италија. Пред почетокот на натпреварот двајцата се поздравија, а следуваше и емотивна прегратка.

Спалети: Елиф ми е како син, утре ќе го прегрнам, ќе имаа многу емоции

Ристе Здравков — Fri, 08 Sep 2023 17:26:07 +0000

Италија утре во Скопје ќе ги одмери силите со Македонија во квалификациски меч за пласман на ЕП 2024. „Аѕурите“ доаѓаат со нов селектор, Лучијано Спалети кој минатата сезона како предводник на Наполи го освои „скудетото“ во Серија А. Сега првпат е на чело на репрезентација. „Можам да кажам дека сум трогнат, почестен и горд што ја добив оваа улога. Претседателот на ФС ми ги обезбеди најдобрите фудбалери и навистина сум среќен што ги добив сите играчи кои јас ги посакав.Јас сум тренер кој не сака да ги ограничува играчите. Сакам тие да ја покажат својата фантазија на теренот. Утре ќе има моменти кога ние ќе напаѓаме, но ќе има моменти и кога противникот ќе ја има топката и ќе треба да се браниме. Сакам да играме фудбал, убав фудбал, затоа што низ оваа игра треба да предизвикаме и емоции за сите кои нѐ имаат во срцето“, рече Спалети. За македонскиот национален тим и за играчите… „Елиф Елмас за нене е како син. Секогаш сметав на него кога беше најпотребно, а тој го даваше најдоброто од себе. Утре ќе има многу чувства кога ќе го прегрнам. И двајцата ќе сакаме да победиме. Тој е многу добар играч, но и оние кои сега ќе му бидат од другата страна се исклучителни играчи“, додаде италијанскиот стратег. За оној меч во Палермо… „Многу пати го гледав мечот во Палермо. Можам дури и да го раскажам. И заедно со моите асистенти го гледавме многу пати. Од тој меч успеавме да извлечеме многу работи за да ја градиме стратегијата за утрешниот натпревар“, е коментарот на екс-тренерот на Наполи.

Имобиле откри од кој македонски играч стравува Италија

Ристе Здравков — Fri, 08 Sep 2023 16:53:46 +0000

Италија е во Скопје, каде што ќе се обиде со новиот селектор да се одмазди за поразот во Палермо во баражот за Светското првенство. Италијанската репрезентација предводена од Чиро Имобиле со капитенската лента, сега посакува победа, но напаѓачот искажа пофални зборови кон Македонија. „Ние игравме со Македонија пред две години кога бевме многу нервозни, но со голема желба, и за жал бевме поразени. Македонскиот тим е силен, има играчи кои играат во големи клубови, Елмас е исклучително добар играч“, изјави Имобиле. Имобиле кажа дека му е чест што ќе биде капитен на оваа Италија. „За мене претставува огромна чест, огромна гордост сега ќе бидам капитен на националниот тим и ќе им пренесам на моите идни генерации каков предизвик ова било за мене“, вели Имобиле кој на крајот кажа за ситуацијата на теренот. „Теренот забележав дека има многу дупки. Во секој случај не чека еден тежок натпревар“, вели Имобиле.

Елмас: Италија ќе истрча за победа, а колку ќе ѝ дозволиме да игра зависи од нас

Бошко Тасиќ — Fri, 08 Sep 2023 12:47:48 +0000

Еден од оние кои најдобри ги познаваат италијанските репрезентативци е Елиф Елмас. Асот на Наполи на средбата со „седмата сила“ го најави дуелот против фаворитот. „Очекувам доста промени под водство на Спалети. Го познавам доста добро. Очекувам висок пресинг и офанзива со посед на топка. Тој бара 90 минутен пресинг. Не знам колку ќе успее да го наметне своето за овој краток рок како селектор, па ќе видиме како ќе изгледаат. Ние ќе излеземе на терен да го одиграме планираното. Италија ќе истрча за победа, но колку ќе дозволиме да игра зависи од нас“. Ние соиграчите некогаш се „пецкаме“, ама се респектираме. Чест и задоволство е да играме против себе за националните тимови. По освоеното скудето и убавите моменти со Спалети, среќен сум што пак ќе се видиме. Додека почне натпреварот сме пријатели, потоа секој на својата страна и за својата држава“, изјави Елмас.

Газета дело спорт: Менаџерот на Елмас му се заканил на газдата на Наполи

Ристе Здравков — Tue, 29 Aug 2023 07:59:01 +0000

Елиф Елмас нема да го продолжи договорот со Наполи, наводно му се заканил менаџерот Фали Рамадани на претседателот на клубот, Аурелио Де Лаурентис. Македонскиот репрезентативец има договор со Наполи до 30. јуни 2025 година. „Газета дело спорт“, објави дека Рамадани бил лут кога разбрал дека Де Лаурентис одбил да го пордаде Елмас во Лајпциг. Пред десетина дена во Наполи пристигнала понудата од Лајпциг за Елмас „тешка“ 30.000.000 евра. Де Лаурентис без размислување ја одбил. Истото го направил и со понудаа на неименуван клуб од Премиер лигата. „Се чини дека Лајпциг беше подготвен да понуди околу 30 милиони, но доби остро „не“од Неапол. Ова го налути моќниот македонски агент кој ќе се закани дека Елмас нема да го продолжи договорот што истекува во 2025 година“.

РБ Лајпциг сериозно загризал за Елмас, но Наполи одбил 30 милиони евра

Ристе Здравков — Wed, 23 Aug 2023 11:04:17 +0000

Кориере дело Спорт објави дека РБ Лајпциг сериозно загризал за ангажман на Елиф Елмас и понудил 30 милиони евра, но Аурелио Де Лаурентис одбил да го продаде Македонецот. Наполи добил богата понуда за услугите на Елиф Елмас, ова денеска го објави Кориере дело Спорт. Весникот вели дека РБ Лајпциг сериозно загризал за ангажман на Македонецот и на маса ставил 30 милиони евра. Сепак, Аурелио Де Лаурентис одбил да го продаде фудбалерот од средниот ред и кажал НЕ на предлогот на клубот од Бундеслигата. Кориере дело Спорт додава дека иднината на Елиф Елмас во Наполи е под знак прашалник, Македонецот во моментов одбива да стави потпис на нов договор.

Елиф Елмас се повреди на пријателски меч на Наполи

Бошко Тасиќ — Sat, 12 Aug 2023 06:11:44 +0000

Елиф Елмас поради повреда на полувремето го напушти пријателскиот меч на Наполи против Аполон,а првите информации велат дека повредата не е сериозна. Македонскиот фудбалски репрезентативец беше стартер на мечот против Аполон кој Наполи го доби со 2-0 со голови на Осимен и Симеоне во второто полувреме. Елмас беше заменет на полувремето од Политано. Нашиот фудбалер излегол од игра поради повреда на бутниот мускул. Во второто полувреме Елмас на клупата бил со мраз на болното место, но информациите велат дека брзо ќе биде подготвен за новите предизвици. Не станува збор за сериозна повреда.

„Елмас е десетпати подобар од Фратези, но е потценет затоа што игра во Наполи“

Ристе Здравков — Sat, 08 Jul 2023 08:01:43 +0000

Италијанскиот новинар Карло Алвино жестоко распали по италијанските медиуми и „стручната јавност“ откако се возбудија од бомбастичното засилување на Интер, Давиде Фратези, потенцирајќи дека десетмина како него едвај прават еден Елиф Елмас. Македонскиот дијамант кој веќе четири години е во Наполи, а изминатава историска сезона за првото „скудето“ по 33 години учествуваше со шест гола и три асистенции, според Алвино е толку потценет, а квалитативно е скалила над Фратези, кој се претсуавува како голем шампион. „Фратези се претставува како шампион, а реалноста е десетмина Фратези технички прават еден Елиф Елмас. Но, проблемот е што Наполи не ужива внимание и не се крева толку високо, па затоа едните поминуваат како шампиони, а другите како да не се шампиони. Фратези и Елмас се млади, ама Елмас веќе има толку искуство од Наполи, репрезентацијата на Македонија, европските настапи. И некако вагата е премногу спуштена за македонскиот фудбалер. Елмас во Наполи одигра одлично и тешко ми е да разберам зашто него го сметаат за никој, а Фратези е шампион“, вели Алвино. „Ама во Италија број еден спортски директор е Карневали (човекот од Милан – н.з.), па затоа е вака. Ако некој треба да ги собира почестите, тоа е Џунтоли, кој осум години работеше, никој глас не му слушна, но сѐ што се врти околу Наполи едноставно има негативна вредност. Сега отиде во Јувентус и штом е така, значи дека вреди. Затоа ќе повторам, по која основа Фратези е подобар од Елмас“.

Сите знаат дека Елмас е вонсериски талент за фудбал, а само малкумина дека Елиф е роден ММА борец: Волшебник на теренот, „ѕвер“ во октагонот! (ВИДЕО)

Ристе Здравков — Wed, 05 Jul 2023 18:38:57 +0000

По Дарко Панчев и Горан Пандев, Елиф Елмас е најголемата и најуспешна македонска фудбалска ѕвезда. Толку млад, а веќе со шампионска титула со Наполи во една од најсилните фудбалски лиги од европската петорка – италијанското Калчо. Дека Елмас е е вонсериски талент за фудбал, сите знаат. Волшебник на зелениот терен, магионичар со топката… Но, само на малкумина им е познато дека Елиф е роден талент и за некои други спортови. Природно надарен за боречките на пример, како што се Кикбокс, ММА, УФЦ или Џиу Џицу… Така што колку и да ви изгледа нежен и кршлив, волшебникот од зелениот тревнат терен, всушност е вистински „ѕвер“ во октагонот, како што го нарекуваат мрежестиот ринг за споменатиот вид борби во спортот кој е се’ само не нежен. Дека е тоа така, потврдуваат и видеата кои осамна на Инстаграм приказните на тренерот Ивица Алексовски, односно познатиот македонски центар за ваков вид боречки вештини “The Strongest“. Елмас беше кај нив на гости па сам решил или тие го кандисале да се обиде да проба за да види како изгледа да си кикбоксер или ММА борец… Опремата на него и еве го Елиф како силно удира… И тоа за прв пат како како кикбоксер. Лева-десна, потоа една ескиважа, па уште една и на крај неколку завршини удари во плексусот на противникот, во случајов спаринг партнерот, кој по тренингот за Елмас ќе каже само едно: „Природно, роден талент“!

View this post on Instagram

A post shared by CalcioNapoli24 (@calcionapoli24.it)

Потоа уште малку таканаречени „Муаи-таи“ вежби, кои колку и да се тешки, Елиф не само што машки ги издржа, туку и покажа дека со него нема шега… Но, тоа не е се.

View this post on Instagram

A post shared by CalcioNapoli24 (@calcionapoli24.it)

„Добриот глас надалеку се слуша“, а врвниот мултиталент надалеку се гледа, па тренингот со боречките вештини не остана незабележан и во Италија. Така италианскиот calcionapoli24.it ја сподели веста со фото и видеоклипче на кое се гледа како Елмас покрај кикбоксот ги демонстрира и неговите џију – џицу, односно ММА боречки вештини со својот спаринг партнер, покажувајќи дека вистински мултиталент за секој спорт.

View this post on Instagram

A post shared by CalcioNapoli24 (@calcionapoli24.it)

„Елмас одржува кондиција во Македонија и со ММА“, „Елмас ‘дели лекции’ од ММА“, „Елмас верзија на Роки Балбоа“… се само некои од насловите што осамнаа во Италија. Новата сезона во Калчото набргу започнува, а и настапите на Наполи во Лигата на шампионите… Оние одбрамбени играчи што ќе го чуваат нашиот „дијамант“ нека му ја мислат. Фер плеј и надигрување – може, ама да не им падне напамет некоја глупост да направат грубост… Впрочем, убаво нека ги прегледаат видеава пред и да помислат! Фото: Инстаграм принтскрин/elifelmas24/thestrongestmacedonia/calcionapoli24.it