Емилија Александрова – Kurir.mk

Ќе се осмели ли Александрова да се сретне со Соколов и со луѓето кои ја изгласаа?

Дарко Андоновски — Mon, 04 May 2020 19:18:23 +0000

Независната пратеничка Емилија Александрова одговори на фејсбук статусот на Иван Соколов од ВМРО-ДПМНЕ, кој вели дека лидерот на СДСМ, Зоран Заев требало да и каже „дека употребените чевли први се фрлаат во канта за отпадоци“, а „нејзината употребна вредност завршува“. – А потоа ќе си продолжиш да шеташ низ Берово со главата во земја, вели Соколов. https://www.facebook.com/ivansokolovmk/posts/2847963518634075 Ова доаѓа откако независната пратеничка претходно соопшти декалидерот на опозициската партија, Христијан Мицкоски не сака избори, затоа што ќе ги изгуби поради лошите одлуки и немање став на неколку луѓе. „Тој сака власт, ама без да преземе одговорност“, вели таа. Александрова го нарекува поразениот градоначалник на Делчево, Соколов „губитник кој зборува за народна волја“. „Гледам те нашле да објавуваш текстови за да се чувствуваш значајно, и баш ми е жал. Сепак, бидејќи јас ги почитувам и поразените, и излажаните, и заблудените одлучив да ти одговарам на статусите. Си заборавил да го прочиташ статутот на ВМРО ДПМНЕ, најверојатно бидејќи си шетал по партии со желба за привилегии носен од искуството со службите кои беа против независната мисла. Сигурно е тешко да се живее со тоа чувство. Кога си бил искрен? Тогаш или сега? Или никогаш? Иван, ВМРО-ДПМНЕ секогаш била и е партија која е за членство во НАТО и ЕУ. Горда сум што мојот глас е дел од успешната македонска приказна. Партијата ниту сум ја нападнала, ниту ќе ја нападнам, но ти Иван си еден човек кој не ја сфаќа разликата меѓу некој кој е претседател и партијата. Партијата не е претседателот туку луѓето кои ја избрале поради одредбата за напредок и национално единство. Резултатите на изборите ќе покажат кој бил во право, дали јас или ти. Јас, со гордо крената глава и чиста совест сум среќна дека помогнав да се остварат соништата на нашите граѓани да тргнеме по евроатлантскиот пат. Знам дека знаеш колку многу членови се согласни со ова, но ти си решил да одработуваш и бидеш губитник уште еднаш. Те поканувам на кафе во Берово, дојди да видиш како луѓето ги ценат храбрите. Можеби така и ти еден ден ќе бидеш победник

ОК на ВМРО -ДПМНЕ од Берово ја исклучи од членството пратеничката Емилија Александрова

Ивона Петрова — Sat, 20 Oct 2018 16:03:47 +0000

Претседателот на општинскиот комитет на ВМРО- ДПМНЕ, Никола Атанасов на денешната прес-конференција ја соопшти одлуката со која од членството се исклучува пратеничката Емилија Александрова. -На денешната седница ОК Берово, согласно статутот на партијата и насоките добиени од ИК на ВМРО ДПМНЕ, едногласно донесе одлука од членство вопартијата да ја исклучи досегашната наша пратеничка Емилија Александрова. Сосвојата постапка и поддршката за уставни измени која ја даде на вчерашната седница, Александрова ја погази волјата на граѓаните на Македонија искажана на референдумот од 30-ти септември, како и партиската одлука за почитување на таа народна волја при изјаснувањето во Собранието, истакна Атанасов. Тој истакна дека членовите на ОК Берово не навлегуваат и не ги интересираат мотивите за ваквата нејзина одлука. -Тоа ен ејзина лична работа и со тоа ќе мора да живее целиот свој живот и таа, а за жал и нејзиното семејство и идните поколенија. Веруваме дека ќе има објаснување за оваа своја предавничка постапка барем пред нив и пред Бога, затоа што нивниот суд е оној најважниот. Со судот од вмровците и македонските граѓани за својата постапка и заона што планирате да го правите во иднина, вие пратеничке Александрова ќе морате самите да се изборите, ВМРО ДПМНЕ повеќе неможе и нема да стои повеќе позади вас. Бараме да покажете барем малку доблест и да го вратите мандатот кој го добивте како кандидат на листата на ВМРО-ДПМНЕ на граѓаните кои ви го дадоа, а вие максимално ги изневеривте.Како претседател на ОК Берово на крајот само сакам да истакнам, дека сум крајно разочаран, затоа што сум соработувал со таква личност во која сум имал целосна доверба, на која секогаш и од срце онолку колку сум бил во можност сум и помагал и сум ја поддржувал. Со вашата вчерашна постапка направивте да се срамам поради тоа, и од сопартијците и од сите чесни Македонци, посочи Атанасов. Претседателот на ОК Берово од ВМРО-ДПМНЕ нагласи дека Александрова занив ќе остане срамно минато.

Вчера гласаа за уставни измени, а еве што пишуваа пратениците Исмајлоска, Рамчиловиќ и Александрова пред неполн месец

Ивона Петрова — Sat, 20 Oct 2018 11:28:48 +0000

Нола Исмајлоска-Старова и Зеќир Рамчиловиќ беа првите двајца пратеници кои на социјалните мрежи го искажаа својот став дека немаат намера да гласаат за уставните измени и да одат против волјата на граѓаните. Набрзо со статус на Фејсбук истиот став го искажа и пратеничката Емилија Александрова. Сите тројца вчера го погазија својот збор. -Како што се приближува 30 септември се почесто Референдумот е тема на разговор. Во кампањата ја побарав вашата поддршка и чувствувам одговорностд а го споделам својот став. Како пратеник, моја должност е да го почитувам Уставот и да бидат гласот на оние кои ме избрале. Никој не е над волјата на народот, затоа што функцијата треба и мора да биде гласот на луѓето кои живеат во Република Македонија. Верувам во вашата мудрост и немам намера да бидам против вашата одлука на 30 септември, објави Исмајлоска - Старова на Фесјбук додавајќи дека нема да гласа за уставните измени. Втор кој се огласи на социјалните мрежи беше пратеникот Зеќир Рамчиловиќ. -Како припадници на бошњачкиот народ за нас е прифатливо решение само доколку истото е прифатено до мнозинството на македонскиот народ и од мнозинството на сите македонски граѓани. Приоритетот го даваме на македонскиот народ, а потоа на сите македонски граѓани затоа што како Бошњаци сме дел и од нација на друга држава. А, особено што ние Бошњаците сме доживеале и промена на име од Босна во Босна и Херцеговина, промена на име на јазик од босански во земаљски, потоа во српско-хрватски, па и забрана за изјаснување како Бошњаци се до 28 септември 1993 кога ги вративме сите елементи на нашиот идентитет, напиша Рамчиловиќ. -Како народен претставник непосредно избран да ги застапува граѓаните во Собранието, имам дадено свечена изјава дека ќе го почитувам Уставот и ќе ги бранам интересите на Република Македонија. Како пратеник, немам ниту мандат, ниту овластување, а ни лична намера, да гласам за било какви измени во Уставот со кои би се променило уставното име на мојата татковина - Република Македонија, пишуваше пратеничката Емилија Александрова. Овие тројца пратеници се меѓу осуммината народни избраници на ВМРО-ДПМНЕ кои вчера во закнодавниот дом го погазија својот став и гласаа „ЗА“ уставни измени. По гласањето, партијата на вонреден извршен комитет донесе одлука пратениците на ВМРО-ДПМНЕ кои ги поддржаа уставните измени да бидат веднаш исклучени од партијата. Ваквата одлука доцна синоќа на прес-конференција ја соопшти партискиот лидер Христијан Мицкоски.

Александрова до Мираковска: Ја урнисавте правната држава, не постои право, не постојат закони

Ивана Ефремовски — Wed, 10 Oct 2018 11:50:48 +0000

Ја урнисавте правната држава, не постои право, не постојат закони, Уставот сакате да го урнисате во оваа држава, реплицираше Емилија Александрова од ВМРО-ДПМНЕ на Соња Мираковска од СДСМ при Комисијата за Уставни промени.

Александрова ја прочита и изјавата на Ципрас од 5-ти јули каде што тој вели дека никаде во договорот не се признава нацијата.

Но во една работа Александрова се согласува со пратеничката од СДСМ, дека овој Парламент е исправен пред една историска одлука, меѓутоа не се согласува дека го добиле мандатот да носат одлука за промена името на својата држава.

-Колешке Мираковска, Вие во вашата програма имавте се само немавте промена на име. Вие ветувавте 500 евра плата, 100.000 денари плата за докторите, подобар живот за младите, вработување на младите после завршување на образование, меѓутоа колешке Вие никаде во вашата програма не спомнавте дека ќе го менувате името, јазикот, идентитетот и сите други останати работи. Затоа колешке јас се согласувам дека е историска одлука и вие и ние мораме да го почитуваме Уставот, мора да ја почитуваме волјата на граѓаните. И вие колешке спомнавте чувства, не се работи за чувства, овој Парламент функционира во името на правото, во Уставот, законите, истакна Александрова.

Александрова: Вие сте еден типичен школски пример за тоа како една власт не смее да работи

Ивана Ефремовски — Wed, 11 Apr 2018 18:29:19 +0000

На денешната расправа во Собранието за интерпелација на владата, пратеничката од редовите на ВМРО-ДПМНЕ, Емилија Александрова на упатената реплика до Фросина Ременски, истакна дека заради неспособното владеење на владата на СДСМ, граѓаните во Македонија не се чувствуваат безбедни. -Колешке вие сте еден типичен школски пример за тоа како една власт не смее да работи. Тоа е фактичката ситуација. Народот вас така ве перципира. Од вас очекуваа многу. Вие ветивте „живот“, а наспрема тоа донесовте еден куп луѓе отпуштени и без работа, немање инвестиции, немање визија, заробена држава, коруптивни скандали, убиства, запалени возила и колешке Фросина народот во оваа држава веќе не се чувствува безбеден, потенцираше Александрова. Таа посочи дека странските инвестиции во 2016 година беа 350 милиони евра, додека во 2017-та се 227 милиони евра. Александрова додаде дека единствено што може да се види е небезбедна држава додека пратениците служат како пример за тоа како не се почитува уставот, законите и деловникот во Собранието. За последниот извештај на Транспаренси Интернешанал, Александрова потенцираше дека според индексот на корупција, Македонија падна за цели 17 места. -Индексот на корупцијата е толку голем што Македонија е на ниво на заробена држава, а власта затвора очи при тоа. Откако дојдовте на власт навистина критериумите и вредностите за тоа што е добро и што не е добро некако се испореметија. Јас не знам од кога стана 0 % економски раст да биде добро, истакна Александрова.