елми азири – Kurir.mk

Азири: Скоро пола од албанското гласачкото тело не е во Македонија

Ивана Ефремовски — Thu, 12 May 2022 20:01:13 +0000

Пратеникот од редовите на Алијанса за Албанците, Елми Азири вечерва во дебатниот магазин „Click Plus“ на Тв21 посочи дека најголем број иселеници кои што избегале од оваа земја се Албанци. „Има и Македонци, ама претежно се Албанци. Скоро пола од албанското гласачкото тело не е во Македонија“, порача Азири.

Азири: ДУИ вети плата од 600 евра за наставниците во првите 100 дена, Владата инсистира незнаење и политички инаети

Ивана Ефремовски — Tue, 26 Apr 2022 16:49:01 +0000

Пратеникот на Алијансата за Албанците, Елми Азири на денешната прес-конференција во Собранието изјави дека Владата не треба да инсистира со незнаење и политички инает, туку во иднина да ги слуша и да ги прифаќа конструктивните и корисни предлози за граѓаните. -Овие 100 дена се уште 100 дена повеќе измама, 100 дена повеќе лаги, 100 дена измами и уште 100 дена изгубена надеж за граѓаните. Тие се уште 100 дена продлабочени во корупција, уште 100 дена продлабочени во скандали, 100 дена продлабочени повеќе во организираниот криминал, уште 100 дена продлабочени во судство продлабочена во неправдата, каде до 8 проценти е довербата во судскиот систем, што значи дека ниту семејствата на обвинителите и судиите не веруваат во судскиот систем во Македонија, кажа Азири за 100-те дена од работењето на владата. Пратеникот упати прашање и до ДУИ и министерот за образование и наука Јетон Шаќири што се случило со нивното ветување дека во првите 100 дена платите во образованието ќе се зголемат на 600 евра. -Децата изгубија две недели од образовниот процес, просветните работници беа измачени а и често беа анатемирани од Владата. Ја повикуваме Владата да не инсистира со незнаење и политички инаети, туку во иднина да ги слуша и да ги прифаќа конструктивните и корисни предлози за граѓаните, изјави Азири.

Азири: ДУИ е главниот виновник поради кој се кочи изборниот законик

Катерина Бојаџиева — Fri, 19 Mar 2021 18:36:38 +0000

Елми Азири, пратеник од Алијанса на Албанците во своето гостување во емисијата „Што не е јасно“, посочи дека ДУИ како политичка партија е главниот виновник кој не се согласува за да постои фингерпринтот и го кочи изборниот законик. -ДУИ е на власт не како резултат на гласовите кои ги добива од граѓаните, туку како резултат на манипулациите кои ги прави на изборните денови. Еве пример, вие знаете дека се работи на изборниот модел сега. Фингерпринтот дури и поодамна е во законот за избори, сега во новиот изборен модел единствена политичка партија која кочи, која не се согласува со фингерпринт е ДУИ. Дури според законот, отпечатоците на прсти требаше да се употребуваат и на предвремените локални избори во Пласница и во Долнени, но не се употребија, они со ова го прекршија законот. И до ден денска поради нивното кочење на законот сеуште нема договор помеѓу политичките парии, рече Азири во своето гостување.

Азири: Заев побара гласање на доверба на влада затоа што има огромна недоверба помеѓу коалиционите партнери

Катерина Бојаџиева — Fri, 19 Mar 2021 18:31:52 +0000

Елми Азири, пратеник од Алијанса на Албанците во своето гостување во емисијата „Што не е јасно“, зборуваше за мнозинството во Собранието и според него мнозинството во Собранието има проблем со бројките. -Јавноста знае дека мнозинството има проблем со бројките односно има само 62. Еднаш во месецот кога имаат за гласање нешто се собираат 62 , рече тој. Азири во текот на своето гостување зборуваше за гласањето на доверба на Владата кое беше побарано од страна на Зоран Заев и тој посочи дека Заев тоа го направил за свои потреби. Азири мисли дека има огромна недоверба помеѓу коалиционите партнери. -По гласањето на доверба на влада никогаш во Собранието мнозинство немало 62.Имавме и случаи кога се одложуваа пленарните седници поради немање кворум. Јас мислам дека Зоран Заев тоа го направи за свои потреби, мислам дека има огромна недоверба помеѓу коалиционите партнери. Ние слушавме претходните денови дека одредени пратеници од други помали политички партии даваат изјави за самостоен настап и дури и мислам дека некои пратеници од помалите пратенички партии имаат и различни ставови за одредени прашања за разлика од Заев. Сметам дека тоа беше за негова потреба, тоа беше за внатрешна употреба да каже дека има 62 и продолжува понатаму. Реално во политичкиот живот, во политичката сцена немаше никое влијание затоа што утредента немаше 62, кажа тоj.

Азири: Широка влада неизбежна

Магдалена Андонова — Wed, 09 Dec 2020 21:37:58 +0000

Потпретседателот на опозициската Алијанса за Албанците, Елми Азири вели дека формирањето широка влада е неизбежно. Тој во емисијата „Ентер“ на телевизија Шења појасни дека широката влада ќе трае подолго, односно се до организирањето на предвремените парламентарни избори. Азири, кој инаку од Алијансата е предложен да биде и потпретседател на Собранието, вели дека пред Македонија во моментов се исправени сериозни предизвици кои ги засегаат сите граѓани, а за кои власта нема слух и подготвеност да ги вклучи и да соработува со сите засегнати страни. - Ние како преодна фаза предложивме да одиме во проширена влада, па после тоа да се оди и на предвремени избори. Овие се многу сериозни предизвици и не се само партиски. Ова се државни предизвици. Одлуките за овие предизвици влијаат на мене и на вас и на секој граѓанин без оглед на политичката припадност. Сметам дека обединувањето околу проширената влада уште повеќе кога сегашната влада за кое било прашање не изрази подготвеност ниту за соработка, ниту за слушање, ниту пак да се седне и да се разговара за третманот на прашањата. Сметам дека проширената влада е неизбежна. Широката влада ќе трае подолго, односно до организирањето на предвремени парламентарни избори, изјави Азири во „Ентер“.