емилија кларк – Kurir.mk

Емилија Кларк ќе ја глуми сопругата на Оскар Вајлд

Ивона Петрова — Thu, 03 Nov 2022 10:24:07 +0000

Глумицата Емилија Кларк ја преземa улогата на Констанс Лојд во историската драма „Совршената сопруга“ (The Ideal Wife) на филмската режисерка Софи Хајд. Кларк ќе ја глуми сопругата на aмериканскиот писател Оскар Вајлд, со кого се омажила 1884 година и имале два сина. Лојд, инаку, се помни како поборничка за правото на жените да носат удобна облека, а не „задушувачки фустани“од Викторијанската ера, пишува „Варајети“ (Variety). Филмот е во претпродукција и снимањето допрва следи. Емилија Кларк, по улогата на Денерис Таргаријен во „Игра на престоли“ и повеќе други успешни филмови, доби улога и во „Марвел“ серијата „Тајна инвазија“ (Secret Invasion), чијашто премиера е в година.

ФОТО: Sвездата на „Игра на престоли“ ја продаде куќата – од цифрата ќе ви се заврти во глава

Магдалена Андонова — Mon, 18 Jan 2021 14:05:29 +0000

Sвездата на „Игра на престоли“, Емилија Кларк најде купувач за нејзината куќа на плажата „Венеција“ во Лос Анџелес. На неа таа ќе заработи 4,4 милиони долари, според податоци на агенцијата за недвижнинни, „Даглас Елиман“. Глумицата ја купи оваа куќа 2016 година за 4,64 милиони долари. Лани летото, таа се обиде да го продаде имотот за пет милиони долари, но потоа двапати мораше да ја намали цената. Куќата е изградена 2009 година и е дело на калифорнискиот архитект Ејбрамсон Тајгер. Дизајнирана е „за беспрекорен живот на отворено“, како што пишува „Mеншон глобал“. Големите стакларници во дневната соба гледаат директно кон терасата од едната страна, малата шумичка веднаш до куќата и внатрешниот двор со 30-метарски базен и покриена веранда од друга страна. Меѓу растенијата што го красат дворот на куќата е и 80-годишното маслиново дрво. Дневната соба има тавани високи 15 метри, камин и вградени дрвени полици за книги што зафаќаат скоро цел ѕид. На приземјето има кујна со камени шанкови направени по нарачка и канцелариски простор што со излез кон дворот. На горниот кат има две спални соби со бањи и голема просторија за плакари. Купувачите на куќата на славната глумица претпочитаа да останат анонимни. (МИА)

Божиќен трејлер среде лето: Овој филм со нетрпение го очекуваме (ВИДЕО)

Ивана Ефремовски — Thu, 22 Aug 2019 15:39:22 +0000

На некои не им е дојдено до божиќни филмови во август, а други пак со нетрпение ја очекуваат ладната, празнична сезона. Деновиве излезе трејлерот за „Last Christmas“, новиот филм во кој Емилија Кларк ја има главната улога, а го очекуваме во ноември 2019-та.

Оваа убавица требало да глуми во „50 нијанси сива“, но еве зошто одбила

Ивана Ефремовски — Fri, 31 May 2019 08:33:08 +0000

Телевизиската и филмска ѕвезда Емилија Кларк ја одбила главната улога во филмот „50 нијанси сива“ поради сцените со голотија и секс. -Последен пат кога бев гола пред камера (како Денерис во „Игра на престоли“) беше пред неколку години, и тоа е сè уште едно од главните нешта по кои сум позната и ме прашуваат, и тоа само затоа што сум жена. Многу ме нервира. Јас го направив тоа поради ликот што го толкував, а не за мажите да ги гледаат моите гради!, изјави Кларк за НМЕ. Таа натаму додава и дека глумењето во филм каде што фокусот е на сексот и голотијата само би го пренагласил нејзиниот надворешен изглед и би ги засенил другите квалитети, кои нејзе и се побитни. (МИА)

Ѕвездата од „Игра на тронови“ храбро за својата болест: „Мислев дека моето време истече!“

Предраг Кукиќ — Fri, 22 Mar 2019 16:04:30 +0000

Емилија Кларк, ѕвездата на „Игра на тронови“, откри дека била подложена на операција на мозокот меѓу две сезони од серијата, откако претрпила две аневризми опасни по живот. Триесет и двегодишната британска актерка имала две операции, што, како што кажа, ѝ предизвикало ужасни напади на паника и вознемиреност. „Мислев дека ќе умрам, но заздравив над сите неразумни надежи“, вели Кларк во колумната за „Њујоркер“. Таа првпат доживеала аневризма во 2011-та година, колабирајќи во тоалет во „огромни, пробивни болки“. Лекарите утврдиле дека имала субарахноиден мозочен удар, од кој две третини луѓе умираат моментално или по кратко време. По операцијата ѝ се појавила состојба наречена афазија, од која не можела да комуницира. „Во моите најтешки моменти посакав да ме исклучат од апаратите. Им реков на лекарите да ми дозволат да умрам“, изјави Кларк. Втората операција ја имала во 2013-та но на другата страна од мозокот. „По операцијата изгледав како да сум поминала низ војна каква што Денерис никогаш не искусила“, се пошегува Кларк.