елтон џон – Kurir.mk

Колабирал во својата вила: Елтон Џон итно пренесен во болница, еве како се чувствува пејачот

Ивана Ефремовски — Wed, 30 Aug 2023 07:07:29 +0000

Елтон Џон, легендарниот пејач, итно бил пренесен во болница вчера вечерта, откако колабирал во својата вила во Ница. Според извештаите, тој се наоѓа на ортопедскиот оддел на болничкиот центар „Принцес Грејс“ во Монако. Неговите претставници за медиумите потврдија дека пејачот е хоспитализиран, а открија дека тој веќе е пуштен на домашно лекување утрово и дека се чувствува добро. - Можеме да потврдиме дека, откако во неделата вечерта се падна во својот дом на југот на Франција, Елтон ја посети болницата од превентивни причини, изјавија неговите претставници, додавајќи: „Елтон го поминува летото во својот дом на југот на Франција со сопругот Дејвид Фурниш и нивните синови, откако ја заврши турнејата во јули оваа година“. Последен пат беше виден во јавноста на 22-ри август, на јахта во Сент Тропе.

Датумот на последниот „Безвременски настап“ на Елтон Џон во Велика Британија

Катерина Бојаџиева — Fri, 02 Dec 2022 09:58:43 +0000

Елтон Џон објави дека неговиот последен британски „Безвременски настап“, пред пензионирањето, ќе се одржи на фестивалот „Гластонбери“ следната година. Во првиот чин на настанот во Велика Британија, Џон ќе настапи на „пирамидната сцена“ во недела на 25 јуни 2023, затворајќи го сѐ тоа на главната сцена. Ова би било неговото само второ појавување на фестивал во Обединетото Кралство. Соопштението пристигнува набргу откако Џон го отсвире своето последно американско шоу на „Доџер стадионот“ во Лос Анџелес минатиот месец – пригоден настан на којшто настапија и Дуа Липа, Кики Ди и Бренди Карлајл, а се емитуваше во живо на „Дизни плус“. – Не би можел да бидам повозбуден што ќе ја предводам сцената на „пирамидата“. Како што доаѓа крајот на мојата турнеја ’Farewell Yellow Brick Road’, не постои посоодветен начин да се збогувам со моите британски обожаватели! Тие беа неверојатно брилијантни и ме поддржуваа низ сите подеми и падови на мојата кариера… Едвај чекам да ме обземе духот на најголемиот фестивал во светот, рече Џон во изјавата. Организаторката на „Гластонбери“, Емили Ивис додаде: – Ќе го затвориме фестивалот и ќе го одбележиме овој огромен миг во двете наши истории со „мајката“ на сите испраќања. Многу сме среќни што конечно ќе го донесеме „Ракетниот човек“ („Rocket Man“, една од неговите најголеми хит-песни, б.п.) на тука. Но, тоа нема да биде неговото последно шоу во целина – турнејата „Farewell Yellow Brick Road“ којашто почна во 2018 година, ќе продолжи низ Европа до јули 2023 година. „Гластонбери“ 2023 ќе трае од среда, 21 јуни до недела, 25 јуни. Билетите за настанот се распродадоа за еден час откога беа пуштени во продажба во ноември годинава.

Елтон Џон ќе има концерт во Белата куќа, еве што ќе се прославува

Ивана Ефремовски — Wed, 21 Sep 2022 06:44:07 +0000

Белата куќа утре ќе биде домаќин на британскиот музичар Елтон Џон, кој ќе одржи концерт за „прославување на обединувачката и обновувачка моќ на музиката“, соопшти денеска американската Администрација. Белата куќа ги покани на концертот „оние кои секојдневно пишуваат историја, вклучувајќи тука едукатори, медицински работници, студенти, активисти за правата на ЛГБТ заедницата и луѓе кои се залагаат за подобра грижа за менталното здравје… Претседателот на САД, Џозеф Бајден и неговата сопруга Џил исто така ќе ја поздрават британската поп-легенда“, се додава во соопштението. Предвидено е Бајден и првата дама на САД да одржат говори. Елтон Џон, кој минатата пролет го прослави својот 75. роденден, е познат по хитовите „Goodbye Yellow Brick Road“, „Your Song“, „Rocket Man“ и „Can You Feel The Love Tonight“. Како светска ѕвезда, тој јавно се изјаснува како геј и е посветен на борба против СИДА-та. (МИА)

Елтон Џон и оддаде почит на кралицата Елизабета Втора на вчерашниот концерт во Торонто

Магдалена Андонова — Fri, 09 Sep 2022 07:26:20 +0000

– Сер Елтон Џон и оддаде почит на „милоста и пристојноста“ на тукушто починатата британска кралица Елизабета Втора на концертот во Торонто, Канада, одржан вчера. Пејачот ѝ беше пријател нејзе и на кралското семејство, па лани беше одликуван и со „Орденот на Придружбата на честа“ (Order of the Companions of Honour), каде што членството е ограничено на 65 луѓе. За време на неговиот концерт во „Роџерс центарот“, сер Џон им се обрати на обожавателите. – Денеска ја имаме најтажната вест – онаа за смртта на Нејзиното височество, кралицата Елизабета. Беше инспиративно присуството да се биде во нејзина близина!, истакна прочуениот пејач. Публиката од 50.000 ракоплескаше додека сликата на кралицата стоеше на големиот екран. – Имам 75 години, таа е со мене цел живот и се чувствувам многу тажно што повеќе нема да биде тука, со мене. Но, мило ми е што е во мир, мило ми е што конечно најде мир и го заслужи тоа. Работеше напорно. Ја испраќам мојата љубов до нејзиното семејство, најблиските и, таа ќе ни недостига на сите. Но, нејзиниот дух живее, а ние вечерва го славиме нејзиниот живот со музиката, изјави сер Џон. Откако ѝ оддаде почит, следеше емотивна изведба на „Don’t Let The Sun Go Down On Me“. (МИА)

ВИДЕО: Големо музичко враќање на пејачката – Бритни Спирс и Елтон Џон ја објавија новата преработка на „Tiny Dancer“

Магдалена Андонова — Fri, 26 Aug 2022 10:02:14 +0000

Бритни Спирс и Елтон Џон ја објавија песната „Hold Me Closer” – новата преработка на неговата песна „Tiny Dancer“ од 1971 година. - Прилично е ‘кул’ што пеев со еден од најтренди мажите на нашето време… Ова е голема работа за мене!!!, напиша Бритни на Твитер. За неа ова е големо враќање – по шест години вон сцената. Последната нејзина песна под назив „Slumber Party“ таа ја објави 2016 година. Џон неделава ја изведе песната и пред публика, во ресторан на југот на Франција. – Апсолутно сум воодушевен што имав можност да работам со Бритни Спирс. Таа навистина и икона – една од најголемите поп-ѕвезди на сите времиња и звучи неверојатно во оваа песна. Ја сакам многу и сум воодушевен од она што го создадовме заедно, истакна Елтон Џон. Списанието „Ролинг стон“ ја има вклучено оригиналната песна на Елтон меѓу 500-те најдобри песни на сите времиња, и тоа – на 47. место.

„Слаткото момче стана ментално болна и вознемирувачка личност“ – Елтон Џон со скандалозни изјави за Мајкл Џексон

Ивана Ефремовски — Fri, 12 Aug 2022 09:25:25 +0000

Во биографската книга „Јас: Елтон Џон“, легендарниот пејач го нарече Мајкл Џексон „ментално болна и вознемирувачка личност“. Елтон Џон напиша шокантна биографија полна со незгодни и скандалозни детали од светот на шоу-бизнисот, додека во еден дел особено го „разобличи“ Мајкл Џексон. -Го познавам Мајкл од 13 или 14 години. Тој беше најслаткото дете што можете да го замислите. Но, во одреден момент во годините што следеа, тој почна да се одвојува од светот и реалноста, како што тоа го правеше Елвис Присли, напишал Елтон Џон во својата автобиографија, пренесуваат медиумите. Елтон во книгата зборува и за зависноста на Џексон од лекови против болки. -Господ знае што му се случуваше во главата, а и самиот Бог знае со какви лекови на рецепт го наполнија. Секој пат кога го гледав во неговите подоцнежни години, се враќав мислејќи дека кутриот тотално ги изгубил нервите. Тоа не го мислам на лесниот позитивен начин. Беше навистина ментално болна, вознемирувачка личност, напишал познатиот пејач. Кога излезе документарниот филм „Leaving Neverland“, кој ги истражуваше несоодветните односи на Џексон со децата и го обвини за сексуална злоупотреба, Елтон го игнорираше и рече: „Изгледаше како да не знае како да се однесува во друштво на возрасни“ – опишал пејачот за Мајкл Џексон. Автобиографијата вклучува голем број други анегдоти, вклучително и организирање вечера на која Силвестер Сталоне и Ричард Гир за малку ќе се скараа поради принцезата Дијана, дружењето со кралицата, неговото расправија со Тина Тарнер и неговиот тежок однос со неговата мајка.

Елтон Џон призна: Мајкл Џексон ме вознемируваше

Ивона Петрова — Wed, 03 Aug 2022 06:40:48 +0000

Во своите мемоари Елтон Џон го нарече Мајкл Џексон ментално болна вознемирувачка личност. Автобиографијата на 75 годишниот музичар наречена "Me: Elton Džon" е полна со шокантни откритија од неговиот живот, а во еден дел детално го опишува дружењето со Џексон. Елтон истакнува дека Џексон бил многу сладок како дете и дека немало знаци на лошо однесување, но потоа раскажува како превртот го неговиот живот значително се почувствувал. -Во некој момент од растењето почна да се издвојува од светот и од реалноста на начин на кој тоа го правеше Елвис Присли, тврди Џон. Понатаму раскажува дека забележал нешто погрешно во однесувањето на Џексон и почнал да нагаѓа дали можеби на тоа влијание имаат лековите. -Бог знае што му се случуваше во главата, и самиот Бог знае со какви лекови го полнеа. Секогаш кога ќе го видев во повозрасните години, се враќав до мислата дека потполно ги загубил нервите, стои во мемоарите на Елтон Џон кој додава дека не го мисли тоа како на безопасен начин, туку дека бил „вистински психички болен и вознемирувачка личност“.

Најавен дует на Бритни Спирс и Елтон Џон

Ивона Петрова — Wed, 27 Jul 2022 07:23:42 +0000

Бритни Спирс и Елтон Џон снимија преработка на неговата песна „Tiny Dancer“ од 1971 година. Како што пишува „Пејџ сикс“ тие ја снимиле траката минатата недела во студио во Беверли Хилс. „Ова беше негова идеја и Бритни се сложи. Тие ја снимија обработката на легендарниот сингл ‘Tiny Dancer’ и тоа навистина звучи неверојатно. Работеа со продуцентот Ендру Ват”, изјави извор близок до музичарите. Тој додаде дека Бритни се радува на големото враќање на сцената. Инаку, последниот сингл наречен „Slumber Party“ таа го објави 2016 година. „Јуниверзал мјузик“ ќе ја објави песната следниот месец. Инаку, списанието „Ролинг стон“ ја вклучи песната на Елтон меѓу 500-те најдобри песни на сите времиња – на 47. место.

Британската ѕвезда Елтон Џон полни 75 години

Магдалена Андонова — Fri, 25 Mar 2022 08:21:42 +0000

Британската поп-ѕвезда Елтон Џон денеска полни 75 години, и вети дека ќе продолжи да се занимава со музика. За да го одбележи својот роденден, тој првпат објави дигитално преработена верзија на неговиот албум „Diamonds: The Ultimate Greatest Hits“ на стрим-платформите. Огнениот поранешен „полковник Двајт“ стана неизоставен дел од музичката сцена од 1970-тите, со редица хитови меѓу коишто и – „Crocodile Rock“, „Candle in the Wind“ и „Rocketman“. Тој, исто така, водеше глобална истражувачка кампања за ХИВ / СИДА, собирајќи милиони фунти за добротворни цели. Пејачот и текстописец кој стана сер Елтон во 1998 година, кога ја доби титулата витез од кралицата Елизабета Втора, вели дека не е носталгичен, но за него 75-от роденден е „важен настан“. – Денеска дефинитивно ќе најдам време „да ги средам сметките“ и да ѝ се заблагодарам на мојата среќна ѕвезда за моето прекрасно семејство, пријателите и работата, додаде тој. – Се чувствувам неверојатно среќен што на 75 години сè уште толку многу го сакам тоа што го работам – сè уште сум толку енергичен во музиката и возбуден сум што можам да свирам, слушам и говорам за тоа секој ден! Тој во мигов е на турнејата „Farewell Yellow Brick Road“, која предвидува над 300 концерти ширум светот, коишто почнаа во 2018 година. – Возбудата од свирењето во живо е исто толку неверојатна како што беше пред 50 години… Имам уште многу да пренесам на новата генерација обожаватели и уметници и решен сум да продолжам да придонесувам за индустријата што ми даде толку многу, истакна сер Елтон. Музичарот продаде повеќе од 300 милиони плочи ширум светот, а минатиот месец, првпат по 16 години го освои синглот број 1 во Велика Британија, со песната „Cold Heart“, инаку дует со пејачката Дуа Липа. (МИА)

Елтон Џон позитивен на коронавирус, откажа концерти од прошталната турнеја

Ивана Ефремовски — Sat, 12 Feb 2022 15:09:26 +0000

Mузичарот Елтон Џон на социјалните мрежи информира дека е заразен со коронавирус и дека поради тоа ќе откаже 2 концерта во САД во рамките на својата проштална светска турнеја. „Заразен сум со коронавирусот и поради тоа морам да одложам 2 концерта во Далас во следните денови“, објави музичарот кој има 74 години. Тој се надева дека можеби ќе го одржи концертот закажан за сабота во државата Арканзас, бидејќи, како што вели, има благи симптоми и има примено 3 дози вакцина против коронавирус.