ема вотсон – Kurir.mk

Ема Вотсон не се откажува од актерството

Дарко Андоновски — Fri, 26 Feb 2021 08:33:12 +0000

Ема Вотсон ги негираше наводите дека ќе се повлече од актерството како своја професија. Имено, таа ги отфрла гласините на интернет што укажуваат на тоа, потврди менаџерот на глумицата за „Индепендент“. – Профилите на социјалните мрежи на Ема се неактивни, но нејзината кариера не е во пад, рече нејзиниот агент. Претходно, „Дејли меил“ пренесе дека младата филмска ѕвезда „паднала во латентна и инертна состојба“, што се толкуваше како предзнак дека Вотсон ја напушта глумата. Таа, инаку, е позната по улогите во филмовите за Хари Потер од првото десетлетие од овој век, потоа – во „Убавицата и ѕверот“ (2017), „Мали жени“ (2019), „Круг“ (2017) „Блинг кругот“ (2013), „Ное“ (2014)… Според Семрежната база на филмски податоци – ИМДБ, засега Ема Вотсон нема нови филмски ангажмани.

„Ако не си изградила дом, ако немаш маж, ако немаш бебе, а полниш 30 години…“

Ивана Ефремовски — Tue, 19 Nov 2019 10:37:18 +0000

Ема Вотсон, која се прослави со улогата на Хермиона во филмовите за Хари Потер, следната година полни 30 години и како што истакнува, тоа ѝ предизвикува различни емоции. Една од најатрактивните млади глумици во Холивуд во разговор за „Вог“ откри дека го почувствувала притисокот кој им се наметнува на жените на нејзини години. „Мислев: Зошто сите толку се оптоваруваат кога полнат 30 години? Тоа не е важна работа. Ама кога наполнив 29, помислив: Се чувствувам под стрес и анксиозно.“ Тоа за среќа се сменило бидејќи Ема сфатила од каде ѝ доаѓаат такви мисли – од денешното општество. „Сфатив дека е така поради проклетата навала на сублиминални пораки на сите страни. Ако не си изградила дом, ако немаш маж, ако немаш бебе, а полниш 30 години, а не си на некое неверојатно сигурно, стабилно место во својата кариера или допрва се обидуваш да сфатиш некои работи…. Доаѓа до неверојатна количина на анксиозност“, објаснила Вотсон. Нејзе, меѓутоа, не ѝ е потребно да исполнува услови кои општеството ѝ ги наметнува, туку е среќна под своите услови.

Славната актерка ја покажа тетоважата со правописна грешка (ФОТО)

Катерина Бојаџиева — Mon, 05 Mar 2018 17:48:11 +0000

Британската актерка Ема Вотсон се појави на свеченоста по повод доделувањето на Оскарите во црна тоалета без ракави и ја покажа новата тетоважа во чест на холивудското движење против сексуалното насилство.

На забавата по Оскарите многумина забележаа дека тетоважата на дваесет и седумгодишната ѕвезда од филмовите „Хари Потер“ има правописна грешка и наместо „Time’s Up“ е напишнао „Times Up“.

Актерката, која донираше милион фунти за поддршка на жртвите на сексуално насилство, не откри дали тетоважата е привремена или трајна.