енергетски систем – Kurir.mk

„Заради неодговорното работење во енергетскиот систем во државата, граѓаните и стопанството денес плаќаат 3 пати поголеми сметки за електрична енергија“

Тале Кристо — Sun, 29 May 2022 07:43:21 +0000

Криминалот, тендерите во 4 очи во РЕК Битола и целосната неодговорност од страна на криминалната власт на СДСМ и ДУИ го доведе енергетскиот систем во целосна капитулација, велат во партиското соопштение од ВМРО-ДПМНЕ. Заради неодговорното работење во енергетскиот систем во државата, граѓаните, стопанството и општините денес плаќаат за 3 пати повисоки сметки за електрична енергија. Секојдневните хаварии во РЕК Битола со не работата на дел од блоковите, поплавата од пред неколку дена во рудникот Суводол, немањето суровини и ископ на јаглен се реалната состојба за негрижата на власта кон енергетскиот систем. Поплавувањето во рудникот Суводол е резултат на неискуството, нестручноста и непочитување на соодветната рударска документација при вршењето на ископ на јаглен. Нестручниот, непрофесионалниот и несовесниот пристап кон работата во РЕК Битола и другите енергетски капацитети во Македонија, резултира со ваков тип на појави каде цената на нивно санирање ќе биде на товар единствено врз грбот на граѓаните. Според официјалните податоци за две година повеќе од 1терават час електрична енергија ЕЛЕМ произведува помалку. Па така во 2019 година ЕЛЕН произведувале 4,25 терават часови, а во 2021 година произвеле само 3,17 терават часови. Ваквото неодговорно работење на оваа криминална власт мора да и се стави крај. Премногу е! Излезот од оваа криза, но и од грабежот на граѓаните од власта е во брзи предвремени парламентарни избори, велат од ВМРО-ДПМНЕ.

Енергетскиот систем се распаѓа како здравството – Народот ќе ја плаќа цената со увоз, а поединци ќе се богатат

Тале Кристо — Mon, 09 Nov 2020 09:23:58 +0000

Владата на Република Македонија одлучи хидроцентралите да ги исклучат турбините со цел да остане вода реките и езерата а недостатокот на електрична енергија ќе се надомести со купување од странство, при што од ваквата одлука може да се заклучи дека енергетскиот систем во државата е пред распаѓање, народот ќе ја плаќа цената со увозот, а поединци ќе се богатат на сметка на народот. Производството на струја во земјата е намалено, а ситуацијата дополнително ја отежнува фактот што термоелектраните кои произведуваат 70 отсто од струјата во Македонија не се во целосен погон. РЕК Осломеј е исклучен бидејќи нема доволно вода во системот Студенчица, а РЕК Битола исто така не работи со полн капацитет бидејќи на Блок 3 се изведува капитален ремонт како и хаваријата од август кога имаше поплава. Не работеше ниту ХЕЦ Маврово каде се поправаат цевките на кои се губат 300 лити вода во секунда. Надлежните не откриваатвколку точно струја ќе биде набавена прецизно не е утврдено, велат дека ќе се купува според потребите и од недела во недела. Дека пред колапс е и енергетскиот систем во Македонија говори и намаленото ниво на водата во реките и езерата ширум државата, кои што треба да бидат извор на енергија, но поради наегрижата на надлежните некои веќе речи си и да пресушиле. Инаку уште во март годинава од опозициската ВМРО-ДПМНЕ обвинија дека заради личен и партиски профит во бизнисот со производство на електрична енергија Заев ги остави граѓаните без капка вода. -Малото количество на вода во езерото Калиманци кое моментално има над 30 милиони метри кубни, е недоволно за земјоделските посеви во околината. За задоволување на потребите на земјоделското производство од Виница до Велес се потребни 100 милиони метри кубни вода. Спореф овој податок фалат 7омилиони метри кубни вода кои власта ги потроши. Поради бизнис интересите на Заев вода нема да имаат ниту оризарите во кочанско. Вода нема да има ни за Овчеполието, ни во Тиквешко, Повардарие, Пелагонија, Струмичко, обвинија тогаш од ВМРО-ДПМНЕ. Дека ситуацијата е алармантна може да види ако се спореди водостојот на овие езерата во последниве неколку месеци од состојбата пред неколку години, што претставува и вистински проблем околу производството на електрична енергија.

ВМРО-ДПМНЕ: Сигурен, ефикасен, еколошки и конкурентен енергетски систем што е способен да го поддржи одржливиот економски раст на земјата

Ивона Петрова — Fri, 10 Jul 2020 07:06:25 +0000

Во нашата програма Обнова на Македонија ветуваме целосна гасификација на Македонија, поголема искористеност на обновливите извори на енергија, зголемување на енергетската ефикасност, обезбедување на континуирано и одржливо производство на електрична енергија, функционален и ефикасен преносен електроенергетски систем, поквалитетен систем за дистрибуција на електрична енергија, организиран пазар на електрична енергија, интегриран во европскиот пазар на електрична енергија, развивање на системи за топлификација, политики за развој на енергетиката, и политики за развој на рударски капацитети и минерални суровини, велат од ВМРО-ДПМНЕ. Посебен акцент ставаме на гасификацијата на целата територија на Република Македонија. Се обврзуваме на 285 километри на магистрални гасоводи и бесплатен приклучок на гас. Ветуваме завршување и пуштање во употреба на проектите кои беа започнати од ВМРО-ДПМНЕ во претходниот мандат во Владата на Македонија, и тоа Магистрален гасовод Неготино (Кавадарци) – Битола и Скопје - Тетово – Гостивар. Изградба на Магистрален гасовод Штип - Радовиш - Струмица – Гевгелија. Изградба на Магистрален гасовод Гостивар – Кичево. Изградба на Магистрален гасовод Свети Николе – Велес. Изградба на Магистрален гасовод Битола - Ресен - Охрид – Струга. Поврзување на ТЕЦ Неготино на природен гас. Изградба на делници за поврзување на Технолошко-индустриските, развојни зони во Штип, Прилеп, Тетово, Радовиш, Струмица, Кичево, Струга, Гевгелија , како и Индустриската зона Жабени. Паралелно со изградба на националниот гасоводен систем ќе се пристапи кон подготвителни работи за изградба на дистрибутивните мрежи на природен гас, со што ќе овозможиме гасот да биде директно достапен до домаќинствата, индустриските и други стопански објекти и јавни установи во Македонија. Со изградбата на дистрибутивните мрежи се очекува намалување на трошоците на граѓаните и други економски субјекти за затоплување и користењето на топла вода, како и намалување на загадувањето што ќе придонесе за подобра животна средина. Ќе го субвенционираме во целост приклучокот на дистрибутивната мрежа за гас со цел да овозможиме гас за секое домаќинство. По 15 јули почнува обновата. СДСМ покажа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова!