Енди Робертсон – Kurir.mk

ФА донесе одлука за судијата кој му удри лакт на Робертсон

Бошко Тасиќ — Fri, 14 Apr 2023 09:46:57 +0000

Премиерлигашкото дерби меѓу Ливерпул и Арсенал донесе отворен фудбал, многу возбудувања и реми од 2-2, но и воедно еден необичен момент во кој во фокусот беше линискиот судија Константин Хацидакис. Хацидакис имаше близок контакт со домашниот фудбалер Енди Робертсон, односно го удри со лакт на полувремето на „Енфилд Роуд“. Веднаш беше отворена истрага за овој инцидент, а истата заврши без никаква санкција за Хацидакис кој сега ќе може повторно да биде активен. Од ФА информираа дека ги разгледале сите докази, снимки и одлучено е да арбитарот да не биде казнет. „ЕСПН“ воедно информира дека Хацидакис стапил во контакт со Робертсон, му се извинил, а левиот бек тоа го прифатил без никакви проблеми.

Енди Робертсон е новиот крал на асистенциите помеѓу дефанзивците во Премиер лигата

Бошко Тасиќ — Tue, 27 Dec 2022 05:58:24 +0000

Историја во натпреварот на Ливерпул против Астон Вила испиша бекот Енди Робертсон.Ливерпул брзо го отвори резултатот против Астон Вила, Мохамед Салах погоди после само пет минути игра. Асистент на голот на Салах беше Робертсон кој така испиша историја. Имено, Робертсон во тој момент стана дефанзивецот со најмногу асистенции во историјата на Премиер лигата. Робертсон дојде до 54-тата асистенција и така го остави зад себе легендарниот Лејтон Бејнс кој има 53. Секако дека ова е голем успх за Робертсон и тешко дека некој во блиска иднина ќе го надмине шкотскиот фудбалер, посебно ако се знае дека статусот на Робертсон во Ливерпул е сигурен и веројатно ќе остане барем уште неколку години.

Проблеми за Ливерпул, се повреди Робертсон

Бошко Тасиќ — Sun, 08 Aug 2021 20:04:54 +0000

Германскиот тренер Јирген Клоп и англискиот фудбалски клуб Ливерпул навистина немаат среќа со повредите. Ако во минатата сезона повредите беа честа појава, тогаш и новата сезона, која почнува следниот викенд, веројатно ги лека истото, ако се суди по она што денеска се случи. Имено на пријателскиот меч со Атлетико Билбао се повреди Енди Робертсон, еден од најдобрите фудбалери на “црвените“. Станува збор за скочниот зглоб и по се изгледа дека го чека подолга пауза од фудбалските терени.