Енцо Фернандез – Kurir.mk

Енцо Фернандез во Челси за 120 милиони евра

Бошко Тасиќ — Wed, 01 Feb 2023 05:54:06 +0000

Челси, Бенфика и Енцо Фернандез се договорија. Аргентинецот станува дел од лондонските „сини“ откако фудбалерот ги помина лекарските прегледи и потпиша договор до 2031 година. Според најавите, двете страни си подале рака за трансфер вреден 120 милиони евра, што е најголем во историјата на Челси, и најголем во овој преоден рок. Челси синоќа испрати авион по Енцо и челниците на Бенфика за да ја завршат работата и да го реализираат овој трансфер.

Енцо се сели во Челзи за 127 милиони евра, трансферот ќе биде шести најскап во историјата

Ивона Петрова — Tue, 03 Jan 2023 09:54:43 +0000

Фудбалерот од средниот ред на Бенфика, Енцо Фернандез е пред трансфер во Челзи. Според пишувањата во британските медиуми, Челзи ќе плати 127 милиони евра за Аргентинецот. „Сините“ се подготвени да ја плати ослободителната клаузула од 120 милиони евра што ја побара португалскиот клуб, а ќе платат уште седум милиони евра за да не мора да ја плати целата сума одеднаш. Клубот од Лондон ќе го плати трансферот на 21-годишниот играч во три транши од приближно 40 милиони евра. До комплетирање на трансферот остануваат уште ситни детали. Доколку се оствари трансферот ќе биде меѓу десетте најскапи трансфери во историјата. Само за пет играчи во историјата на фудбалот досега се платени повеќе од 127 милиони евра.

Енцо Фернандез не сака да ја напушти Бенфика оваа зима

Дарко Андоновски — Wed, 28 Dec 2022 18:43:19 +0000

Бенфика не планира да го пушти оваа зима својот најдобар фудбалер Енцо Фернандез. Според новинарот Бен Џејкобс, португалскиот клуб не сака да се раздели со Енцо на средина од сезоната. Дваесет и едногодишниот играч од средниот ред исто така не планира да го напушти клубот во јануари, па Челзи, кој има конкретен интерес за играчот, ќе може да го комплетира трансферот само со плаќање на ослободителна клаузула од 120 милиони евра. Фернандез е во сферата на интерес на Ливерпул и Реал Мадрид, но клубовите размислуваат само за трансфер на играчот во текот на летниот преоден рок. Ситуацијата околу Аргентинецот ја следат и Манчестер јунајтед и Њукасл. Оваа сезона Фернандез одигра 13 натпревари во португалскиот шампионат и постигна еден гол.

Зошто Челси нуди 130 милиони кога откупната клаузула на Енцо Фернандез е 120 милиони евра?

Ристе Здравков — Wed, 28 Dec 2022 12:43:05 +0000

Челси е подготвен да урива рекорди на трансфер пазарот и да плати 130 милиони евра за услугите на Енцо Фернандез, оваа сума е за 10 милиони евра повисока од откупната клаузула во договорот на играчот. Енцо Фернандез минатото лето се пресели во Бенфика за 10+8 милиони евра, и со добри шест месеци во Европа и одличен настап на мундијалот во Катар, десеткратно си ја зголеми цената. Последните информации велат дека Челси е подготвен да плати 130 милиони евра и да го направи Енцо Фернандез најскап фудбалер во историјата на Премиерлигата, и најскапа продажба во историјата на Бенфика. Во договорот на Аргентинецот има откупна клаузула од 120 милиони евра, па на многумина се чудат зошто Челси се решава да плати десетина милиони повеќе. Доколку се активира клаузулата, целата сума од 120 милиони евра треба да биде платена веднаш, што е голема инвестиција. Челси е подготвен да плати повеќе само за да може да преговара за структурата на трансферот, односно сумата да биде платена на неколку рати, како и можноста сумата да се подели на фиксен дел и бонуси и на тој начин трансферот да биде исплатен во подолг временски период и со помали исплати.

Ливерпул и ПСЖ во трка за Енцо Фернандез

Тале Кристо — Thu, 22 Dec 2022 07:28:28 +0000

Фудбалерот од средниот ред на Аргентина и Бенфика, Енцо Фернандез е на мета на Пари Сен-Жермен и Ливерпул. Според „Fichajes“ клубовите го гледаат аргентинскиот играч за врска како алтернатива на Џуд Белингем од Борусија Дортмунд. Раководството на германскиот клуб бара минимум 150 милиони евра за трансфер на 19-годишен Англичанец. Актуелниот договор меѓу Фернандез и Бенфика е до јуни 2027 година. Дваесет и едногодишниот Аргентинец беше прогласен за најдобар млад играч на Светското првенство во Катар. Оваа сезона Фернандез забележа 24 настапи за Бенфика во сите натпреварувања, постигнувајќи три гола и пет асистенции. Вредноста на играчот според порталот „ Transfermarkt“ се проценува на 35 милиони евра.