енис барди – Kurir.mk

Барди: Ќе направиме се за да дојдеме до позитивен резултат

Бошко Тасиќ — Fri, 13 Oct 2023 13:04:08 +0000

Покрај селекторот, на стандардната прес-конференција се обрати и капитенот Енис Барди, кој смета дека нè очекува возбудлив и израмнет натпревар. „Украина е многу квалитетна репрезентација, има доста играчи со голем квалитет. Не размислуваме за нивните отсуства, туку само за нашиот тим. Секогаш разговараме за нашите слаби страни и како да се подобриме. Зборуваме за менталитетот кој сакаме да го промениме, се консолидиравме и го надминавме јунскиот пораз. Со самото тоа што го носиме репрезентативниот дрес, значи дека ние сме најдобрите играчи во моментот, не е потребна поголема мотивација. Со Украина играме уште еден важен натпревар за нас, па сакаме позитивен резултат. Мислам дека на првиот дуел имавме падови на концентрацијата, во некои ситници кои може да се казнат. Сите ќе преземеме одговорност, знаеме колку ни значи и без притисок не може да се игра“, изјави Барди. Од Прага за kurir,mk Бошко Тасиќ

Енис Барди со асистенција ја најави победата на Трабзон (ВИДЕО)

Бошко Тасиќ — Sun, 17 Sep 2023 19:23:46 +0000

Енис Барди игра во одлична форма, а тоа го покажува како на репрезентативен така и на клупски план каде вечерва одигра улога во дерби победата на Трабзонспор над Бешикташ во првата турска лига. Домаќините славеа со 3-0 во меч во кој Барди запиша асистенција за водечкиот погодок. https://twitter.com/i/status/1703462230283395200

Барди: Малта е голем тест за нас

Бошко Тасиќ — Mon, 11 Sep 2023 17:09:41 +0000

Капитенот на фудбалската репрезентација на Македонија Енис Барди за утрешниот натпревар напомена дека нема многу време за анализа и дека сите се фокусирани на победа против Малта. „Среќен сум поради голот, а посреќен сум што екипата како играше цел натпревар со таа борба на терен, и до последната минута бевме сите обединети. Ако не сме сите заедно, не можеме до позитивен резултат. Мораме сега да мислиме на Малта. Малку ни се деновите да анализираме и нешто да промениме. Да се вратиме поназад и да знаеме колку ни значи, секој натпревар во кој влегуваме 100% и кога влегуваме како едно, и секој меч мораме да одиме така, и на крај кога ќе извлечеме добар резултат, таа радост не може да се опише. Знаеме што не очекува, само да сме мирни во глава, со ладни глави и да влеземе на терен и да дадеме се од себе.“

Барди: Оваа „банда“ е секогаш подготвена за нешто големо

Бошко Тасиќ — Sun, 10 Sep 2023 06:51:15 +0000

По еден фаул на 20 метри пред нивниот гол, слободниот удар кој Енис Барди го изведе на извонреден начин, заврши во мрежата на голманот Џиџи Донарума, а доби големи овации од трибини. Тој гол како да ја отвори играта и Македонија почна да напаѓа уште повеќе, па до крајот на средбата имаше уште неколку шанси и да поведеме, но на крајот бодовите беа поделени. „Јас и пред натпреварот реков, пваа банда е секогаш подготвена за нешто големо. Не знам, тоа го имаме постојано, го направивме порано, го направивме и сега, ни останува само да веруваме во големи работи. Оваа мала држава има 11 срца на терен и сите мора да веруваме во успех, мора секогаш да бидеме гладни за успех, како вечерва“, порача по натпреварот Енис Барди.

ВИДЕО: Мајсторија на Барди, Италија без победа си оди од Скопје

Ивона Петрова — Sat, 09 Sep 2023 21:09:08 +0000

Македонската фудбалска репрезентација повторно и ја расипа математиката на селекцијата на Италија. „Аѕурите“ од Скопје си заминуваат без победа, со освоен еден бод од квалификацискиот натпревар за пласман на Европското првенство. Македонската фудбалска репрезентација вечерва пред 28.000 гледачи на Националната арена „Тодор Проески“ во Скопје одигра нерешено 1-1 (0-0) против Италија. Почетокот на второто полувреме донесе водство на Италија во 47 минута преку капитенот Чиро Имобиле кој со гол ја заврши акцијата во која Николо Барела ја погоди пречката. По примениот гол „црвено – жолтите“ тргнаа во целосна офанзива и откако обидот од 17-ина метри на Елиф Елмас заврши крај стативата во 68 минута, израмнувањето го донесе капитенот Енис Барди со мајсторски гол од слободен удар во 81 минута, предизвикувајќи делириум на трибините.

🎯 İşte Kuzey Makedonya Millî Takımının Kaptanı ve 10 numaralı oyuncusu, futbolcumuz Enis Bardhi'nin; İtalya'ya attığı frikik golü! 🚀 pic.twitter.com/b8ScdguE09
— DikFutbol (@dikfutbol) September 9, 2023

До крајот на натпреварот македонската одбрана одолеа на италијанските напади за четврти бод во петтиот натпревар во евроквалификациите. Избраниците на селекторот Благоја Милевски ќе ги продолжат евроквалификациите со гостување во Малта во вторник.

Барди: Чест ми е што сум капитен, само сплотени можеме до успех

Бошко Тасиќ — Fri, 08 Sep 2023 12:42:51 +0000

На средбата со новинарите пред натпреварот против Италија, освен селекторот Милевски се обрати и новиот капитен на репрезентацијата, Енис Барди кој кажа: „Ова за мене е голема чест, како и мотив. Да се биде капитен на репрезентација значи многу за мене. Тука има доста капитени кои немаат трака. Има многу лидери кои заслужуваат да имаат таква улога како мене. Како што претходно сум играл со Пандев и Ристовски, чест ми е што и јас ќе бидам капитен. Ова е нов предизвик за мене. Атмосферата е одлична, доаѓаме по припреми. Многу играчи се во добра натпреварувачка форма. Секогаш кога доаѓаме да играме за Македонија имаме многу мотив. Секој треба да преземе одговорност и да даде свој максимум. Се припремаме за натпреварот со Италија. Треба да се стремиме кон нови успеси и добри резултати. Мора да сме сконцентрирани целосно, против вакви противници нема друг начин за позитивен резултат. Во денешниот фудбал, мислам дека против секој ривал, ако не си дисциплиниран тешко ќе дојдеш до позитивен резултат. Во малиот период што сме заедно, се обидуваме да се консолидираме. Мислам дека овојпат зборувавме повеќе, бидејќи видовме дека само со дисциплина и тимски дух можеме до добри резултати. Само заедно, ако си помагаме еден на друг и даваме максимум, оваа мала држава може до успех. Кога еден тим претрпува измени, не е лесно. Ние имаме дебитанти, како и млади играчи. Сметам дека имаме искуство за да ја изменаџираме оваа ситуација“.

Барди ќе биде нов капитен на Македонија

Ристе Здравков — Wed, 30 Aug 2023 11:06:48 +0000

Стефан Ристовски го нема во националниот тим, и Енис Барди ќе биде новиот капитен на репрезентацијата. Играчот од средниот ред му беше заменик на Ристовски досега, а сега ќе ја добие улогата на прв капитен. Неговиот заменик ќе биде голманот Столе Димитриевски. „Не сум размислувал за капитен, но од претходно Барди беше втор капитен, и тој веројатно ќе ја презеде улогата на прв капитен сега. После него следува Димитриевски“, образложи Милевски. Селекторот Милевски објасни зошто повик доби Александар Трајковски и покрај тоа што е без клуб. „Трајковски е без клуб, но Аце е професионалец кој го познавам многу добро, изрази желба да се стави во функција на тимот, физички е повеќе од подготвен, но повторно ќе кажам и за него и за останатите играчи ќе се направи подетална проценка за нивото на подготвеност, и за сите кои имаа проблеми во клубовите, и ќе одлучиме дали и каква минутажа ќе добијат. Имав некои идеи, но тоа ќе ги оставиме за понатаму, затоа што и младиот тим ги почна своите квалификации во септември“, изјави Милевски.

Торино во преговори со Енис Барди

Бошко Тасиќ — Mon, 17 Jul 2023 04:14:30 +0000

Италијанскиот фудбалски клуб Торино сака оваа сезона да го добие Барди на позајмица, а идното лето комплетно да го откупи. Италијанскиот клуб чека одговор од Турците дали една таква понуда е прифатлива за нив. Барди сака да остане во Трабзон, барем така најавуваа турски медиуми, има уште две години договор откако ланското лето дојде за три милиони евра од шпански Леванте, но Трабзон поради кратење на буџетот за добра сума на пари сакаат да го продадат, а еден од ланските џиновски засилувања веќе спогодбено раскина – Марк Бартра.

Смешна понуда од Саудиска Арабија: Само 300.000 евра за Енис Барди, Трабзон веднаш ги одби

Ристе Здравков — Thu, 29 Jun 2023 07:49:13 +0000

Клубовите од Саудиска Арабија трошат огромни суми на нови засилувања од европскиот фудбал, па затоа изненадувачки делува информацијата за смешната понуда што пристигнала од оваа земја за Енис Барди. Турските медиуми информираат дека до Трабзонспор стигнала понуда од неверојатни 300.000 евра за македонскиот репрезентативец. Таа се однесувала на отштета за едногодишна позајмица на Енис Барди, по што следното лето би бил дискутиран негов перманентен трансфер во клубот. Очекувано, поранешниот шампион на Турција експресно ја отфрлил понудата, јасно ставајќи до знаење дека нема намера да продолжи да преговара со овој клуб. Барди минатото лето пристигна од Леванте во Трабзон, па иако имаше добри настапи за овој клуб сепак управата се обидува да го продаде. За неговите услуги се интересираат клубови од Шпанија, како и една екипа од американската МЛС-лига.

Клуб од САД испратил понуда за Барди

Ристе Здравков — Thu, 22 Jun 2023 08:44:15 +0000

Македонскиот репрезентативец Енис Барди најверојатно ќе го напушти Трабзон во летниот преоден рок. Трабзон за Барди бара најмалку 4.500.000 евра. Барди, на почетокот на минатата сезона пристигна во Трабзон од Леванте. Одигра 42 натпревари во сите натпреварувања, постигна седум гола. Турските медиуми објавија дека интерес за Барди покажал клуб од американската МЛС лига. Според овие извори Трабзон нема да се противи на трансферот, но само доколку заинтересираниот клуб понуди најмалку 4.500.000 евра. Инаку, деновиве Барди се поврзува со италијански Торино и членот на Чемпионшип дивизијата, Хал сити.