ентони дејвис – Kurir.mk

Нова повреда на Ентони Дејвис

Бошко Тасиќ — Sat, 01 Apr 2023 11:20:20 +0000

Ентони Дејвис доживеа нова, во низа, повреда кои му ја одбележаа кариерата. Но, се покажа потоа дека зглобот, сепак, не страдал премногу па мечот го заврши со 38 поени и 17 скока и ги предводеше ЛАЛејкерс до важна победа кај Минесота од 111-123. Дејвис сезонава поради повреди пропушти 26 натпревари, па сега, како и да е, го очекува нова пауза. Тој остана да лежи на паркетот а околу него играта си продолжи, прекината дури по 25 секунди. Тие 25 секунди се меѓу најбизарните на НБА паркетите сезонава. Кошаркарите на Минесота прво не знаеја дали треба да застанат или продолжат, а Руди Гоберт не можеше да го нападне рекетот затоа што Дејвис во агонија му беше на патот, па ја врати топката на тројка која соиграчот ја промаши. Но, и натаму играта си продолжи, па следеа поени на Лејкерс, па нов напад на Минесота и конечно по 25 секунди следеше прекин по прекршок

Дејвис ќе паузира најмалку еден месец

Бошко Тасиќ — Tue, 20 Dec 2022 06:03:19 +0000

Американскиот кошаркар и центар на Лос Анџелес Лејкерс, Ентони Дејвис, поради повреда на стапалото ќе паузира најмалку еден месец, објави ЕСПН. За време на викендот тој направи дополнителни тестови и беше утврдено дека го чека пауза од најмалку еден месец. Ова е лоша вест за Лејкерси, бидејќи Дејвис моментално се наоѓа на десеттото место на листата на стрелци во НБА со просек од 27,4 поени по натпревар. Дополнително, Дејвис има просек од 12,1 скока и 2,6 асистенции по меч. Лејкерси моментално имаат скор од 13 победи и 16 порази во Западната конференција.

Дејвис не играше против Феникс поради проблеми со грбот

Тале Кристо — Thu, 06 Oct 2022 09:00:35 +0000

Лос Анџелес лејкерси загубија од Феникс со 119:115 во претсезонски натпревар во НБА-лигата. Во тимот на Лејкерси го немаше Ентони Дејвис поради напнатост на мускулите во долниот дел на грбот, објави „ESPN“. Лејкерси одлуката да го задржат Дејвис на клупата ја нарекоа „мерка на претпазливост“. Тимот не сака да го ризикува здравјето на играчот. Дејвис учествуваше во првиот претсезонски натпревар против Сакраменто (75:105) и постигна дабл-дабл – 11 поени и 11 скока.

Ентони Дејвис повторно се повреди

Бошко Тасиќ — Thu, 17 Feb 2022 21:23:49 +0000

Кошаркарот на ЛА Лејкерс, Ентони Дејвис го повреди скочниот зглоб во победата над Јута од 106:101. Дејвис го повреди зглобот откако го стапна Руди Гобер на две минути пред крајот на втората четвртина. Дејвис поради повредата на коленото пропушти 21 натпревар за ЛА Лејкерс оваа сезона.

Ентони Дејвис се повреди , го чека подолга пауза

Бошко Тасиќ — Sun, 19 Dec 2021 07:46:33 +0000

Ентони Дејвис го повреди коленото во второто полувреме на мечот со Минесота и не се врати на паркетот за да сега по направените медициски тестови стигне информација дека ќе биде во „аут“ најмалку еден месец. Ентони ќе мора да мирува четири седмици по што одново ќе биде прегледан што значи ќе се врати на терените во 2022 година, ама прашање е дали тоа ќе биде во јануари. Секако ова е сериозен удар за „езерџиите“ кои имаат доста проблеми со повредени и заразени играчи со коронавирусот, но без разлика на се во моментов се на шестото место на Западот во НБА лигата. „Веѓата“ во актуелнава сезона има учинок од 23,3 поени, 9,9 скокови, 2,9 асистенции и 2 блокади по натпревар.

Леброн и Дејвис нема да играат на Олимписките игри во Токио

Ивона Петрова — Tue, 08 Jun 2021 06:46:59 +0000

Ѕвездите на Лос Анџелес лејкерс, Леброн Џејмс и Ентони Дејвис нема да играат за тимот на САД на Олимписките игри во Токио. Двајцата ќе ги пропуштат Игрите поради тешката сезона со многу повреди. Вклучувањето во составот на Стеф Кари (Голден Стејт вориорс) и Демиен Лилард (Портланд блејзерс) сè уште е доведено во прашање, објави новинарот на „Атлетик“, Џо Вардон. Кари и Лилард сакаат да учествуваат на турнирот, но тие сè уште не се 100 проценти решени. Олимписките игри во Токио ќе започнат на 23 јули. По традиција САД се апсолутни фаворити за златниот медал на кошаркарскиот турнир.

Дејвис го одигра првиот натпревар по повредата во февруари

Тале Кристо — Fri, 23 Apr 2021 07:39:11 +0000

Кошаркарот на Лос Анџелес лејкерс, Ентони Дејвис, се врати на теренот по 30 пропуштени натпревари поради повреда. Тој рано во поразот на Лејкерс од Далас маверикс (110:115) одигра 17 минути. Дејвис, кој беше во почетната петорка постигна четири поени, четири скока, една асистенција, една украдена топка и една блокада, со удар во поле 2 од 10. Дејвис за кого се очекува со Леброн Џејмс да бидат главните адути на Лејкерс за одбрана на титулата во НБА-лигата, немаше играно од 15 февруари.

Ентони Дејвис се враќа на кошаркарските терени

Бошко Тасиќ — Thu, 22 Apr 2021 18:44:39 +0000

Актулениот шампион во НБА лигата, Лос Анџелес Лејкерс по подолго време ќе може да смета на еден од најдобрите играчи во екипата Ентони Дејвис.

Дејвис беше во аут девет недели, но повредата која ја здоби .Со неговиот кам-бек „езерџиите“ дефинитивно ќе добијат на квалитет, цврстина, помош на двете страни на теренот со тоа што во првите две средби тој ќе има ограничена минутажа по 15 минути на теренот.

Лејкерс без Дејвис имаат учинок 14-16 (победи-порази) и паднаа од второто на петтото место на Западот.

Познато е кога се враќаат Џејмс и Дејвис

Бошко Тасиќ — Thu, 08 Apr 2021 21:13:18 +0000

Шампионите во НБА лигата Лос Анџелес Лејкерс полека ќе се комплетираат откако ќе се вратат после повреда Леброн Џејмс и Ентони Дејвис. Двете големи ѕвезди на тимот на Френк Вогел подолго време се надвор од конкуренција. Крилниот центар лекува повреда на Ахиловата тетива, а „кралот“ Џејмс го повреди скочниот зглоб на дуелот со Атланта. Информациите кои доаѓаат од САД велат дека Леброн Џејмс и Ентони Дејвис ќе се вратат во ростерот по источната турнеја од пет натпревари. Дуото на бранителот на титулата ќе се врати на паркетот за дербито против Бостон во „Стејплс Центар“.

Поради повреда Дејвис ќе пропушти еден месец

Ивана Ефремовски — Fri, 19 Feb 2021 10:56:52 +0000

Главниот тренер на Лос Анџелес лејкерс, Френк Вогел, соопшти дека Ентони Дејвис ќе биде надвор од терените околу еден месец поради повреда на Ахиловата тетива. -Ентони ќе пропушти четири недели. Лекарите сакаат да бидат сигурни дека тој целосно ќе се опорави од повредата, изјави Вогел. Дејвис го напушти теренот на мечот од регуларната сезона во НБА против Денвер (105:122) на 14 февруари по судирот со противничкиот кошаркар Никола Јокиќ. Во сезоната 2020/21, Дејвис бележи просек од 22,5 поени, 8,4 скока и 1,8 блокада по натпревар. (МИА)