енка – Kurir.mk

По шест месеци од договорот, „Бехтел и Енка“ денеска ќе почнат со градежни активности на Коридорот 8

Ристе Здравков — Tue, 12 Sep 2023 07:34:58 +0000

Првиот вицепремиер Артан Груби денеска ќе има свое обраќање по кое со минирање во близина на селото Горна Бањица, на потегот меѓу Гостивар и Кичево ќе биде означен стартот на теренските работи од изградбата на Коридорот 8 кој ќе го гради американско – турскиот конзорциум „Бехтел и Енка“ врз основа на договор кој македонската влада го попиша пред шест месеци и со кој се предвидува изградба на автопатска делница на потегот Гостивар – Букојчани. Предвидено е да се се работи и на делниците Требеништа – Ќафасан и Тетово – Гостивар. Неофицијално, како подизведувачи се јавуваат компаниите „АК инвест“, „Еуровиа“ и „Стентон градба“ како дел од најавените домашни компании на кои изведувачот им го има доверено извршувањето на дел од работите. Тетовската компанија „Ак инвест“ има сериозно портфолио со голем број проекти. „Еуровиа“ е фирмата која го доби тендерот за пренамена на спортскиот центар Борис Трајковски за конференцијата на министерскиот совет на ОБСЕ. Битолската фирма „Стентон градба“ е една од најзвучните во градот под Пелистер, во последните 12 месеци има добиено 21 тендер.

Конзорциумот „Бехтел и Енка“ организира „Саем за вработување“

Ристе Здравков — Tue, 15 Aug 2023 12:53:37 +0000

Компанијата „Бехтел и Енка“ која ќе ги гради Коридорот 8 и 10д ќе организира „Саем за вработување“ во Гостивар. Веста ја соопшти првиот вицепремиер Артан Груби. „Саемот за вработување“ ќе се одржи утре со почеток во 16 часот, во Агенција за вработување во Гостивар, а потоа ќе продолжи со презентација и во другите градови. На саемот ќе се прикажат можностите што ги нуди овој конзорциум при изградбата на автопатските делници на коридорите во следните пет години.

Ивановска: Со полна пареа го анализираме договорот со „Бехтел и Енка“

Ристе Здравков — Mon, 22 May 2023 09:05:49 +0000

Договорот со американско-турскиот конзорциум „Бехтел и Енка“ го добивме и сме во фаза на негова анализа. Поброен тим ќе работиме на овој предмет, а веќе им се поделени задачите на советниците, изјави денеска претседателката на Антикорупциската комисија Билјана Ивановска. Таа повтори дека имаат неколку советници од кои дел се вклучени во делот за јавни набавки, за работни односи, некој е вклучен како истражител, а некој прави анализа на законите што треба да се донесат. -Се е опфатено што е поврзано со овој предмет, верувајте бара малку повеќе работа и анализа, и ние сакаме што побрзо да завршиме и да си кажеме. Не можам да кажам точно датум кога ќе биде заради тоа што е неблагодарно да се кажува, ќе речете кажавте, а не сте завршиле, работиме на тоа со полна пареа. Веднаш штом биде се готово ќе излеземе и ќе кажеме, рече Ивановска, која учествуваше на предавање во рамки на промотивната кампања за борба против корупцијата „Бидете херои на чесноста“ на ДКСК во основното училиште „Братство” во Скопје. ДКСК отвори предмет за проектот за изградбата на автопатите на коридорите 8 и 10д за којшто е потпишан Договор со „Бехтел и Енка“ по објавите во медиумите околу постапката на изборот на фирмите за надзор, а предмет по допрен глас отвори и Јавното обвинителство. По официјализирањето на примената на Договорот, во тек се подготвотелни активности за претстојните градежни работи на терен. За реализацијата на Договорот во собраниска процедура се измени на пет закони по скратена постапка, а нивното означување со европско знаменце е предмет на дебата и критики од опозицијата.

Бектеши: Проектот за коридорите 8 и 10-д ќе се реализира – тоа е завршена работа

Ристе Здравков — Fri, 19 May 2023 12:29:01 +0000

Бектеши ги повика антикорупционерите да бидат поекспедитивни и да излезат со нивните наоди имајќи предвид дека веќе го имаат договорот. Пакетот закони за изградба на коридорите 8 и 10-д ќе се усвојат, проектот ќе се реализира, тоа е завршена работа и тоа треба да им биде јасно на сите, рече денеска министерот за економија Крешник Бектеши одговарајќи на новинарско прашање. Одговорот на Бектеши доаѓа откако денеска претседателката на Државната комисија за спречување на корупција, Билјана Ивановска објави дека го добиле договорот со американско-турскиот конзорциум „Бехтел и Енка“ што ДКСК го побара како дел од документацијата за предметот кој го отвори во однос на проектот за изградба на коридорите 8 и 10-д. „Во однос на законите враќање назад нема. Ја имаме една од најголемите реномирани компании која ќе биде изведувач, а тоа е ‘Бехтел’ во конзорциум со ‘Енка’“, рече Бектеши. Министерот Бектеши ги повика антикорупционерите да бидат поекспедитивни и да излезат со нивните наоди имајќи предвид дека веќе го имаат договорот. „Има институции, ДКСК, Обвинителство, па и другите, нека си ја завршат својата работа. Владата ги заврши своите работи, сега законите се во Собрание, очекуваме пратениците што побрзо да ги усвојат и да почнеме да работиме што ќе влијае позитивно и во делот на економијата имајќи предвид дека над 50 отсто од договорот ќе се реализира од домашни економии, а ние очекуваме тоа да биде и над 70 отсто“, додаде Бектеши. На прашањето за состојбите во ДУИ и дали очекуваат пратениците од „огнената“ група да не ги гласаат законите за коридорите, Бектеши без конкретен одговор рече дека ДУИ е најстабилна партија во Северна Македонија. „Утре да излеземе на избори ДУИ секогаш ќе победи бидејќи ја има довербата од страна на граѓаните и гласачите. Тоа сме го докажале и ќе го докажеме кога и да е потребно“, рече Бектеши. Од ДКСК денеска рекоа дека веќе е формиран тим од четворица советници за анализа на предметот, но дека не можат да кажат рокови, иако, како што рече претседателката Ивановска, тој предмет им тежи најмногу и со сите сили се вложени за да се сработи побрзо. Покрај Антикорупциската комисија, и Основното јавно обвинителство за гонење на организиран криминал и корупција, следејќи ги информациите објавени во медиумите поврзани со изградбата на автопатите на коридорите 8 и 10-д, со цел да ги провери наводите што се изнесуваат во јавноста, на крајот на март отвори предмет по допрен глас.

Ивановска: ДКСК го доби Договорот со „Бехтел и Енка“

Ристе Здравков — Fri, 19 May 2023 09:00:49 +0000

Државната комисија за спречување на корупцијата (ДКСК) го добила Договорот со американско-турскиот конзроциум „Бехтел и Енка“. Државната комисија за спречување на корупцијата (ДКСК) го добила Договорот со американско-турскиот конзроциум „Бехтел и Енка“ што го побара како дел од документацијата за предметот што го отвори во однос на проектот за изградба на коридорите 8 и 10д по објавите во медиумите околу изборот на надзорот и веќе формирала тим од четворица советници за анализа на предметот. -Го побаравме договорот, го добивме и работиме на сите документи, што значи сега анализата е во тек, изјави денеска претседателката на ДКСК Билјана Ивановска, во одговор на новинарско прашање. Ивановска рече дека не може да каже рокови, но нагласи дека тој предмет „им тежи најмногу“ и оти со сите сили се вложени за да се сработи побрзо. -Го формиравме тимот. Точно. Тимот е составен од четворица советници. Секој е специјалист во својата област. На пример, некој во јавни набавки повеќе, некој во делот за вработувањата. Имаме еден одличен истражувач, тој секако е вклучен. Советникот каде што по редовен пат, нели, по електронскиот систем се паднал предметот, членот на Комисијата Катица Николовска, јас се вклучив во предметот, така што со заеднички сили ќе истераме напред. Не можам да кажам некои строги рокови заради тоа што и времето ни е малку расцепкано. Постојано сме вклучени во скрининзите. Минатата недела Катица се врати, следната недела јас треба да одам, меѓутоа тимот од советници работи. Ние се координираме и кога не сме физички присутни, нели технологијата дозволува. Тој предмет највеќе од сите ни тежи, така што сите сили се вложени за да биде што побрзо, изјави Ивановска, која учествуваше на предавање во рамки на промотивната кампања за борба против корупцијата „Бидете херои на чесноста“ во ОУ „Коле Неделковски” во Општина Центар.

Премиерот Ковачевски откри кога ќе биде презентиран договорот со „Бехтел и Енка“

Ристе Здравков — Wed, 26 Apr 2023 12:52:35 +0000

Веднаш штом ќе има известување од Собранието владини претставници ќе го презентираат Договорот со „Бехтел и Енка“ пред пратениците кои поседуваат безбедносен сертификат, изјави денеска премиерот Димитар Ковачевски. Одговарајќи на новинарски прашања Ковачевски рече дека по барањето што го доставија пратениците го известил претседателот на Собранието дека владиниот тим е подготвен веднаш да го презентира Договорот пред собраниското тело што ќе биде определено. -Дел од пратениците испратија испратија писмо до Владата да се запознаат со Договорот, јас веќе одговорив до претседателот на Собранието, не знам дали го има примено во неговата архива бидејќи беше на службен пат, во коешто го информирав веднаш исто како што стоеше и во соопштението дека тимот на Владата е подготвен на Комисија или на тело што ќе го определи Собранието веднаш да отиде и да го презентира Договорот пред сите пратениците кои поседуваат безбедносен сертификат. Кога ќе кажат од Собранието, подготвени се веднаш да отидат бидејќи сепак на владините претставници треба да им се каже во која Комисија треба да отидат, изјави Ковачевски, по отворањето на Самитот Македонија 2025. Прашан дали Јавното претпријатие за државни патишта го доставило Договорот до Јавното обвинителство упати да се побара одговор од овие две институции, а Владата, како што потсети, веќе го задолжи ЈПДП да го достви Договорот до ЈО. Во коментар за намалените проекции за растот на македонската економија од страна на Светска банка (СБ) премиерот посочи дека секогаш во услови на криза сите меѓународни финансиски институции и аналитички институти ги менуваат претпоставките за економскиот раст, а посочи дека во вакви услуви е особено важен подбрениот кредитен рејтинг на државата. Коментирајќи ги укажувањата и реакциите за зголемените плати на функционерите Ковачевски повтори дека Владата работи на подготовка на закон за плати во јавниот сектор, со којшто ќе се стави конзистентност и ред во исплатата на платите во државата. Истакна дека и пред одлуката на Уставниот суд со којашто се зголемија платите на функционерите, укажал дека треба да има закон за плати. – Врз основа на сите инпути од институциите законот ќе биде ставен на јавна расправа, и на ЕНЕР а мислам дека веќе е подготвена и првична верзија и потоа ќе влезе во собраниска процедура каде ќе треба да се изјаснат сите политички партии. Во однос на другите плати веќе се разговара на Економско-социјалниот совет за општиот колективен договор со којшто исто така ќе се стави ред и конзистентност во исплатата на платите на работниците бидејќи сега имаме различни колективни договори со кои на работници со исто ниво на одговорности во различни области им овозможуваат различно ниво на плати. Или кај функционерите имате пратеник со плата од 60.000 денари, а има и секретар или секретарка во одредено регулаторно тело со 90.000 денари плата. Сметам дека е тоа неконзистентно, рече Ковачевски.

Ковачевски најави дека договор со Бехтел и Енка денеска ќе се испрати до обвинителството

Ристе Здравков — Tue, 18 Apr 2023 14:00:00 +0000

Премиерот Ковачевски рече дека владата одлучила договорот со Бехтел и Енка денеска да му биде предаден на обвинителството. Тој вели дека бидејќи веќе Собранието го изгласа специјалниот закон за изградба на коридорите, сега и законите се носат по скратена постапка.

Демократски сојуз: Бехтел и Енка за раскрчмување на народните пари

Ристе Здравков — Wed, 15 Mar 2023 09:21:41 +0000

Демократскиот сојуз бара Државниот завод за ревизија да направи ревизија на досегашните активности и трошењето на милионски суми (над милиони евра) на државните институции во врска со подготовките за изградба на коридорите 8 и 10-д, од Конзорциумот Бехтел И Енка, во вредност од 1 милијарда и 300 милиони евра, како и предвидените над 300 милиони евра за експропријација на земјата каде ќе поминуваат трасите на коридорите (патиштата). Во јавноста се презентирани многу контроверзни и коруптивни информации во врска со консултанти, надзор итн., кои отворија многу прашања, посебно дека се работи за тежок криминал, со што се загрозува целокупниот проект и може да се случи да останеме и без милионски суми евра и без патишта, со големи обврски кон фирмите кои треба да ги градат патиштата, велат од оваа партија. Предлагаат Владата да достави информација до Парламентот за досегашните активности, а Парламентот да отвори расправа. „На испит се и државните институции (МВР, АНБ, УЈП итн), како и Јавното обвинителство, бидејќи имаат законски надлежности и обврски да ги проверат и истражат можните криминални активности на високи функционери инволвирани во овие сомнителни активности“, истакнуваат од Демократскиот сојуз.

300.000 евра по преговарач, 20.000 месечно за главен инженер – вртоглави суми за надзорот над „Бехтел и Енка“

Ристе Здравков — Tue, 14 Mar 2023 14:25:57 +0000

„Електра солушнс“, фирмата која продавала долна облека, никогаш немала искуство во надзор, а лиценцата ја вадела набрзина за да учествува на тендерот, сега ќе добие најголем дел од 22 милионскиот колач за надзор на изградбата на новите автопати од страна на „Бехтел и Енка„. Според контроверзниот договорот за надзор, петтмината експерти за надзор ќе добијат паушали од по 300 илјади, а надзорните инжењери дури по 20 илјади евра месечен хонорар. Милионите кои на јавноста и се презентриаат дека ќе се трошат на меѓународни експерти, всушност се за домашни кадри кои се поврзани со спорните фирми од ИРД . Од 81 експерт вклучени во надзорот само петмина се странци и тоа четворица од соседството , објавува порталот 360 Овој таканаречен странски експертски тим кој ќе се офајди со по 300 илјади евра паушал по човек, во најголем дел го сочинуваат членовите на оној тим што преговара за цената на градбата. Тројца од четворица експерти се ангажирани во „Електра солушнс“, а еден експерт во ИРД Инженеринг. Оваа фирма , не само што нема искуство, во моментот кога го добива тендерот нема ни лиценца за работа, но тоа не е проблем според договорот да добие 8,3 милион евра од вкупниот колач. Додека пак, „Евро консалтинг„ фирмата каде е замешан Бранислав Димитриевиќ, баран со меѓународна потерница во Ерменија ќе добие 7,1 милиони евра, додека шпанско – кинеската Eптиса ќе добие 400.000 евра. ЕЛЕКТРА Солушнс 8,3 МИЛИОНИ ЕВРА Евро Консалтинг 7,1 МИЛИОНИ ЕВРА ИРД Италија 4,1 МИЛИОНИ ЕВРА ИРД Скопје 2,4 МИЛИОНИ ЕВРА ЕПТИСА 400.000 евра Сомнежите не застануваат тука. Порталот открива дека во исти двор со фирмите кои го добија тендерот некаде во велешко се регистрирани и другите фирми кои предходно беа одбиени заради тоа што имаа финансиски врски со Русија. И покрај бројните скандали, низата неодговорени прашања , нерасчистени случаи на сопственици на лица барани со потерница , надлежните се постојано со една иста реторика : Се е по закон „Имавме транспарентна постапка за избор на консултант за надзор, беше почитуван до крај законот за јавни набавки. Потоа го потпишавме и договорот со Бехтел и Енка, тоа е за нас историски договор. Изградбата треба да заврши за 4 години и 7 месеци“, рече директорот на јавното претпријатие за државни патишта, Ејуп Рустеми. Изградбата ќе почне во април , а месецов „ Бехтел и Енка“ ќе ги добијат првите пари на аванса исплата преку државниот Буџет. Инаку, краен проект сеуште нема па изградбата тешка 1.3 милијарди евра најверојатно ќе чини ,многу повеќе . извор: alfa.mk