Емерсон Ројал – Kurir.mk

Испукани 29 куршуми: Хорор сцена – се обиделе да ограбат фудбалер на Тотенхем

Ивана Ефремовски — Fri, 03 Jun 2022 15:33:06 +0000

Бразилскиот интернационалец во дресот на Тотенхем, Емерсон Ројал доживеал стравични сцени. Имено тој додека бил на одмор во својата земја, во Сао Паоло бил цел на грабеж како од филмовите. Откако излегувал од еден ноќен локал, од зад грб му пришле неколку разбојници кои побарале да им предаде се што има во себе. Ројал во тоа време правел селфи со еден полицаец кој не бил на смена. Откако полицаецот видел дека во грбот на фудбалерот бил вперен пиштол, тој почнал да пука при што настанал хаос. Во тие моменти биле испукани дури 29 куршуми, а фудбалерот на Тотенхем имал среќа што ниту еден не го погодил. Ранет бил само еден од разбојниците.

Емерсон: Тешко е без кечап и путер, но ќе се навикнеме

Катерина Бојаџиева — Wed, 24 Nov 2021 11:40:27 +0000

Фудбалерот на Тотенхем, Емерсон Ројал ги коментираше промените во тимот по доаѓањето на тренерот Антонио Конте. Најпрво Италијанецот забрани кечап, мајонез и друга тешка храна во Тотенхем, а потоа и консумирање путер. – Сакам кечап! Но, јас сум навикнат да не јадам таква храна, па тоа не е проблем. Путер! Нема повеќе путер. Вистина е, Конте ја истакна важноста од контролирање на телесните масти и избегнување одредени видови храна. Никогаш порано не сум видел нешто слично. На почетокот беше неочекувано и малку тешко, но ова е важно за нашите настапи. Овие детали можат да бидат значајна, истакна Емерсон. Тотенхем добро ја почна сезоната под водство на Нуно Еспирото Санто, но следуваше резултатска криза по која на почетокот на месецов на тренерската позиција дојде Антонио Конте. По 12 кола во Премиер лигата, Тотенхем е на 7. место со 19 бодови, 10 помалку од лидерот Челзи.

Барселона го претстави новото засилување

Бошко Тасиќ — Sun, 01 Aug 2021 08:19:23 +0000

Шпанскиот фудбалски гигант Барселона го претстави новото засилување за следната сезона, Емерсон Ројал.

22 годишниот десен бек во клубот пристигнува од редовите на Реал Бетис.Младиот Емерсон уште во 2019 година потпиша за Барселона во договор со Атлетико Минеиро и Реал Бетис со кој беше одлучено играчот две сезони да мине во Бетис, а потоа Барса од нив да го откупи договорот.

Емерсон кој беше селектиран и од Тите во селекцијата на Бразил за Копа Америка сега пристигна во Каталонија и веднаш ќе започне со тренинзи со новите соиграчи. Емерсон е четврто засилување за Барселона по Мемфис Депај, Ерик Гарсија и Серхио Агуеро кои пристигнаа во клубот како слободни агенти.