Емре Џан – Kurir.mk

Јувентус и ПСЖ преговараат за размена за Емре Џан и Паредес

Дарко Андоновски — Sat, 14 Dec 2019 08:50:52 +0000

Јувентус и Пари Сен Жермен подготвуваат размена на фудбалери преку јануарскиот преоден рок. „Тутоспорт“ откри дека „бјанконерите“ се подготвени да го пуштат Емре Џан во Париз и да го доведат Леандро Паредес во спротивна насока. И двајцата играчи се согласиле на договорот. Јуве има проблеми во средниот ред од почетокот на сезоната, главно поради повредите на Сами Кедира, Арон Рамзи и Блеиз Матуиди. И покрај неговиот ограничен избор, Маурисио Сари воопшто не се потпира на Џан, оставајќи го надвор од составот на Лигата на шампионите. Самиот фудбалер не го криеше незадоволството од овој факт и го искажа јавно. Паредес може да биде добро решение за гигантот од Торино. Тој има искуство во Серија „А“ од својот период во Рома, а потоа играше многу силно со тимот на Зенит пред да се пресели во ПСЖ. Аргентинецот е одобрен од спортскиот директор на Јувентус, Фабио Паратичи. Што се однесува до Емре Џан, трансферот во францускиот хегемон би бил одличен излез од ситуацијата за него. За Германецот се заинтересирани и Борусија Дортмунд и Фиорентина, но неговата желба е да им се придружи на Нејмар и компанија.

ПСЖ почна разговори со Џан

Ивона Петрова — Thu, 21 Nov 2019 07:12:51 +0000

Играчот од средниот ред на Јувентус, Емре Џан може да ја продолжи кариерата во Франција. Според „Фут Меркато“, ПСЖ веќе одржа првични разговори со претставник на 25-годишен Германец. Трансферот може да се случи во јануари следната година. Оваа сезона, Џан играше на само четири натпревари во сите натпреварувања. Џан пред Јувентус беше дел од Ливерпул, а има играно и во Баер Леверкузен и Баерн Минхен.

Емре Џан заминува од Јувентус

Предраг Кукиќ — Fri, 30 Aug 2019 19:58:12 +0000

Германскиот играч од среден ред Емре Џан по се изгледа ќе го напушти Јувентус, пишува „Газета дело Спорт“. Џан планира да замине после само една сезона помината кај италијанскиот шампион, откако стана јасно дека не е во плановите на новиот тренер Маурцио Сари, кој реши да му даде предност на Сами Кедира. Италијанските медиуми пишуваат дека два клуба се заинтересирани за германскиот репрезентативец, односно Барселона и ПСЖ, кои преговараат со Јуве пред завршување на преодниот рок. Емре Џан не успеал да се снајде најдобро во Торино, а за тоа придонесоа и проблемите со повредите.

Емре Џан: Ние не сме жени, ние сме фудбалери

Предраг Кукиќ — Thu, 20 Sep 2018 12:10:31 +0000

Емре Џан застана во заштита на својот клупски колега од Јувентус, Кристијано Роналдо кој беше исклучен во натпреварот од првиот круг од групната фаза од Лигата на шампионите против Валенсија. Португалецот доби црвен картон, но се чини дека судијата Феликс Брих неоправдано предвреме го прати во соблекувалните. - Како може ова да биде црвен картон. Само го допре за косата. Ние не сме жени, ние сме фудбалери. Потегот на Роналдо 100% не е за црвен, изјави Џан. Роналдо беше исклучен во 29 минута и тоа беше прв негов црвен картон во Лигата на шампионите. (МИА)

Џан: Сум играл со шампиони, но Роналдо е нешто друго

Даниел Василев — Mon, 16 Jul 2018 11:51:32 +0000

Новиот фудбалер на Јувентус, Емре Џан, го пофали Кристијано Роналдо, кој денес ќе биде претставен како играч на „старата дама“. Роналдо пристигна во Торино минатата ноќ и денеска ги помина задолжителните медицински прегледи во клупската база. Неговата официјална презентација пред обожавателите и новинарите ќе се одржи денеска во 18:30 часот по македонско време. - Имав привилегија да играм со некои шампиони од светска класа, но Кристијано Роналдо можеше да ја крене класата на секој тим. Тој е исклучителен. Многу сум задоволен што ќе имам можност да играм со него, рече Емре Џан. МИА

Џан: Мојата прва цел е да ја освојам Серија А, а потоа и ЛШ

Даниел Василев — Mon, 09 Jul 2018 15:27:54 +0000

Новото засилување на Јувентус, Емре Џан го смета својот трансфер во италијанскиот шампион за судбински. Германскиот репрезентативец изјави дека неговиот агент „многу години“ одржувал контактите со „бјанконерите“. Денеска, 24-годишниот играч конечно беше официјално претставен како фудбалер на Јувентус. Тој пристигна на слободен трансфер од Ливерпул откако неговиот договор со Англичаните истече на 30-ти јуни. На првата прес-конференција, Џан посочи дека ги отфрлил барањата од Баерн Минхен и Реал Мадрид, за да се приклучи токму на „Старата дама“. - Ова е мојот прв ден, сè е во ред и јас сум среќен што сум овде. Зборував со Сами (Кедера), тој ми кажа дека клубот е одличен, па јас сум многу задоволен. Мојот прв тренер, кога почнав да играм фудбал, беше Италијанец и ние се уште одржуваме контакт. Тој е голем обожавател на Јуве, а кога имав 7-8 години, ми кажа дека еден ден ќе играм за овој тим. Ова ме прави уште посреќен, изјави поранешниот играч на Ливерпул. Тој ја прокоментира и нашироко дебатираната тема во последнава недела за пристигнувањето на Кристијано Роналдо на „Алијанц“ стадионот. - Мислам дека нема играч, за кого нема да биде корисно, ако има шанса да игра со Кристијано Роналдо. Искрено, немам поим дали има некој контакт меѓу него и клубот. Јас сум фокусиран на моја страна, но јасно е дека ако дојде, тоа ќе биде голема работа, вели Џан. За тоа зошто го избрал Јувентус и кои се неговите цели, полудефанзивецот вели: „Клубот е во контакт со мојот агент долги години. Знаев за колку сериозен тим се работи - нивниот менталитет, желбата да освојуваат титули. Дојдов тука за да освојувам трофеи. Мојата прва цел е да ја освојам Серија А, а потоа и Лигата на шампионите. Затоа дојдов тука. Сакам да помогнам и знам дека можеме да го направиме тоа заедно, бидејќи имаме одличен тим. Главниот фокус, сепак, останува Серија „А“. Тој негираше дека имал проблеми со Јирген Клоп во Ливерпул и дека затоа си заминал од „Енфилд“. - Прв пат слушам за ова. Имам многу добри односи со Клоп, тој ми посака среќа, изјави Германецот. МИА

ОФИЦИЈАЛНО: Големата фудбалска ѕвезда пристигна во Јувентус за без пари (ВИДЕО)

Матеја Петровски — Thu, 21 Jun 2018 13:51:36 +0000

Јувентус повторно како што веќе им стана и пракса успеа голема фудбалска ѕвезда да ја донесе за без пари. Од денеска официјално нов член на клубот е Емре Џан. Тој пристигнува во Јувентус како слободен играч, откако оваа сезона му заврши договорот со Ливерпул. Инаку во минатите неколку години, Јувентус на истиот тој начин успеа да обезбеди големи фудбалски ѕвезди, како што беше на пример Андреа Пирло.

Емре Џан го избра Јувентус

Даниел Василев — Thu, 05 Apr 2018 12:34:13 +0000

Фудбалерот на Ливерпул, Емре Џан одлучи да ја продолжи својата фудбалска кариера во италијанскиот шампион Јувентус.

Оваа вест ја објави „Мирор“, а е добиена од близок пријател на Сами Кедира, тимскиот колега на Џанг од германскиот национален тим.

Јувентус ќе го добие играчот од средниот ред на Ливерпул како слободен агент по крајот на сезоната, откако Џан не успеа да се договори со „црвените“ за нова соработка.

МИА

Џан постигнал договор со Јувентус

Александар Михаилов — Fri, 05 Jan 2018 14:49:19 +0000

Играчот на премиерлигашот Ливерпул и германски репрезентативец Емре Џан во новата сезона најверојатно ќе го носи дресот на актуелниот шампион на Италија, Јувентус. Џан во моментов ги одработува последните шест месеци од договорот со Ливерпул што значи дека има право да преговара со други екипи бидејќи во јуни ќе биде слободен играч. Според италијански „Скај Спорт“ тој веќе постигнал договор со Јувентус особено што не сакаше да потпише нов договор со „црвените“. Џан на „Енфилд“ во 2014 година дојде од Баер Леверкузен и за Ливерпул има одиграно 106 натпревари и постигнато осум голови, од кои четири сезонава.