еминем – Kurir.mk

Еминем побара претседателскиот кандидат Рамасвами да не користи негова музика во кампањата

Тале Кристо — Tue, 29 Aug 2023 19:25:36 +0000

Претендентот за републикански претседателски кандидат Вивек Рамасвами доби барање од рап пејачот Еминем да престане да ја користи неговата музика на своите митинзи, јави денеска Си-ен-ен. BMI, организација за изведувачки уметности, ја информирала кампањата на Рамасвами а по барање на Еминем, дека нема да дозволи лиценца за употреба на музиката на раперот на кампањата. „Добивме комуникација од Маршал Б. Метерс, професионално познат како Еминем, со приговор до кампањата на Вивек Рамасвами за употреба на музичките композиции на Еминем“, се вели во писмото датирано 23 август, јавија синоќа западните медиуми. На 17 август, за време на настап во Ајова заедно со гувернерот Ким Рејнолдс, Рамасвами го започна митингот со караоке рапување на песната од Еминем „Lose Yourself“. Тој му кажа на Рејнолдс дека оваа песна би ја користел за излегување на сцената. На 38-годишна возраст, Рамасвами е досега најмлад претседателски кандидат од репубиканците. Милјардерот од технолошкиот сектор се надева на успех во кампањата со подршка од помладата генерација на републиканскиот избирачи. Toj вети дека ако биде избран за претседател на САД ќе ја признае руската окупација на Украина и ќе го блокира нејзиното членство во НАТО. - За таа цел, ќе ја прифатам руската контрола врз окупираните територии и ќе ветам дека ќе ја блокирам кандидатурата на Украина за НАТО во замена за повлекувањето на Русија од воениот сојуз со Кина. Ќе ги укинам санкциите и ќе ја вратам Русија на светскиот пазар, посочи Рамасвами. Инаку, светски познатата ѕвезда Еминем, потсетуваат американските медиуми, во минатото повеќе пати јавно критикувал републикански практики. Тој има и песна во која го критикува тогашниот претседател Џорџ Буш, како и една против Допналд Трамп.

„Музиката ми го спаси животот“, Еминем призна дека бил на работ на смртта во 2007 година поради дрога

Ивона Петрова — Mon, 07 Nov 2022 13:46:08 +0000

Еминем во септември откри дека му требало долго време за неговиот мозок повторно да почне да работи по неговото предозирање во декември 2007 година. Сега тој отворено призна дека тогаш бил на работ на смртта поради предозирање со метадон, како и дека музиката „му го спасила животот“. Ова го изјави при неговото примање во Куќата на славните. Раперот (50) ја замолил својата ќерка Хејли Џејд Матерс (26) да ги прекрие ушите додека зборувал за својата зависност и признал дека ја сметал „дрогата за вкусна“. -Сфаќам каква чест е токму сега да се биде овде горе вечерва и каква привилегија е да ја правам музиката што ја сакам. Музиката всушност ми го спаси животот... Ќе го направам ова колку што е можно побезболно, пелтечам и пелтечам. Веројатно не би требало да бидам овде вечерва поради неколку причини. За малку ќе умрев од предозирање во 2007 година. Хејли, прекри ги ушите. Затоа што дрогата беше вкусна. Мислев дека правам добра работа, но морав да го средам сето тоа, вели раперот чие вистинско име е Маршал Метерс. Раперот се бореше со зависноста од лекови кога беше хоспитализиран во декември 2007 година. Откако се предозирал со метадон замина на рехабилитација. Тој претходно призна дека неговата зависност од Викодин, Валиум, Амбиен и метадон започнала додека го снимал полуавтобиографскиот филм 8 милји од 2002 година.

Еминем, Дуран Дуран, Лајонел Ричи меѓу номинираните за Рокенрол куќата на славните

Тале Кристо — Wed, 02 Feb 2022 20:26:05 +0000

Рокенрол Куќата на славните денеска ги објави номинираните за 2022 година, откривајќи ги 17-те артисти подобни за прием во класата 2022 година. По прват номинирани се Еминем, кој ја доби номинацијата веднаш штом ги исполни условите, како и Бек (Beck), Дуран Дуран, Доли Партон, Лајонел Ричи, Карли Сајмон и A Tribe Called Quest. Меѓу оние кои чекаат да бидат примени во Рокенрол куќата на славните веќе неколку години од исполнувањето на условите се и Пет Бенатар, Кејт Буп, Дево, Јуритмикс, Rage Against the Machinе и други. Еминем (49), роден како Маршал Метерс, е единствениот од 17 кандидати кој ја доби номинацијата во својата прва година на подобност – што е 25 години по деби снимката на уметникот. Ако Еминем го додаде членството во рок сала на неговите 15 Греми, пет број 1 синглови и Оскарот за најдобра песна, тој ќе стане само вториот бел хип-хоп изведувач што некогаш успеал да влезе во RRHOF – по Beastie Boys во 2012 година. И Еминем би бил само седмиот хип-хоп артисти кој некогаш бил примен, а Џеј Зи е последниот рапер што го дозна тајното ракување минатиот октомври – исто така во неговата прва година на подобност. Еминем – кој ќе настапи заедно со Др Дре, Кендрик Ламар, Мери Џеј Блајџ и Снуп Дог на шоуто на полувремето на Супер Боул на 13 февруари – веројатно е единствениот, според американските медиуми, кој сигурно ќе биде примен во Рокенрол куќата на славните годинава.

СПЕКТАКЛ ВО НАЈАВА: Доктор Дре, Снуп Дог, Еминем, Мери Џеј Блајџ и Кендрик Ламар заедно на сцена, ќе настапат на полувремето на 56. „Супербол“

Ивона Петрова — Fri, 01 Oct 2021 07:56:12 +0000

Музичарите Доктор Дре, Снуп Дог, Еминем, Мери Џеј Блајџ и Кендрик Ламар ќе бидат во центарот на вниманието на полувремето на идниот, 56. „Супербол“. Тоа ќе биде првпат пет уметници да настапат заедно на сцената, се вели во соопштението на организаторите. – Можноста да настапам на „Суперболот“ на полувреме, и тоа „во мојот двор“, ќе биде едно од најголемите возбудувања во мојата кариера, Благодарен сум им на Џеј-Зи, „Рок нејшн“, НФЛ и „Пепси“, како и на Снуп Дог, Еминем, Мери Џеј Блајџ и Кендрик Ламар што ми се придружија во она што ќе биде незаборавен културен миг, изјави Д-р Дре. Финалето во американско рагби е закажано за 13 февруари 2022, недела, на стадионот „Софи“ во Инглвуд, Калифорнија, САД. Тод Каплан, потпретседател за маркетинг во „Пепси“ (како спонзор), истакна дека тоа би било „епска, незаборавна прослава на влијанието што денес го има хип-хопот“, олицетворен во ѕвездите од Западниот Брег. Д-р Дре во оваа прилика повторно го промовираше своето ново средно училиште во јужен Лос Анџелес, што треба да се отвори следната есен. Според соопштението, „Пепси“ и НФЛ „ќе соработуваат со училиштето, неговите партнери и локалната заедница“.

Еминем со епизодна улога во серијата „БМФ“ на Фифти Сент

Ивона Петрова — Wed, 18 Aug 2021 06:52:43 +0000

Раперите Еминем и Фифти Сент повторно ќе соработуваат во заеднички проект, но овојпат тоа не е баш околу музиката… Имено, Еминем ќе гостува во многу очекуваната ТВ-серија на Фифти – „БМФ“, што е кратенка за „Black Mafia Family“ (Црно мафијашко семејство). Тој ќе го глуми „белото момче“ Рик во една епизода од шоуто продуцирано од Фифти. – Почестен сум и благодарен за тоа што мојот добар другар Ем за поддршката на моето ново шоу „БМФ“. Не можевме да направиме шоу што се случува во Детроит без да ја вклучиме легендата Еминем, изјави Кертис „50 Сент“ Џексон. Рик Верш Помладиот, познат како „белото момче“, е вистинска личност. Бил соработник на ФБИ во раните тинејџерски години, но и продавач на дрога и пиштоли во Детроит. Верш бил осуден на доживотен затвор, но на крајот е пуштен на условна слобода – во јуни 2020 година, на 50-годишна возраст.

Се сечела на рацете и нозете: Поранешната сопруга на Еминем се обидела да се самоубие

Ивана Ефремовски — Wed, 11 Aug 2021 17:34:07 +0000

Поранешната сопруга на Еминем, Ким Скот, била хоспитализирана откако и биле пронајдени исеченици на рацете и нозете, пишува TMZ. Исто така, Ким се судрила со полицијата откако тие, заедно со болничарите, одговориле на повикот дека некој се обидува да си го одземе животот во нејзиниот дом во Мичиген. Се` се случило на 30 јули, а медицинските лица и полицијата ја нашле во локва крв. Таа итно била пренесена во болница каде била подложена на медицинска и психолошка проценка. Моментално се опоравува дома, иако не е познато дали има дополнителна помош. Еминем, чие вистинско име е Маршал Матерс, двапати бил во брак со Ким. Прво се разведоа во 2001 година и се премажија во 2006 година, но нивниот брак траеше само неколку месеци. Тие заедно имаат една ќерка, Хејли Џејд. Ким, исто така, се обидела да си го одземе животот во 2015 година, а подоцна рекла дека Еминем и пружил голема поддршка по тој инцидент. "Тој навистина ме поддржа. Ние сме навистина блиски пријатели. Се обидуваме заедно да го одгледаме детето и да го направиме што е можно понормално".

Еминем: Срам да ви е на вас што не носите маски!

Тале Кристо — Sat, 11 Jul 2020 08:35:00 +0000

Најпознатиот рапер ја изјави својата незадоволност околу непочитување на мерките за заштита! „ Половина од нас одат наоколу како да е зомби апокалипса, другата половина не сака да носи маска и само се исмева и така на крајот се заразуваат“, наведе Маршал Метерс, попознат како Еминем. Како пример колку вирусот лесно се шири, Еминем наведе дека постои можност некој да се зарази преку користење на иста кошничка во продавница. Еминем има две ќерки со поранешната сопруга Ким, со која се раздели во 2006 година.

Не му е сеедно: Ќерката на Еминем објави роденденска фотографија, а еве што мажите бараа од неа (ФОТО)

Дарко Андоновски — Thu, 28 Dec 2017 09:29:23 +0000

Хејли Скот, најстарата ќерка на популарниот американски рапер Еминем, за својот 22 роденден на својот профил на Инстаграм објавила фотографија на која покажала дека сега, навистина, е голема девојка. Згодната Хејли самата си посакала среќен роденден, додека мажите под фотографијата и пишувале пораки во кои ја фалеле и „ѝ нуделе” да и бидат емотивни партнери.

happy early birthday to me

A post shared by Hailie Scott (@hailiescott1) on Dec 22, 2017 at 7:52pm PST

На фотографијата, Хејли лежи на црвен двосед, на себе има тесни фармерки и бела маица под која нема градник, па градите „делумно и испаднале”… Инаку, Хејли пораснала со ќерката на нејзината тетка Алиана, која Еминем и Ким ја посвоиле бидејќи нејзината мајка не била во состојба да се грижи за неа.

Couldn't have asked for a better 21st birthday celebration (or a better guy to have by my side)

A post shared by Hailie Scott (@hailiescott1) on Dec 28, 2016 at 12:23pm PST

Двете ја имаат и помладата сестра Витни, девојчето кое Ким го добила во врска со друг маж. Еминем на крајот добил целосно старателство над Витни, а во 2005-тата година и легално ја посвоил.

A post shared by Hailie Scott (@hailiescott1) on Oct 15, 2016 at 12:24pm PDT

Инаку, Еминен и Ким Матерс, своевремено ги полниле весниците со текстови за своите бурни односи. Парот бил во врска од средно училиште, во 1996-тата година ја добиле Хејли, а во 1999-тата година се венчале. Меѓутоа, во 2001-та година се развеле.

A post shared by Hailie Scott (@hailiescott1) on Oct 19, 2016 at 7:47pm PDT

За пет години парот повторно се венчал, а по неколку месеци нивниот брак повторно завршил. Славниот рапер хаосот во животот го искажувал преку песните, а некои од најпознатите се „Kim”, „Stan” и песната посветена на Хејли – „Hailie’s song”.

Tuesday's are for doing things you should've done on Monday

A post shared by Hailie Scott (@hailiescott1) on Oct 11, 2016 at 12:58pm PDT