Емил Спасовски – Kurir.mk

Спасовски: Бараме оставка од градоначалникот на Крива Паланка кој нападна полицаец

Катерина Бојаџиева — Wed, 18 Jan 2023 11:39:36 +0000

Целата јавност имаше прилика да чуе и да дознае за скандалозното и насилно однесување на градоначалникот на Крива Паланка, Сашко Митовски. Сашко Митовски, пијан физички нападнал полициски службеник пред неговиот ресторан. Ова го кажуваат очевидците и самиот човек кој е нападнат, полициски службеник кој не бил на должност. Ова го потврди и МВР дека имало ваков случај. Сашко Митовски се однесува како класичен локален шериф, кој напаѓа и тероризира граѓани, физички им нанесува повреди и сето тоа пијан, истакна Емил Спасовски, претседател на ОК на ВМРО-ДПМНЕ Крива Паланка. -Ова е срам за градот, ова е срам за граѓаните, ова е срам за сите кои се сведоци на неговото дивеење. Ова не е прв случај градоначалникот да нападне граѓани. И претходно имаше нападнато човек во својата канцеларија и за тоа знаеше целата јавност. Со право граѓаните се чувствуваат небезбедно. Со право граѓаните се плашат да не бидат нападнати од градоначалник кој е склон на алкохол. Граѓаните се исплашени бидејќи Ковачевски не бара и нема намера да побара оставка од Сашко Митовски, велејќи дека граѓаните го избрале, вели Спасовски и додава: „Граѓаните не го избрале за да ги тепа и напаѓа. Дали МВР веќе поднесе кривична пријава за Сашко Митовски? Дали е точно дека Митовски бил во толку лоша алкохолизирана состојба што не бил при себе? Дали Сашко Митовски имал намера да изврши посериозно кривично дело врз полицискиот службеник кој не бил на должност во моментов? Дали МВР ќе се обиде да го прикрие и овој настан? Веднаш оставка, а потоа одговорност“.

Спасовски: Премногу е, време е граѓаните на Крива Паланка да го искажат своето незадоволство од се помалите плати наспроти се поголемите цени

Магдалена Андонова — Tue, 14 Jun 2022 17:20:31 +0000

Не сте задоволни од тоа како живеете? Се помалку пари, ниски плати, а се повисоки цени. Не можете да ги добиете услугите од институциите кои природно треба да ви се достапни? Корупцијата е широко распространета, а правдата недостапна. Чувствувате несигурност. Сигурно се прашувате до кога вака, за тоа што вие знаете дека е премногу, нагласи Емил Спасовски, претседател на ОК на ВМРО-ДПМНЕ Крива Паланка во своето обраќање кон граѓаните. Спасовски додаде дека општинскиот комитет на ВМРО-ДПМНЕ од Крива Паланка ги повикува граѓаните да се придружат на 18-ти јуни во 20 часот пред Влада на голем општонароден протест каде што ќе се порача на ненародната власт дека крајот им се ближи и дека се потребни предвремени парламентарни избори. - Општинскиот комитет на ВМРО-ДПМНЕ од Крива Паланка ве повикува на голем општонароден протест за промени. Заедно да го искажеме незадоволството од неспособноста на власта. Незадоволството од широко распространетата корупција спонзорирана од власта. Незадоволството од тоа како живееме наспроти аздисаноста на власта. Незадоволството од се помалите плати наспроти се поголемите цени. Незадоволството од недостапна правда, здравствена заштита и општа сигурност. Премногу е! Тргнување од Крива Паланка за големиот протестен собир на 18-ти јуни, сабота во 17 часот во Старата чаршија во крива Паланка, ги повика Спасовски граѓаните на Крива Паланка.

Спасовски: Во првите 100 дена, Митовски ја покачи цената на водата, такси превозот, а не реализира ниту еден инфраструктурен проект во Крива Паланка

Магдалена Андонова — Fri, 11 Feb 2022 08:54:28 +0000

Во овие 100 дена градоначалникот на општина Крива Паланка Сашо Митовски со поддршка од советниците од СДСМ ја зголеми цената на водата за пиење на 30 денари за метар кубен. Денеска граѓаните плаќаат најскапа вода за пиење во историјата на Крива Паланка. Исто така во овие 100 дена градоначалникот и советниците на СДСМ ја зголемија цената и на такси превозот, односно од 50 денари на 60, односно 70 денари, обвинува Емил Спасовски, советник од редовите на ВМРО-ДПМНЕ во Советот на општина Крива Паланка и претседател на ОК на ВМРО-ДПМНЕ. Според него Митовски ги дели културните уметнички друштва на подобни и неподобни со носењето на решението за иселување на едно фолклорно друштво од просториите кои што се во сопственост на општината. Во првите 100 дена донесе и решение за иселување на фолклорно друштво од простории кои се во сопственост на општината без било какво образложение, што очигледно според него постојат подобни и неподобни културни уметнички друштва, а не друштва кои што години наназад ја негуваат и промовираат културата и традицијата и го претставуваат нашиот град во земјата и надвор, истакна Спасовски и додава дека во овие 100 дена во општината се нема реализирано ниту еден инфраструктурен проект, а Митовски се уште не ги реализирал ниту проектите кои му се оставени уште од претходниот градоначалник негов роднина Борјанчо Мицевски. Во овие 100 дена нема изработено или аплицирано за било каков инфраструктурен проект, а на градоначалникот единствено му остана да се фотографира со проекти кои што дел се планирани и проектирани во време кога ВМРО-ДПМНЕ раководеше со општината, а денеска се во фаза на изработка останати во наследство од претходниот градоначалник, неговиот вујко Борјанчо Мицевски. Борјанчо Мицевски му остави уште едно сомнително јавно приватно партнерство за улично осветлување за која општината ќе плаќа 11 милиони денари годишно и истото ќе трае во наредните шест години за кое допрва надлежните институции треба да го истражуваат, објасни Спасовски. Спасовски потенцираше дека како советничка група од ВМРО-ДПМНЕ поднеле иницијатива средствата за украсување да се пренаменат за вработените од здравствениот дом, како и иницијатива за решавање на сообраќајниот хаос во централното подрачје на градот, но истите биле одбиени од Митовски и советниците на СДСМ. Градоначалникот недомаќински плати од парите на граѓаните како никогаш досега најспако новогодишно украсување на општината, во време на здравствена, економска и енергетска криза. Ние како советничката група на ВМРО-ДПМНЕ и коалицијата поднесовме иницијатива за пренамена на средствата за вработените во здравствениот дом во Крива Паланка. Но тоа од негова страна беше експресно одбиено, додаде тој. Ние како советничка група поднесовме иницијатива и за решавање на сообраќајниот метеж во централното градско подрачје на потегот од Шанин до Соларски мост, за што сите сме сведоци дека во одреден период од денот се случува сообраќаен хаос. Иницијативата беше одбиена од страна на градоначалникот и советниците од СДСМ, вели Спасовски. Ги нема ветените нови паркинг места, нема катна гаража, но гласно се зборува за зонско паркирање преку јавно приватно партнерство за кое ние како советничка група остро ќе се спротивставиме и нема да дозволиме дополнителни оптеретувања на граѓаните, кажа тој. Тој смета дека мандатот на Митовски во првите 100 дена се сведени на гол популизам и аматерски скапо платен пи-ар, укажувајќи дека како советничка група на СДСМ и понатаму ќе продолжат да работат во интерес на граѓаните и да се спротивстават на лошите локални политики. По сето ова можеме да заклучиме дека првите 100 дена од мандатот на Митовски се сведени на гол популизам и аматерски скапо платен пи-ар, заклучи Спасовски.

Спасовски: Наместо развој на општина Крива Паланка, градоначалникот Мицевски донесе стагнација и уназадување, промени мора да има

Катерина Бојаџиева — Wed, 19 May 2021 17:06:34 +0000

Поминува четвртата година откако локалната самоуправа во Крива Паланка ја водат Борјанчо Мицевски и СДСМ. Период во кој наместо развој и напредок, се случува стагнација и уназадување во сите области кои што се под надлежност на локалната самоуправа. Од општина лидер во искористување на ЕУ фондовите преку гранична соработка пред 4 година, до висока задолжена општина денес, истакна Емил Спасовскиод ВМРО-ДПМНЕ. -Нема ништо од ветените проекти кои што беа пред изборно најавувани. Како што се гасификација на градот, монтажни катни гаражи, затворен градски пазар, подземна сообраќајница и паркинг под плоштадот, мини аква парк, изградба на трибини на градскиот стадион, повеќенаменско игралиште во болничка ливада. Ветија брана во село Конопница, изградба на старечки дом во Конопница, ветија пречистителна станица за отпадни води, поврзување со Македонска Каменица преку Тораница, реконструкција на патниот правец Крстов дол село Луке, ветија пат во Длабочица, ветија рестартирање на гинеколошко одделение во Здравствениот дом, изградба на тротоари во Лозаново, изградба на детско игралиште во село Жидилово, изградба на нови улици и многу други ветувања со кои ги излажаа граѓаните. Наместо тоа, сведоци бевме на многу скандали на луѓе блиски до локалните власти, од огради по 30.000 евра, тоалети по 80.000 евра, тендери по 130.000 евра за тезги и кукички во градскиот пазар кои дел и воопшто не се користат. Шверц на тутун и милионски суми не платени акцизи. Добивме и локални шерифи во редовите на МВР кои во изминатиот период извршија тотална репресија врз граѓаните на Крива Паланка, а неодамна медиумите објавија и дека двајца полицајци биле пријавени за земање на мито. Нешто што стана секојдневие, за што зборуваат сите кои патуваат во правец Куманово Деве Баир. Економијата во градот е уништена, нема нови фабрики и инвестиции, нема нови работни места за младите како што ветија, дури и постоечките се на раб на егзистенција и размислуваат за отпуштање на вработени. Иселувањето и натаму продолжи и тоа со уште позасилено темпо од претходно, а причината за тоа освен финансиска е и изгубена доверба во локалните иполитизирани и нефункционални институции. Прво нешто за што градоначалникот се фати за работа беше брусењето на сонцето од Кутлеш лоцирано пред општинската зграда. Второ беа казни за жителите на село Мождивњак кои сами се организираа со сопствени средства да си го поправат патот, додека во централното градско подрачје не законски се узурпираат јавни површини за партиски цели на партиски војници од СДСМ. Се на се тотален хаос и безредие владее во општина Крива Паланка. Надлежните институции по промената на власта ќе имаат полни раце работа за да ги исправат овие неправди. Крива Паланка не заслужува ваква неодговорна локална власт, следува период во кои оствариме средби со граѓаните од сите населени места и директно од терен ќе ги слушнеме нивните потреби и проблеми. Во нашиот тим ќе бидат вклучени стручни и одговорни лица од сите области и во програмата за следните локални избори ќе понудиме најдобри решенија како и визија за модерен развој на нашата Крива Паланка. Следува македонска пролет, Крива Паланка ќе биде дел од промените кои доаѓаат наредниот период, вели Спасовски.