Челзи подготвува понуда од 60 милиони фунти за Гордон

Магдалена Андонова — Tue, 23 Aug 2022 09:47:16 +0000

Премиерлигашот Челзи подготвува трета понуда за Евертон за играчот од средниот ред Ентони Гордон, објави „Скај спортс“. Сините подготвуваат да понудат околу 60 милиони фунти за 21-годишниот Англичанец. Цената вклучува бонуси за успешните настапи на играчот. Евертон претходно одби две понуди од Челзи од 40 и 45 милиони фунти. Гордон е „дете“ на Евертон. Минатата сезона забележа 40 настапи за тимот во сите натпреварувања, постигнувајќи четири гола и три асистенции. Порталот „Transfermarkt.com“ го оценува играчот на 18 милиони фунти. Договорот на Гордон со клубот е со важност до 2025 година. (МИА)

Челзи нуди 47 милиони евра за Гордон

Магдалена Андонова — Mon, 15 Aug 2022 16:27:13 +0000

Раководството на премиерлигашот Челзи понуди 47 милиони евра за услугите на талентираниот фудбалер на Евертон, Ентони Гордон, објави денеска „Скај спорт“. Евертон, наводно, ја одбил оваа понуда, меѓутоа лондонскиот клуб е подготвен, освен пари, на клубот од Ливерпул да му понуди и некои свои играчи, бидејќи тренерот на Челзи по секоја цена сака да го види младиот англиски репрезентативец во своите редови. Гордон (21) потекнува од академијата на Ливерпул, но од 2019 година е во градскиот ривал Евертон за кој има 60 настапи и еден постигнат гол. Гордон ги мина сите младински селекции на Англија, а пред неколку недели имаше понуди за трансфер од Тотенхем и Њукасл. (МИА)

ентони гордон – Kurir.mk

Челзи подготвува понуда од 60 милиони фунти за Гордон

Челзи нуди 47 милиони евра за Гордон