Емилијано Мартинез – Kurir.mk

Манчестер Јунајтед сака да го замени Де Хеа со Емилијано Мартинез?

Бошко Тасиќ — Fri, 12 May 2023 04:27:59 +0000

Англискиот фудбалски гигант Манчестер Јунајтед е заинтересиран за голманот на Астон вила и на аргентинската репрезентациј, Емилијано Мартинез, објавија аргентинските медиуми, откако Давид де Хеа уште го нема продолжено договорот со клубот од „Олд Трафорд“. Иако Ерик Тен Хаг потврди дека преговараат со 32-годишниот Де Хеа, клубот ги разгледува алтернативите, како Давид Раја од Брентфорд, но и популарниот Дибу Мартинез. Аргентинските медиуми зборуваат дека тој сака да ја напушти Астон вила и порај тоа што минатата година потпиша петгодишен договор поради конфликтот со менаџерот Унаи Емери.

Капело го нарече идиот аргентинскиот голман Мартинез

Дарко Андоновски — Sat, 24 Dec 2022 21:39:29 +0000

Поранешниот селектор на репрезентациите на Англија и на Русија, Фабио Капело остро реагираше на однесувањето на аргентинскиот голман Емилијано Мартинез по финалето на Светското првенство во 2022 година. – Што мислам за гестот на Мартинез? Идиот, го цитира Капело „Кориере дела сера“. Мартинез ја доби наградата за најдобар голман на турнирот „Златна ракавица“. Откако играчот го зема трофејот, го стави на препоните и го затресе. За време на прославата на победата во соблекувалната, тој повика на едноминутно молчење за напорите на францускиот напаѓач Килијан Мбапе, кој постигна хет-трик на овој натпревар.

Мартинез близу до премин во нов клуб

Ристе Здравков — Wed, 21 Dec 2022 15:33:24 +0000

Целта на голманот на Астон Вила, Емилијано Мартинез е кариерата да ја продолжи во клуб кој игра во Лигата на шампионите, изјави менаџерот на аргентинската репрезентација. Мартинез е прогласен за најдобар голман на Светското првенство во Катар. Аргентина ја освои титулата на Светското првенство, откако во финалето ја совлада Франција по подоброто изведување пенали. “По Светското првенство, само неколку клубови можат да го ангажираат Мартинез. Се разбира, главната причина е неговата цена, која драстично порасна. Нашата цел е Мартинез да замине во клуб кој ќе игра во Лигата на шампионите”, изјави менаџерот. Мартинез (30) во Арсенал пристигна во 2010 година од Индепендиенте, а за лондонскиот клуб одигра само 38 натпревари, бидејќи до 2020 година беше позајмен во Оксфорд, Шефилд, Ротерам, Вулверхемптон, Хетафе и Ридинг. Аргентинецот се пресели во Астон Вила во 2020 година, а за клубот од Бирмингем настапи во 91 натпревар. Мартинез никогаш во кариерата не бранел во Лигата на шампионите, а наводно сака да го промени клубот веќе во јануари следната година. Тој има договор со Астон Вила до јуни 2027 година.

Мартинез како првпат да игра фудбал: Срамниот гест бил упатен кон Французите, еве зошто!

Ристе Здравков — Mon, 19 Dec 2022 14:07:40 +0000

Емилијано Мартинез е еден од хероите на Аргентина во битката до светскиот фудбалски трон. „Гаучосите“ го слават трофејот освоен во Катар, но искусниот голман на Астон Вила и понатаму е во фокусот на медиумите, пред сè поради срамните потези кои што ги направи по финалето со Франција. Мартинез беше прогласен за најдобар голман на шампионатот, а откако ја доби „златната ракавица“ ја постави пресижната награда на меѓуножјето, а овој потег наиде на осуда. Подоцна, тој го објасни срамниот гест и се чини „Го направив тоа затоа што Французите ме исвиркаа. Честа за мене не функционира“, рече Мартинез за радио „Ле Ред“. Тоа не беше единствениот контроверзен инцидент на вечерта во кој беше вклучен поранешниот голман на Арсенал, кој исто така тој го исмејуваше Килијан Мбапе за време на прославата во соблекувалната.

Мартинез со нов СКАНДАЛОЗЕН ЧИН – очите на целиот свет вперени во соблекувалната на Аргентинците, голманот со грозен потег до Мбапе (ВИДЕО)

Дарко Андоновски — Mon, 19 Dec 2022 07:51:23 +0000

Голманските квалитети на Емилијано Мартинез се неспорни и со своите неверојатни одбрани имаше клучна улога во третата шампионска титула која ја освои Аргентина на светските првенства, но кога е однесувањето во прашање, чуварот на мрежата на Астон Вила мора навистина многу да се поправи. Популарниот Дибу го навлече гневот меѓу неутралните фудбалски фанови уште во четвртфиналето кога на доста низок начин го провоцираше и навредуваше Луи Ван Гал по победата над Холандија во пенал рулетот, но доста лошо лице покажа и на финалето во Катар. Мартинез со неблагодарен танц им фаќаше сеир на француските промашувања во пенал рулетот, потоа ја стави „Златната ракавица“ на вулгарно место за време на церемонијата, но продолжил со некоректното однесување и во соблекувалната. Голманот влезе во вербален клинч со Килијан Мбапе уште пред финалето со изјавите во јавноста, па иако три пати ја вадеше топката од мрежата во дуелите со Французинот, фактот што на крајот стана светски шампион го осоколи да режира нов ужасен потег. – Минута молк за Мбапе, – гласи пораката која ја испраќа Мартинез во еуфоричната прослава на Аргентинците во соблекувалната на „Лусаил“ стадионот.

"A minute of silence for ... Mbappe!" 😅
Emiliano Martinez during Argentina's dressing room celebration. (via nicolasotamendi30/Instagram) pic.twitter.com/dwm3IrUNWG — ESPN FC (@ESPNFC) December 18, 2022

Мартинез: Франција можеби е фаворит, но ние го имаме најдобриот играч на сите времиња

Бошко Тасиќ — Sun, 18 Dec 2022 07:10:19 +0000

Голманот на Аргентина, Емилијано Мартинез, зборуваше за медиумите во пресрет на големото финале против Франција. Исто беше и против Бразил на Копа Америка, луѓето мислеа дека тие се фаворити за титулата, а сега тоа е Франција. Луѓето можеби им даваат предност, но ние го имаме најдобриот играч на сите времиња“, изјави голманот на Астон Вила. „Тој е многу среќен и тоа се одразува на неговата игра на теренот“, рече Мартинез за капитенот на тимот. „Во првиот натпревар загубивме од Саудиска Арабија, но никој не ја загуби вербата. Од натпревар во натпревар ја подобрувавме нашата игра. Знаевме дека против Мексико и Полска не чекаат две финалиња и ги одигравме точно така.Од почетокот правиме сѐ што е во наши сили да го одбраниме националниот дрес“, продолжи Мартинез. “Тешко ми е да не размислувам за трнливиот пат кој го поминав до утрешното финале. Многу млад ја напуштив татковината, а сега цела земја страстно ме поддржува. Тоа е нешто навистина посебно”, заклучи аргентинскиот голман.

Простачко однесување на Мартинез до Ван Гал: Два пати те заеав, куво…

Ристе Здравков — Sat, 10 Dec 2022 11:18:19 +0000

Голманот на Аргентина Емилијано Мартинез одбрани два пенали и ја исфрли Холандија од Мундијалот. А синоќа мечот го одбележаа неколку препирки меѓу играчите и тренерите, посебно беа лути Меси и голманот Мартинез кон Ван Гал, селекторот на Холандија. По мечот Мартинез се приближи до клупата на Аргентина и му викаше на селекторот: „Два пати те зае*ав Два пати! Курво“

Emi Martínez: “I fu*ked you twice! twice! you bi*ch.”

pic.twitter.com/RVyH11mykK
— All About Argentina 🛎🇦🇷 (@AlbicelesteTalk) December 9, 2022

Јувентус е заинтересиран за аргентинскиот голман Мартинез

Ивана Ефремовски — Tue, 19 Apr 2022 20:18:26 +0000

Италијанскиот фудбалски гигант Јувентус е заинтересиран за потписот на аргентинскиот голман и член на Астон вила, Емилијано Мартинез. Тренер на „бјанко-нерите“ Масимилијано Алегри е лично заинтересиран да го покани 29-годишниот голман да дојде во Торино. Во септември 2020 година, Мартинез се приклучи на Астон вила од Арсенал за повеќе од 20 милиони евра. Неговиот договор е до летото 2027 година. Јувентус многу веројатно сезона ќе остане без трофејот во Серија А, па веќе е во почнување на создавање тим кој ќе биде конкурентен за највисок пласман, како во домашното првенство, така и во евро-куповите. (МИА)

Астон Вила го продолжи договорот со Емилијано Мартинез

Бошко Тасиќ — Sat, 22 Jan 2022 08:04:48 +0000

Аргентинскиот голман Емилијано Мартинез го продолжи договорот со Астон Вила до летото 2027 година. Искусниот чувар на мрежата на „Вила Парк“ пристигна летото 2020 година од Арсенал и потпиша соработка до 2024 година. Откако во меѓувреме стана неприкосновен на голот и бележи одлични партии во Премиер лигата, клубот реши да го награди со нов, тригодишен договор. За клубот од „Емирати“ дебитираше во 2012, но во ниту еден момент не успеа да се избори за статусот прв голман, покрај Петр Чех, а подоцна и Бернд Лено, па често одеше на позајмица.