Енис Фазлагиќ – Kurir.mk

Фазлагиќ: Веруваме дека можеме до прво место

Бошко Тасиќ — Mon, 19 Sep 2022 17:17:10 +0000

Mакедонскиoт фудбалски репрезентативец Енис Фазлагиќ кој во јуни го запиша дебито за А-тимот, откако се изнаигра во младинските селекции посочи дека без оглед на проблемите, сите во националниот тим веруваат дека во завршните два меча со Грузија во петок и со Бугарија во понеделник може да стигнеме до првото место.

„Мора да веруваме дека можеме да бидеме први во групата и реално е тоа да одиме на победа на овие два меча. Знаеме дека Грузија е квалитетен противник и ние мора максимално да се подготвиме и во мечот да влеземе како што треба. Најважно е да освоиме три бода и мислам дека со вистински добар пристап ќе биде се во ред“, вели Фазлагиќ. „Тоа што Грузија е прва покажува дека имаат квалитетен тим и дека играат квалитетно. Тоа го потврдија и во Скопје. Но, ние мора да сме максимално фокусирани и да се спремиме за тој меч, ако сакаме да извлечеме победа, а тоа секако дека го сакаме. Мора да сме поконкретни и нормално дека треба да дадеме голови, зашто со голови може да стигнеме до нашата цел“, додава Фазлагиќ.

Фазлагиќ: Одиме на победа против Бугарија и Грузија

Бошко Тасиќ — Sun, 12 Jun 2022 19:00:58 +0000

Македонскиот репрезентативец Енис Фазлагиќ доби шанса на мечот против Гибралтар. Фазлагиќ изјави дека е задоволен од играта во првото полувреме и најави дека ќе одат на победа во последните два меча од групната фаза во Лигата на нации против Бугарија и Грузија. „Ова беше убав натпревар. Победивме со 4-0 поради тоа што одигравме одлично во првото полувреме, додека во второ се обидовме да го затвориме мечот и да го завршиме со помалку грешки. Одиме на последните два меча да ги добиеме. Оваа репрезентација секогаш оди на позитивен резултат и победа“, кажа Фазлагиќ.

Фазлагиќ: Цел живот работев за овој повик,чест е да се биде дел од репрезентацијата

Бошко Тасиќ — Thu, 26 May 2022 18:51:28 +0000

Енис Фазлагиќ е еден од дебитантите во сениорскиот тим на Македонија за новото издание во Лигата на нациите. Играчот од средниот ред доби повик од Благоја Милевски голема е веројатноста да ги запише првите минути на воведните четири средби. „Задоволство е и чест да се биде дел од нашата најдобра репрезентација. Сме работеле за тоа цел живот и се спремаме нормално максимално да го дадеме најдоброто на следните натпревари. А-репрезентацијата е на многу повисоко ниво од У21, се наоѓам во тренажен процес и подготвен сум да одговорам на секој предизвик ако го добијам. Овој тим покажа дека може да прави големи нешта, јас ги следев и навивав за Македонија и за нив. Верувам дека постарите играчи во овој тим ќе не научат нас помладите на многу работи“, изјави Фазлагиќ.

Енис Фазлагиќ 4,5 години во дресот на Висла Краков

Бошко Тасиќ — Fri, 21 Jan 2022 18:58:32 +0000

Капитенот на младинската фудбалската репрезентација на Македонија, Енис Фазлагиќ потпиша договор со Висла Краков. Тој во тринаесеткратниот полски шампион доаѓа од редовите на Жилина и потпиша договор до јуни 2026 година. „Енис е фудбалер со огромен потенцијал и веќе има огромно искуство иако е млад. Тој е играч сличен на Ашраф - секогаш сака да е со топката, што секако ќе ни помогне во нашата игра и да ја добиеме потребната агресивност. Тој доаѓа во Висла на целосен трансфер со договор на четири ипол сезони“, изјави спортскиот директор на полскиот клуб, Томаш Пасиечни.