Ендрју Тејт – Kurir.mk

Романскиот суд го одби барањето за кауција, Ендрју Тејт останува во притвор

Ристе Здравков — Wed, 15 Mar 2023 12:42:53 +0000

Романскиот суд го отфрли последното барање за кауција поднесено од контроверзниот инфлуенсер Ендрју Тејт, јавува BBC. Ендрју и неговиот брат Тристан се во притвор од декември, бидејќи се води истрага за наводи за силување, трговија со луѓе и организиран криминал, додека браќата Тејт ги негираат сите обвиненија. Нивната портпаролка рече дека одлуката на судот е „разочарувачка“ и дека адвокатскиот тим ќе поднесе жалба. Адвокатите на браќата Тејт тврдат дека нивното држење во превентивен притвор е непотребно сурова мерка бидејќи се достапни и други опции, како домашен притвор. Со тоа не се согласуваат судиите, наведувајќи ја можноста за бегство од државата, влијание врз сведоци или докази, како и нарушување на јавниот ред и мир. Барањето за кауција е ново, но одговорот останува ист. Во февруари, судот одлучи дека Ендру ќе остане во притвор до 29 март, додека неговиот брат Тристан ќе поднесе барање за кауција на посебно рочиште. Минатиот месец, апелациониот суд ги отфрли сите оправдувања, освен едно, за задржувањето на Тристан Тејт во притвор. Засега не е покренато обвинение против браќата Тејт и двајцата Романци кои беа уапсени со нив.

Контроверзниот Ендрју Тејт останува во притвор

Ристе Здравков — Fri, 20 Jan 2023 14:05:54 +0000

Инфлуенсерот Ендрју Тејт и неговиот брат Тристан остануваат во притвор до 27 февруари, откако романскиот суд одлучи да им го продолжи притворот. Тејт минатиот месец беше приведен заедно со неговиот брат Тристан како дел од истрагата за наводите за трговија со луѓе и силување, кои тие ги негираат. Во Романија досега им се запленети вкупно 15 луксузни автомобили и повеќе од 10 имоти или парцели. Државната агенција за организиран криминал, Дикот, рече дека предметите биле запленети за да се спречи прикривање, да се помогне во плаќањето на истрагата и да се плати отштета на жртвите доколку осомничените бидат осудени. Контроверзниот инфлуенсер Ендру Тејт и неговиот брат се обвинети за повеќе точки за силување и трговија со луѓе.

Познатиот инфлуенсер Ендрју Тејт уапсен во луксузна вила во Романија (ВИДЕО)

Ристе Здравков — Fri, 30 Dec 2022 12:00:06 +0000

Контроверзниот инфлуенсер Ендрју Тејт е приведен во Романија, заедно со неговиот брат Тристан, како дел од истрагата за трговија со луѓе и силување. Полицијата упадна во домот на Тејт во Букурешт. Адвокатот на браќата го потврди нивното апсење. – Четворицата осомничени создале организирана криминална група со цел да регрутира, вдомува и експлоатира жени, принудувајќи ги да создаваат порнографска содржина за да се гледа на специјализирани веб-страници за одредена сума, соопштија обвинителите, пренесе Ројтерс. Браќата се под истрага од април заедно со двајца романски државјани, пишува Би-би-си, пренесува Ослобоѓење. Видео кое кружи на социјалните мрежи покажува дека полицијата ги одведува Тејт и неговиот брат од луксузната палата. Романската Дирекција за истрага на организиран криминал и тероризам издаде соопштение, но не ги наведе имињата на браќата Тејт, велејќи дека двајцата британски државјани и двајца романски државјани се осомничени дека се дел од криминална група фокусирана на трговија со луѓе. Тој објави и видео од рацијата на која се прикажани пиштоли, ножеви и пари во една просторија. Тејт се пресели во Романија пред пет години. Теист, поранешен кик-боксер и реалити ѕвезда, е забранет од бројни платформи на социјалните мрежи поради давање мизогински коментари и говор на омраза. Според изјавата на истражителите, идентификувани се шест жени кои наводно биле сексуално експлоатирани од организирана криминална група.