Ендру Куомо – Kurir.mk

Куомо: Прв случај на новиот вид коронавирус откриен во Њујорк

Ивона Петрова — Tue, 05 Jan 2021 08:18:05 +0000

Високо заразниот британски вид коронавирус откриен е во градот Саратога Спрингс, што е прв познат случај во сојузната американска држава Њујорк, изјави синоќа гувернерот на Њујорк, Ендру Куомо. Тој наведе дека новиот вид на Ковид-19 е откриен кај еден 60-годишен маж и оти заздравува. Пациентот не патувал. Според Њујорк тајмс лицето, чиј идентитет не е откриен, се заразил во златара во Саратога Спрингс. Куомо истакна дека во продавницата се разболеле уште три лица, но за нив се уште не е познато дали се заразени со новиот вид на коронавирус. Новиот вид на Ковид-19 претходно во САД е регистриран во Колорадо и во Калифорнија.

Куомо: Њујорк се „затвора“ во петок во 22 часот

Ивона Петрова — Thu, 12 Nov 2020 06:28:13 +0000

Гувернерот на Њујорк, Ендру Куомо воведе нови ограничувачки мерки за спречување на ширењето на коронавирусот, откако нареди кафулињата, рестораните и спортските сали низ целата земја да бидат затворени во 22 часот, објави Си-Ен-Би-Си њуз. Новите мерки ќе стапат на сила во петок, а ќе бидат воведени следниот ден откако Калифорнија и некои други земји во Соединетите Американски Држави ги заострија ограничувачките мерки. „Ова е нашата последна шанса да го запреме вториот бран“, порача градоначалникот на Њујорк, Бил де Блазио на Твитер. Тој наведе дека просечната стапка на позитивни тестови за една недела е 2,5 проценти. Државните училишта ќе бидат затворени и ќе се ремине на онлајн настава доколку стапката надмине три проценти.

Куомо очекува раст на заболените од коронавирус во текот на зимата

Ивона Петрова — Tue, 10 Nov 2020 06:43:29 +0000

Бројот на заболени од коронавирус во американска сојузна држава Њујорк се очекува да продолжи да расте и во текот на зимата, изјави синоќа гувернерот Ендру Куомо. -Бројките се неспорни. Најдоброто што можеме да го направиме е да се справуваме со ова зголемување, рече Куомо, пренесен од британските медиуми. Тој додаде дека зголемувањето на бројот на позитивни лица на коронавирус може да се очекува се додека вакцината не стане достапна за поголем дел од популацијата. Њујоршкиот градоначалник, Бил де Блазио, претходно вчера предупреди дека градот може да влезе во втората фаза од пандемијата и дека жителите на Њујорк може да се соочат со нови ограничувачки мерки. Де Блазио кажа дека треба да се преиспита одлуката за престој во ресторани, дури и кога е со намален капацитет на гости, но додаде дека конечната одлука е на гувернерот Куомо.