Јуве ќе го објави трансферот на Чан по финалето во ЛШ

Даниел Василев — Fri, 18 May 2018 10:51:04 +0000

Трансферот на Емре Чан во Јувентус е сигурен и ќе биде објавен официјално по финалето во Лигата на шампиони. Германскиот репрезентативец има договор со Ливерпул до 30 јуни и „бјанконерите“ ќе успеат да го привлечат како слободен агент. Неколку месеци веќе се шпекулира за неговиот трансфер во Јуве, а според италијанските медиуми, тој веќе е сигурен. Чан ќе потпише петгодишен договор и ќе добие 5 милиони евра по сезона плус бонуси. По финалето во ЛШ, Чан ќе отпатува за Торино, каде што ќе ги помине лекарските прегледи.

Чан конечно одлучи каде ќе игра следната сезона

Даниел Василев — Mon, 30 Apr 2018 11:26:35 +0000

Играчот од средниот ред на Ливерпул, Емре Чан конечно одлучи да потпише петгодишен договор со Јувентус, објавија „Тутоспорт“ и „Газета дело Спорт“. По неколку месеци размислување, германскиот репрезентативец даде позитивен одговор на понудата на шампионите на Италија и ќе се пресели во Торино без надоместок, бидејќи договорот со клубот од „Енфилд“ му истекува на крајот од сезоната. Чан ќе добие плата од шест милиони евра за сезона и ќе биде еден од најплатените во тимот, заедно со Гонзало Игуаин (7,5 милиони) и Пауло Дибала (7 милиони). Со овој потег, Германецот стави крај на шпекулациите за неговата иднина. Париз Сен Жермен и Баерн беа заинтересирани за неговите услуги, а Ливерпул правеше се за да го задржи, но 24-годишниот фудбалер го избра Јувентус. Тимот од Торино продолжи да врши одлична работа и да привлекува многу респектабилни играчи без никаков надомест, како што беше случајот со Андреа Пирло, Пол Погба, Сами Кедира, Дани Алвеш, Патрис Евра, итн... МИА

емре чан – Kurir.mk

Јуве ќе го објави трансферот на Чан по финалето во ЛШ

Чан конечно одлучи каде ќе игра следната сезона