елиминација – Kurir.mk

Израелска војска тврди дека „елиминирала“ 130 терористи, опколен градот Газа

Катерина Бојаџиева — Thu, 02 Nov 2023 20:02:07 +0000

Израелската армија соопшти дека денеска „елиминирала“ повеќе од 130 терористи, додека воениот портпарол Даниел Хагари изјави дека армијата сега го опколила градот Газа и оти нејзината копнена офанзива продолжува. ДПА нагласува дека првично е нејасно дали 130-те терористи се всушност убиени. Градот Газа е најголемиот град во затворениот крајбрежен појас. Војската соопшти дека води „жестоки битки“ против терористите на Хамас во Појасот Газа. За време на денешните копнени операции во Појасот Газа, израелските сили уништиле и воени постројки и инфраструктура на Хамас, како и многу оружје. Авион ја поддржа офанзивата и нападна неколку воени командни и контролни центри на високи членови на Хамас. „Терористичката инфраструктура“ беше цел во цивилни области, додаде израелската армија. Морнарички ракетен брод, исто така, ги погоди зградите на Хамас и набљудувачките пунктови полни со експлозив, соопшти армијата. Воздухопловните сили и морнарицата на Израел продолжуваат да напаѓаат цели на морнарицата на исламистичката организација. Израелската армија претходно соопшти дека од почетокот на војната нападнала повеќе од 12.000 цели во Појасот Газа.

Кејн ја презеде одговорноста по поразот од Франција

Ристе Здравков — Sun, 11 Dec 2022 08:56:50 +0000

Англискиот напаѓач Хари Кејн се осврна на поразот од репрезентацијата на Франција (1:2) синоќа во четвртфиналето на Светското првенство во Катар. – Мундијал се одржува на секои четири години, следната можност ќе треба да се чека долго време. Горд сум на момците, имавме одличен турнир. Ја преземам одговорноста. Имаме талентирани фудбалери, Европското првенство ќе се одржи за година и пол. Тешко е не само за мене, туку и за сите други. Сепак, ова е фудбал, спорт, треба да се оди напред, рече Кејн во интервју за ITV. Селекцијата на Англија не успеа да ја помине Франција во четвртфиналето. При резултат 1:2, 29-годишниот Англичанец не успеа да реализира пенал. Репрезентацијата на Англија по деветти пат учествуваше во четвртфиналето на Светските првенства, но Англичаните само три пати имаат успеано да се пробијат во полуфиналето. Французите во полуфиналето на 14 декември ќе играат со селекцијата на изненадувањето Мароко.

Бускетс за елиминацијата на Шпанија: Тешка вечер, но ќе ни послужи како лекција

Тале Кристо — Wed, 07 Dec 2022 09:39:05 +0000

На Серхио Бускетс многу тешко му падна поразот на шпанската репрезентација во 1/8 финалето на Светското првенство 2022 година од Мароко. Шпанците загубија на пенали и не успеаја да се пласираат во четвртфиналето. – Штета што се беше решено на пенали на најсуров начин. Беше тешко, не чинеше многу, се обидовме да ги истрошиме, да најдеме простор…немавме доволно среќа со последното додавање. Сега е важна репрезентацијата, не јас. Тешка вечер, но ќе послужи како лекција за нашиот фудбал. Имаме многу млади играчи кои можат да и помогнат на репрезентацијата и треба да продолжиме во истиот дух, изјави капитенот на шпанската репрезентација. Мароко во четвртфиналето на Мундијалот во Катар ќе се соочи со Португалија на 10 декември.

Тотенхем елиминиран од ФА купот: Мурињо вели дека се било како игра на „мачка и глушец“

Тале Кристо — Thu, 11 Feb 2021 07:30:38 +0000

Тренерот на Тотенхем, Жозе Мурињо, даде интересен коментар за играта на неговиот тим по поразот од Евертон (4:5 по продолженија) синоќа во финалето на осминафиналето од ФА купот. – Јас сум и задоволен и незадоволен од натпреварот. Работевме добро со топката, создадовме шанси, погодивме, покажавме карактер. Проблемот е во тоа што напаѓачкиот фудбал носи победа кога тимот не прави повеќе грешки отколку што создава. Постигнавме четири гола и тоа не беше доволно. Сè беше како игра на „мачка и глушец“. Глувчето беше нашите грешке, а фудбалерите, како мачки, се обидоа да се ослободат од нив, го цитира „Goal“ Мурињо. Покрај Евертон пласман помеѓу осумте најдобри досега изборија уште и: Борнмут, Манчестер сити, Манчестер јунајтед, Шефилд јунајтед и Лестер.

Реал Мадрид елиминиран од теретолигаш од купот на Шпанија

Тале Кристо — Thu, 21 Jan 2021 08:04:17 +0000

Реал Мадрид синоќа беше поразен во 1/16 финалето од Купот на Шпанија од третолигашот Алкојано со 2:1 по продолженија, откако по 90 минути средбата заврши нерешено 1:1. Едер Милитау на крајот од првото полувреме го донесе Реал во водство, но противникот успеа да направи прсврт. Најпрво Солбес изедначи во 80. минута, а изненадувањето го најави Казанова со голот во 115. минута. Од 110. минута Алкојано играше со фудбалер помалку поради црвениот картон на Лопез, но и тоа не ги спречи да извојуваат победа над големиот фаворит.

Куртоа по елиминацијата на Реал во Суперкупот: Вознемирени сме, но ова не треба да не дефокусира

Тале Кристо — Fri, 15 Jan 2021 08:55:23 +0000

Голманот на Реал Мадрид, Тибо Куртоа ги сподели своите емоции по синоќешниот поразот во полуфиналето на Суперкупот на Шпанија од Атлетик Билбао (1:2). – Вознемирени сме, навистина сакавме да победиме и да играме во финалето. Сакавме да се бориме за титулата што ја освоивме минатата година. Мислам дека првиот гол беше резултат на неуспешно додавање, а вториот беше постигнат по офсајд позиција. Не мислам дека оваа загуба ќе влијае на нас. Нема потреба да ја спуштаме главата и да престанеме да работиме, истакна Куртоа. Во финалето на Суперкупот на Шпанија ќе се сретнат Барселона и Атлетик Билбао. Натпреварот ќе се одржи на 17 јануари во Севилја.

ВИДЕО: Милер груб кон новинарката по елиминацијата на Баерн од германскиот куп

Тале Кристо — Thu, 14 Jan 2021 08:26:54 +0000

Напаѓачот на Баерн Минхен, Томас Милер се скара со новинарката која му земаше изјава по синоќешниот пораз од Кил во 1/16 финалето од германскиот куп. Баварците загубија на пенали, а поразот предизвика нервоза кај фудбалерот кој не беше задоволен од насмевката на Валеска Хомбург од АРД која поставуваше прашања. Милер не едно од прашањата одговори: Што мислиш? Сега се смеете овде. Хомбург се обиде да разјасни дека не му се смее на Баерн, но Милер ја прекина: „Секако дека се смееше.