елизабета канческа милевска – Kurir.mk

Бранителите на Канческа Милевска побараа ослободителна пресуда

Ивана Ефремовски — Wed, 26 Apr 2023 10:01:42 +0000

Бранителите на поранешната министерка за култура Елизабета Канческа Милевска, која се товари за „злоупотреба на службена положба и овластување“ во предметот „Тендери“, побараа ослободителна пресуда на денешните завршни зборови во Основниот кривичен суд Скопје. Адвокатот Сашо Дуковски побара од Судечкиот совет, при оценката на сите релевантни факти, да го има предвид, како што рече, решителниот факт. -Потенцирам и апелирам до Судечкиот совет, при оценката на сите релевантни факти, да го има предвид решителниот факт, како примарна работа, а тоа е дека за постоење на ова кривично дело, мора да постои бланкетна норма, која обвинетите неспорно ја повредиле, за да воопшто постои кривичното дело „злоупотреба на службената положба и овластување“, рече Дуковски. Според него, набавката за која се товарат обвинетите е спроведена на таков начин, како што рече, „што обвинетите треба да бидат наградени и пофалени“. -За ова постои и извештај од Државниот завод за ревизија, каде на ниедно место не е констатирано прекршување, а наградата за тоа е обвинение за „злоупотреба службената положба и овластување“, рече Дуковски. Тој, како и останатите брамители, побараа од судот, после анализа на сите изведени докази, да донесе пресуда со која обвинетите ќе ги ослободи од обвинение дека сториле кривично дело како соизвршители. Канческа Милевска е првообвинета во предметот „Тендери“ во врска со тендерот за извршување градежни работи во Музејот на македонската борба за државност и самостојност, како дека од проектот „Скопје 2014“. Според обвинението, дел од градежните работи во Музејот се вршени во корист на правното лице „Бетон“ од Штип. Пред да се објави оглас за доделување договор за јавна набавка и пред да се спроведе постапката, спротивно на Законот за јавните набавки, Канческа Милевска преку разговори со генералниот директор на градежното претпријатие „Бетон“ од Штип наложила да се продолжи со работа на Музејот, каде што се изведувале градежни работи по претходно склучен договор за јавна набавка. (МИА)

Јанакиески: Како може за Канческа-Милеска која контактирала со уметниците да нема основ за кривично гонење, а за мене да има бидејќи контактирам со неа?

Ивана Ефремовски — Wed, 14 Jul 2021 15:23:17 +0000

На денешните завршни зборови за предметот за организација на настаните на 27-ми април, Миле Јанакиески посочи дека дискутирал со Елизабета Канческа-Милеска во однос на тоа кои уметници сметал дека е добро да бидат говорници на масовните протести, но не ги организирал протестите и што е најважно, со ништо не придонел да се случат немилите настани од 27 април. „Комуникацијата со Канческа-Милевска не може да биде предмет на кривично дело а тоа го потврди и обвинителката во изјави за медиуми каде истакнува дека „Немаше обвинение за неа затоа што немавме докази. Освен ангажирање уметници и познати личности, таа не направила што било друго конкретно“. Но, ако за министерката нема докази, како може за мене врз основа на истата комуникација, да се бара од Вас, да утврдите дека јас сум наводен организатор на протестите и истите да претставуваат како доказ за упадот во Собрание?“, прашува Јанакиески. Тој прашува и како е можно за Канческа-Милеска која контактирала со уметниците да нема основ за кривично гонење, а за него да има бидејќи контактирал само со неа. -Не е можно почитувани судии. Или пораките имаат доказна вредност или немаат, констатира Јанакиески. „Ваквите претпоставки се исто како сега, ние да кажеме и да правиме конструкции дека некој поддржувач на Шарената револуција или говорник на Шарената револуција или некој кој дал изјава за протестите на Шарена револуција е кривично одговорен во однос на палењето на канцеларијата на Иванов и за тешките телесни повреди на десетици десетици припадници на МВР“.

Доказите на Вилма за „тероризам“: Канческа од Јанакиески бара труби и свирчиња за синот и неговите другари

Ивана Ефремовски — Mon, 07 Jun 2021 14:36:52 +0000

Меѓу бројните пораки кои денес како дополнителен доказ беа презентирани од Вилма Рускоска на судењето за организирање на 27-ми април, имаше и такви во кои екс-министерката Елизабета Канческа-Милевска се обидува да најде свирчиња и труби за нејзиниот син и неговите другари. „Свирчиња ми требаат.“ „И труби.“ „Многу ми требаат.“ „На Јаков му требаат за другарите.“ Ова се некои од пораките кои Канческа-Милевска ги пишува кон Миле Јанакиески. Како со овие пораки Рускоска планира да докаже терористичко загрозување на уставниот поредок останува мистерија. Околу свирчињата и Рускоска постои врска ако се поврзе шарената револуција од која Рускоска призна дека била дел, со сведоштвата на учесници кои слушале команди како „ајмо звиждаљке“ (ајде /со/ свирчињата) од челото на колоната на протестите на шарената револуција. Тогаш никој не беше обвинет за терористичко загрозување на Уставниот поредок, иако имаше напад на полицајци и палење на канцеларија на Претседателот на државата.

Елизабета Канческа Милевска за „Вечер“: Не сум консултирана за изјавата на Емилија Александрова

Ивана Ефремовски — Mon, 02 Dec 2019 18:32:58 +0000

Пратеничката Емилија Александрова денес даде изјава, зборувајќи во име на мнозинство, во која го осудува лидерот на ВМРО-ДПМНЕ Христијан Мицкоски кој бара уште сега Собранието да ратафикува влез на Македонија во НАТО. Во осумте независни пратеници кои потекнуваат од ВМРО-ДПМНЕ спаѓа и пратничката Елизабета Канческа Милевска. Порталот Вечер ја праша пратеничката дали се согласува со ставот на својата колешка Александрова „Сега од вас слушам за пресот на колешката Емилија Александрова, не сум запознаена ниту консултирана. Јас денес не бев во Собрание, бидејќи имав некој други обврски. Секој може да доставува предлози и иницијативи до Собранието, секој може да има различен став и мислење по одредени прашања, и кога ќе ја видам таа иницијатива тогаш и би се произнела, никогаш не бегам за било каков став кога станува збор за нешто што е од суштински интерес за нашата држава, тоа е и всушност демократија“. Воопшто не сметам дека предлогот на претседателот на ВМРО-ДПМНЕ Христијан Мицковски за ратификација за членството во НАТО е за осуда, напротив тоа е само чекор поблиску до остварување на таа цел. И пред се потврда дека без поддршката од страна на пратениците на ВМРО-ДПМНЕ кои гласаа за уставните измени ова прашање, поточно членството во НАТО не можеше да се реазлизира. Мислам дека тоа прашање треба да се затвори, да се обединиме, за да можеме да продолжиме понатаму. Овој пратенички состав направи многу во однос на реформите во насока на евроатланските интеграциии и лично сметам и ќе се залагам за тоа, дека овој пратенички состав треба да ја изгласа и да ја потврди ратификацијата на протоколот за членство во НАТО со што ќе се заокружи едно многу важно повеќегодишно круцијално прашање кое конечно се реши, а е од огромна важност за безбедноста и сигурноста на нашата држава„-изјавила таа. Поминавме многу тежок период, вели Канческа, но мора да се гледа напред и да се допринесува во таа насока , без интриги и без лицемерие. „ВЕЧЕР“: Вашата колешка бара оставка на претседателот на ВМРО ДПМНЕ, се согласувате ли со неа? - Немам зошто да барам оставка од лидерот на ВМРО ДПМНЕ Христијан Мицковски, тој на конгрес е легитимно избран претседател на ВМРО ДПНЕ, и многу е јасно кој му ја дава и кој му ја одзема довербата. Кој и како се однесувал претходно, кој што говорел и кој постапки ги превземал, ги оставам на нив лично. Мојата Поддршка и влог во евроатланските интеграции на мојата држава е голем, видлив и со резултати, искрен без никакви лицемерно однесување и залагање. Интересите на државата ми биле секогаш на прво место пред било што друго, заклучува пратеничката Елизабета Канческа Милевска во изјавата за порталот Вечер.

Исклучување на јавноста, бара одбраната во случајот „Тендери“

Ивона Петрова — Fri, 13 Apr 2018 09:32:56 +0000

Во Кривичниот суд во Скопје денеска почна рочиштето во предметот на СЈО „Тендери“ што се однесува на изведување градежни работи на Музејот на македонската борба за државност и самостојност во Скопје. Првообвинета во овој случај е поранешната министерка Елизабета Канческа-Милевска, која е присутна на денешното рочиште на кое треба да се сослушуваат аудио снимки кои се доказ во постапката. Одбраната бара јавноста да биде исклучена заради заштита на приватноста и на обвинетите и сведокот, а обвинителството е против. Судечкиот совет се повлече за да одлучи дали јавноста треба да присуствува на изведувањето на аудио снимките за тендери. Второ и трето обвинетите во овој случај биле членови на Комисијата за јавни набавки. МИА

Канческа- Милевска тврди дека не е виновна за „Тендери“: Ќе докажам дека нема никаква злоупотреба

Катерина Бојаџиева — Tue, 13 Mar 2018 10:52:51 +0000

Поранешната министерка за култура Елизабета Канческа-Милевска на денешното рочиште за предметот „Тендери“ рече дека не чувствува вина за обвиненија што против неа ги поднесе СЈО. Како невини се изјаснија е двете други обвинети, Јулијана Угриновска и Лидија Лазарова-Цветковска. - Го разбирам тоа што е напишано, но не можам никаде да најдам каде има злоупотреба во обвинението. Ќе докажам дека се испочитувани сите процедури и дека нема никаква злоупотреба, рече Канчевска-Милевска. Посочи дека пред да има обвинение од СЈО, таа на прес-конференција јавно ја презентирал целата документација. Тврди дека и таа и другите две обвинети во „Тендери“ работеле според законските прописи. Судењето ќе продолжи на 13 април со преслушување на пет аудио снимки кои се доказ во постапката.