ен хеч – Kurir.mk

Починатата актерка Ен Хеч должи 157.000 долари

Ивона Петрова — Wed, 23 Nov 2022 13:01:57 +0000

Поранешното момче на починатата Ен Хеч поднело судско барање, тврдејќи дека глумицата позајмила 157.000 долари од него, една година пред нејзината смрт во август. Во тужбата и документите околу долгот се наведува дека американската глумица се согласила да му ги враќа парите на Томас Џејн (53) на месечни рати од 10.000 долари. Според наводите, неговите адвокати тврдат дека покојната глумица не му го вратила долгот целосно – сѐ уште должи 149.106,04 долари. Тој, исто така, од нејзините наследници бара 18,77 долари дневно како камата. Хеч и Џејн биле заедно од април 2019 година. Во времето на кобната сообраќајна несреќа во август годинава, тие не биле во врска. Глумицата почина трагично летово, кога со својот „Мини купер“ се заби во куќа во Лос Анџелес. Таа по несреќата паднала во кома и остана во критична состојба сѐ додека не ја извадиле oд апаратите за одржување.

Донирани органите на американската актерка Ен Хеч

Магдалена Андонова — Mon, 15 Aug 2022 20:30:00 +0000

Американската актерка Ен Хеч е „мирно исклучена од апаратите за одржување“ откако била пронајден соодветен примател на органи, потврди портпаролот. Претставник на покојната ѕвезда вчера ја потврди нејзината смрт за новинската агенција PA. Во петокот, 53-годишната жена беше законски прогласена за мртва откако претрпе „тешка аноксична повреда на мозокот“ додека удрила со нејзиниот автомобил во куќа во Лос Анџелес. Таа била задржана на апарати за одржување во живот во случај нејзините органи да бидат донирани. Не е познато колку или кои органи биле донирани, но, според NBC News, хирурзите биле подготвени да ја направат процедурата. Во изјавата, портпаролката на Хеч, Холи Берд, рече дека актерката „мирно била исклучена од апарати за одржување“ откако било пронајдено компатибилно лице кое ги добило нејзините донирани органи. Претходно вчера, полицискиот оддел на Лос Анџелес (ЛАПД) соопшти дека ја завршиле истрагата за несреќата на Хеч, по која што остана во кома. „Од денеска нема да има дополнителни истражни напори за овој случај“, се вели во соопштението. „Сите информации или записи што биле побарани пред овој пресврт на настаните сепак ќе се собираат како што ќе пристигнат како формалности и ќе бидат вклучени во целокупниот случај. „Кога лицето осомничено за кривично дело ќе почине, ние не вршиме истрага.“ Одделот претходно потврди дека несреќата се истражува како кривично дело сообраќаен судир со возење под влијание, откако прелиминарните тестови на крвта покажале присуство на дрога во системот на Хеч. Било потребно дополнително тестирање за да се исклучат супстанциите што се администрираат во болницата. Противпожарната служба на Лос Анџелес минатата недела соопшти дека нејзиното возило „експлодирало со силен пожар“, во кој што на 59 пожарникари им требало повеќе од еден час целосно да го изгаснат. Покрај изгорениците, актерката останала со „тешка аноксична повреда на мозокот“ - кога мозокот е лишен од кислород - соопшти нејзиното семејство. Лин Мишел, жената во чија куќа фатално удрила актерката, на социјалните мрежи ја сподели својата тага по веста за смртта на Хеч. „Веста за смртта на Ен Хеч е поразителна“, објави Мишел на интернет. „Нејзиното семејство и нејзините пријатели и нејзините деца, особено, навистина претрпеа голема загуба и моето срце е со нив.Целата оваа ситуација е само трагична и навистина немам зборови“, додаде таа. „Испраќам љубов на сите вклучени“. Фондот формиран за да ѝ помогне на Мишел досега има собрано повеќе од 174.000 долари. Хеч беше позната по филмовите како „Вулкан“, „Дони Браско“ и римејкот на „Психо“ од 1998 година. Мајката на две деца се појави и во Танц со ѕвездите, американски еквивалент на Strictly Come Dancing, во 2020 година. Нејзиното семејство во соопштението во петокот рече: „Денес изгубивме силна светлина, љубезна и најрадосна душа“. Ѕвездите меѓу кои и актерот Антонио Бандерас и поранешната партнерка на Хеч, Елен Деџенерис, беа меѓу оние кои ѝ оддадоа почит.

Ен Хеч им подлегна на повредите, нејзината поранешна партнерка Елен Деџенерис се прости од неа: „Ова е тажен ден“ (ФОТО)

Магдалена Андонова — Sat, 13 Aug 2022 09:17:37 +0000

Пред околу една недела, актерката Ен Хеч имаше тешка сообраќајна несреќа, по што беше хоспитализирана. За жал, актерката им подлегна на повредите и во петокот на 12 август, беше прогласена за мртва. Лекарите ја одржуваа Ен во живот со помош на машини, а по прогнозата дека веројатно нема да преживее, нејзиното семејство донесе одлука машините да бидат исклучени, а нејзините органи донирани. Кратко пред веста да биде споделена со јавноста, поранешната партнерка на Ен, Елен Деџенерис, го искажа своето сочувство. - Ова е тажен ден. Им ја испраќам целата моја љубов на децата, семејството и пријателите на Ен – порача Елен на социјалните мрежи.

This is a sad day. I'm sending Anne's children, family and friends all of my love.
— Ellen DeGeneres (@TheEllenShow) August 12, 2022

Елен и актерката беа во врска од 1997 до 2000 година. Нивната врска беше сериозна и тие чекаа да се легализираат истополовите бракови за да се венчаат. Сепак, тие се разделија, а наводно поради оваа врска, Ен го заладила односот со нејзината мајка. Претходно, Елен откри дека не била во никаков контакт со Ен пред несреќата. Нo, на прашањето дали има информации за состојбата на Ен, водителката ја покажа нејзината загриженост. - Не сме во контакт, па не би знаела. Не сакам никој да биде повреден, изјави Елен.

Се огласи семејството: Не се очекува актерката Ен Хеч да преживее

Ивона Петрова — Fri, 12 Aug 2022 06:54:12 +0000

Семејството на актерката Ен Хеч изјавило дека „не се очекува таа да преживее“ по тешката несреќа која ја имаше откако со автомобилот влета во куќа, по што настана пожар. -За жал, поради нејзината несреќа, Ен Хеч се здоби со тешка аноксична повреда на мозокот и останува во кома, во критична состојба, стои во соопштението испратено во име на семејството на актерката. Хеч (53) на 5 август го удри својот автомобил во дом во населбата Мар Виста во Лос Анџелес, при што возилото и помошна просторија на куќата се запалија. Таа никогаш не се освести откако итно беше пренесена во болница во критична состојба со изгореници, приклучена на апарати. -Одамна е нејзин избор да ги донира своите органи и таа е задржана на апарати за одржување за да се утврди дали некои органи може да се донираат, продолжи семејната изјава. Семејството им се заблагодари на пријателите и обожавателите „за нивните добри желби и молитви“, како и на „посветениот персонал и прекрасните медицински сестри кои се грижеа за Ен во Центарот за изгореници Гросман во болницата Вест Хилс. Трагичната вест дојде неколку часа откако полицискиот оддел во Лос Анџелес потврди дека Хеч е под истрага за кривично дело сообраќаен судар со тешки последици. Полицијата добила налог за примерок од крв кој открил наркотици во нејзиниот организам. Лос Анџелес Тајмс објави дека ѕвездата била под дејство на кокаин за време на несреќата.

ФОТО: Актерката Ен Хеч во кома, се бори за живот откако со автомобил се забила во гаража

Ивона Петрова — Tue, 09 Aug 2022 07:41:04 +0000

Актерката Ен Хеч (53) се бори за живот откако паднал во кома по тешката сообраќајна несреќа која во петокот на доживеала во Лос Анџелес. Нејзиниот претставник за медиуми изјавил пред два дена дека состојбата на актерката е стабилна, но очигледно дошло до промена, според пишувањата на Page Six. -Набрзо по несреќата, Ен Хеч остана без свест и падна во кома. Има значајна повреда на белите дробови која бара механичка вентилација, а нејзините изгореници бараат хируршка интервенција, вели нејзиниот портпарол. Полицијата верува дека Хеч можеби била под дејство на алкохол кога со својот син Мини Купер удрила во куќа во ЛА, предизвикувајќи голем пожар. Истрагата е во тек до резултати од крвната анализа. Ако се покаже дека Ен била со алкохолизирана состојба, актерката би можела да биде обвинета за прекршок, судир и бегство, изјавиле од полицијата. По ударот со автомобилот, возилото и куќата се запалиле, а актерката била извлечена со изгореници. Несреќата предизвикала голем пожар, а биле потребни 65 минути за да 59 пожарникари пристапат, го ограничат и целосно го изгаснат пожарот. Медиумите пишуваат дека Ен избегала од друга несреќа пред да се забие со возилото во гаража.