емери – Kurir.mk

Емери по пресврт победата над Лестер со комплименти за играта на Озил

Ристе Здравков — Tue, 23 Oct 2018 08:43:09 +0000

Менаџерот на Арсенал, Унаи Емери беше среќен по синоќешниот триумф над Лестер извојуван по водството на гостинскиот тим. Емери го издвои Месут Озил како пример за посветност кон тимот.

Постигнавме голема победа која со прикажаната игра ја заслуживме. Сите фудбалери се заслужни за триумфот, но би сакал да го издвојам Месут Озил. Тој е целосно посветен и на натпреварите, но и на тренинзите. Неговите добри игри позитивно влијаат на целиот тим, изјави Емери.

Под водство на францускиот стручњак, Арсенал не ја почна сезоната според очекувањата, но како одминува времето „топџиите“ се се подобри и се наоѓаат во победничка серија која трае десет натпревари во сите натпреварувања. Во Премиер лигата по девет рунди Арсенал е на четвртата позиција со 21 бод колку што има трето пласираниот Челзи. На првите две позиции се Манчестер Сити и Ливерпул со по 23 бода.

Емери разочаран од Арсенал по победата над Ворскла

Ристе Здравков — Fri, 21 Sep 2018 07:38:58 +0000

Менаџерот на Арсенал, Унаи Емери ги критикуваше своите играчи по победата од 4:2 над Ворскла синакоќа во Лигата на Европа.

„Топџиите“ водеа 4:0, но на крајот примија два погодока и токму тоа беше причината за нервозата на стратегот.

- Јас сум разочаран од двата гола што ги примивме, бидејќи покажавме добра игра во 90 минути. Но, на крајот мораше да бидеме подобри. Кога ќе водите 4:0, мора да продолжите да играте високо и да барате повеќе голови наместо да дозволувате такви голови, изјави Емери по мечот.

Шпанецот, сепак, изрази задоволство дека тимот од Лондон почнал со победа на турнирот.

- Дадов шанса на многу играчи. Ова е важно бидејќи сезоната е долга и има многу натпревари се пред нас. Затоа е важно сите да добијат минути на теренот, а најдобро е кога забележуваме победи во слични натпревари. Сакам да продолжиме да бидеме борбени во секој можен дуел. Сепак, некои фудбалери играат подобро, кога играат поредовно. Сепак, се уште има простор за подобрување, додаде тренерот.

Емери им забрани на играчи на Арсенал да пијат овошен сок

Ристе Здравков — Thu, 30 Aug 2018 12:24:53 +0000

Тренерот на Арсенал Унаи Емери смета дека е неопходно да се обрне внимание на деталите за да се обиде да ги подобри перформансите на тимот. Шпанскиот специјалист им забрани на играчи овошни сокови, а исто така одлучи да воведе поинтензивни тренинзи во природа. Тактиките на Емери бараат висок степен на физичка кондиција, така што новиот тренер на „топџиите“ ги заостри правилата. Од доаѓањето во Арсенал, Емери постигна само една победа во Премиер лигата - во третата рунда против Вест Хем (3:1). Во првите два круга загуби од Манчестер Сити и Челзи.

Емери: Не постои конфликт, Озил отсуствува поради болест

Ристе Здравков — Sun, 26 Aug 2018 09:16:59 +0000

Тренерот на Арсенал, Унаи Емери, ги демантираше гласините дека фудбалерот Месут Озил не настапил на натпреварот против Вест Хем поради наводна кавга меѓу нив за време на тренинг. Емери истакна дека Озил не дошол на натпреварот поради болест, а не поради конфликт меѓу нив двајцата. - Озил е болен и не постои никаков друг проблем. Можете да разговарате со нашиот лекар и тој се ќе ви објасни, истакна Емери. Претходно во медиумите се појавија гласини дека двајцата се скарале на тренингот во петокот, а дека Озил одбил да настапи на натпреварот откако дознал дека нема да биде во почетната постава. Арсенал по двата пораза од Манчестер сити и Челзи, вчера под водство на Унаи Емери ја забележа првата победа во Премиер лигата и со 3:1 го совлада Вест Хем.

Емери одлучил за иднината на Вилшир за 15 минути

Ристе Здравков — Fri, 24 Aug 2018 13:30:46 +0000

Менаџерот на Арсенал, Унаи Емери откри дека му биле потребни само 15 минути за да го реши прашањето со иднината на полудефанзивецот Џек Вилшир. Ова лето, 26-годишниот фудбалер го напушти матичниот Арсенал и премина во Вест Хем како слободен агент. Вилшир веќе раскажа дека клучна за неговата одлука била средба со новиот тренер на „топџиите“, а Емери сега објасни зошто дијалогот со играчот поминал брзо и лесно. - Пред да замине, јас разговаравв со него 15 минути. Прво, сакав да ја искажам мојата почит за неговата кариера тука. А потоа, тој треба да постапи така, како што ќе биде најдобро за неговата иднина, рече Емери. Арсенал утре го пречекува Вест Хем и нема никакви пречки Вилшир првпат да се соочи со својот поранешен клуб. - Знам дека нашите поддржувачи го сакаат и почитуваат. Мислам дека ќе го пречекаат добро. Нашиот разговор беше прилично јасен. За мене беше важно да разбере едно нешто - тука главна улога во развојот на проектот ќе имам јас. Веројатно тој немаше да има главна улога на теренот во секој натпревар. Ситуацијата со конкуренцијата би донела компликации за него. Нашиот разговор беше за тоа. Му посакувам се најдобро во Вест Хем, но не в сабота, заклучи тренерот. Во првите два натпревара на чело на Арсенал, Емери забележа два пораза - од Манчестер Сити и од Челзи.

Емери: Повеќе сакам 5:4, отколку 1:0

Ристе Здравков — Thu, 24 May 2018 11:46:02 +0000

Новиот менаџер на Арсенал, Унаи Емери најави офанзивен пристап на неговиот тим, велејќи дека повеќе сака да победи со 5:4, отколку со 1:0. Изјавата на Шпанецот не е својствена за денешните тренери кои најчесто приоритет им е да не примат гол, но тоа не важи за трократниот освојувач на Лига Европа како предводник на Севиља. - Сакам ефикасен фудбал и офанзивен пристап на моите играчи. Повеќе преферирам 5:4, од минималец 1:0. Сакам да работам и анализирам. Секој натпревар ми е како филм. Размислувам за секој детаљ на натпреварите. Сакам мојот тим да напредува и технички и тактички, изјави Емери. Шпанскиот фудбалски стручњак доаѓа во Арсенал каде ќе го наследи Арсен Венгер кој 22 години беше на клупата на „топџиите“.