По овие знаци дознајте дали сте опкружени со „енергетски вампир“ и како да се ослободите

Ивона Петрова — Sat, 30 Apr 2022 20:57:43 +0000

Психолошки и енергетски вампири може често да се најдат во вашето опкружување. Оваа карактеристика ја имаат луѓето кои се обидуваат вашите емоции да ги искористат за лична корист. Нивните методи се добро смислени. Често овие луѓе се пријатни, заводливи, но кога ќе паднете во нивната замка ќе почувствувате дека ви недостасува енергија, негативно сте расположени и без желба и ентузијазам. Еве како да познаете дека во ваша близина имате енергетски вампир. -Тие бараат сожалување и постојано се жалат на нешто претставувајќи се како жртва на која им треба помош. -Сметаат дека сите околу нив се виновни за нивните неволји. -Предизвикуваат расправии, емотивни навреди и искажуваат бес и за најмалата работа. -Сакаат интриги, а трачевите им носат посебно задоволство. Ги собираат туѓите слаби точки и манипулираат. -Одат во крајност, прават брзоплети потези без да размислат за последиците -Имате недостаток на енергија откако ќе разговарате со нив се чувствувате тажно, нерасположено, без желба за нова активност. За да се заштитите треба да научите на овие луѓе да има кажете не и јасно да поставите граници. Не веривајте на трачеви и верувајте си самите на себе. Не се плашете да се одвоите од луѓе кои ја користат вашата добрина, вашето внимание и љубов.

Како да ги препознаете „енергетските вампири“ околу себе?

Катерина Бојаџиева — Mon, 14 Jan 2019 16:53:19 +0000

Дали некогаш се дружите со некоја личност и потоа се чувствувате како да немате енергија? Таа личност може да биде енергетски вампир. Да, тоа навистина постои, според PsychCentral, енергетските вампири се луѓе кои се ориентирани само кон себеси, на кои им недостасува емпатија за другите и кои се емоционално незрели. Поминувањето време со нив прави да се чувствувате уморни, иритирани, лути, тажни и нервозни. Како прават да се чувствувате? Енергетските вампири можат да се појават од секаде. Понекогаш тоа е колега кој постојано сака да зборува за драмата во неговиот живот. Некогаш е најдобар пријател. Со овие личности, не се чувствувате како да сте свои. Се обидувате да ги слушате и не сакате да ги прекинувате, им дозволувате да се искажат, но тие често својата негативна енергија ви ја пренесуваат вам и си одите дома со емоциите кои тие ги имаат. Не е секогаш лесно да ги препознаете, но кога ќе го направите тоа, важно е да успеете да се справите со нив. Набљудувајте Забележете го начинот на нивното однесување и токсичните моменти во нивното функционирање и запаметете го тоа. Кога ќе ги соберете сите ситуации, обидете се да донесете одлука дали вашиот пријател или колега е ваков емоционален вампир. Заборавете на претпоставките и тргнете од фактите Штом ги соберете сите делови од сложувалката, имајте разговор. Ако се ваш пријател, треба да се тука и во убави и не толку убави денови. Прашајте ги зошто се однесуваат така и дали се соочуваат со ситуација која ги прави да бидат толку негативни. Не ги напаѓајте, туку почнете со „не знам дали си забележал/а“ или „се надевав дека твојата реакција ќе биде поинаква“. Тие можат да понудат извинување или пак да се налутат. Сепак, важно е да разговарате со нив, затоа што можеби и не забележале дека се однесуваат така. Дајте им можност да бидат сами Ако минуваат низ тежок ден, недела или месец – тоа е во ред, но ако се навистина такви по карактер, запрашајте се дали навистина ви се потребни во животот. Доколку забележите дека навистина ви ја трошат енергијата, обидете се да се дистанцирате. Можете да се видите после некое време и да видите дали се смениле, или пак да разговарате за тоа. Но, дали ќе направат нешто останува на нив, тоа не е ваша работа. Некогаш завршувањето на пријателството со личност која е енергетски вампир е најдобра опција, особено поради тоа што сите живееме животи кои се полни со стрес и нервоза поради различни причини. Сепак, не се откажувајте прерано од таа личност. Видете како ќе се развиваат работите и соодветно на тоа- реагирајте.

енергетски вампир – Kurir.mk

По овие знаци дознајте дали сте опкружени со „енергетски вампир“ и како да се ослободите

Како да ги препознаете „енергетските вампири“ околу себе?