ентони хопкинс – Kurir.mk

Божиќниот танц на Ентони Хопкинс: Легендарниот актер танцуваше на евергрин на Леонард Коен (ВИДЕО)

Ристе Здравков — Tue, 27 Dec 2022 08:27:58 +0000

„Роден слободен. Биди слободен. Среќни празници“, напиша Хопкинс. Многу луѓе ширум светот го прославија Божиќ во недела, на 25-ти декември, според Грегоријанскиот календар. Меѓу нив и Ентони Хопкинс. За оваа прилика, легендарниот актер на социјалните мрежи објави кратко видео каде танцува на евергринот на Леонард Коен „Dance Me to the End of Love“. „Роден слободен. Биди слободен. Среќни празници“, напиша Хопкинс. Лајкови и позитивни коментари доаѓаа од сите страни. Секако, Ентони Хопкинс со оваа содржина уште еднаш им го разубави денот на многу луѓе ширум светот.

Born free. Be free. Happy holidays. 🕺🏻 pic.twitter.com/k3MZb7jIqK
— AHopkins.eth (@AnthonyHopkins) December 25, 2022

Џоди Фостер се плашела од Ентони Хопкинс, Ханибал за неа бил кошмар

Ивана Ефремовски — Tue, 07 Sep 2021 09:24:05 +0000

Џоди Фостер говореше за тоа како навистина се плашела од Ентони Хопкинс како убиецот-канибал – д-р Ханибал Лектор. Филмот „Кога јагињата ќе стивнат“ е објавен 1991 година, а водечките улоги ги глумат Фостер и Хопкинс. И двајцата пред 30 години добија „Оскари“ за главните улоги, покрај статуетките за најдобар филм, режисер (Џонатан Дем) и адаптирано сценарио (Тед Тали). Филмот се заснова на истоимениот роман на Томас Харис. Џоди ја глуми новајлијката на ФБИ, Кларис Старлинг – спроти сер Ентони Хопкинс како затворениот убиец Ханибал Лектор, кој ѝ помага да фати друг сериски убиец, по име Бафало Бил (Тед Левин). Глумицата за списанието „ОК“ признава дека искрено се плашела од Ентони поради неговата глума како Лектор, па дури откако завршило снимањето, собрала храброст да разговара со него. Тој е исклучителен актер и прекрасна личност. Првпат го сретнав кога го читавме сценариото околу маса. Почна да чита и одеднаш се почуствував многу исплашена!, вели Фостер. „Кога јагнињата ќе стивнат“ на Џоди ѝ го донесе вториот „Оскар“ од четирите номинации за најдобра женска улога, по одличјето за улогата на преживеана по силување во драмата „Обвинетите“ од 1988 година. (МИА)

Ентони Хопкинс изненаден од новиот Оскар

Ивона Петрова — Mon, 26 Apr 2021 10:54:00 +0000

Филмскиот ветеран Ентони Хопкинс е изненаден од новиот Оскар. За него, како и за многумина други, починатиот Чедвик Бозман важеше за фаворит за одличјето за најдобар глумец во главна улога. Глумецот објави и видео на Инстаграм, во коешто се заблагодарува за наградата и го спомнува неговиот покоен колега. – Добро утро! Јас сум тука, во мојата родна земја Велс и на 83-годишна возраст не очекував да ја добијам оваа награда. Јас навистина не го очекував тоа!, вели Хопкинс на видеоврската. По заблагодарувањето кон Академијата, тoj рече: – Сакам да го споменам и Чедвик Бозман, кој нѐ напушти прерано. Се чувствувам крајно поласкан од оваа награда! По објавувањето на Хопкинс за победник, некои на интернет коментираа и дека Академијата му ја одзела последната награда на Бозман. Ентони Хопкинс е најстариот актер кој добил Оскар за машка главна улога. Статуеткава е втора во неговата кариера по 1991 година, кога го доби одличјето за ликот на психопатот Ханибал Лектор во филмот „Кога јагнињата ќе стивнат“.

View this post on Instagram

A post shared by Anthony Hopkins (@anthonyhopkins)

ДОДЕЛЕНИ ОСКАРИТЕ: Ова се сите добитници, „Земја на номадите“ освои најмногу награди

Ивона Петрова — Mon, 26 Apr 2021 06:10:04 +0000

Франсис Мекдорманд го освои својот трет Оскар на синоќешната церемонија во Лос Анџелес на доделување Оскари, за улогата во филмот „Земја на номадите“ (Nomadland), со што ја потврди својата репутација како една од најдобрите актерки од нејзината генерација. Со тоа им се придружи на Мерил Стрип, Даниела Деј Луис и Џек Николсон, единствените активни актери кои освоиле три Оскари. Пред нив е само покојната Кетрин Хепберн со четири Оскари. Британскиот актер Ентони Хопкинс синоќа го освои својот втор Оскар на церемонијата во Лос Анџелес, за улогата во филмот „Татко“. Тоа е негов втор Оскар по скоро 30 години и четири номинации, откако во 1992 година беше награден со улогата на Ханибал Лектор во филмот „Кога јагнињата ќе стивнат“. Социјалната драма „Земја на номадите“ (Nomadland), за животот во време на рецесија на американскиот запад, е прогласена за најдобар филм на синоќешната церемонија во Лос Анџелес. Кинескињата Клои Жао, за која ова е само трет филм, е втората жена наградена за режија. Кандидати за највисоката награда на Американската филмска академија годинава беа и „The Trial of the Chicago 7“, „Mank“, „Promising Young Woman“, „Minari“, „Judas and the Black Messiah“, „The Father“ и „Sound of Metal“. Soul на комапнијата Пиксар (Pixar) го освои Оскарот за најдобар анимиран филм. Тој е 11-ти Оскар за Пискар во последните 20 години од доделувањето на наградата во таа категорија. Британскиот актер Даниел Калуја го освои Оскарот за најдобра споредна улога, за улогата во филмот „Judas and the Black Messiah“. Актерот, роден во Лондон во семејство на имигранти од Уганда, за улогата на млад активист за Црниот Пантер, Фред Хамптон, кој беше убиен во 1969 година во Чикаго, претходно ги освои Златниот глобус, Наградата на Здружението на актери и британската БАФТА. Други номинирани беа Пол Рејси (Sound of Metal), Лесли Одом Џуниор (Night in Miami) и Саша Барон Коен (Trial of he Chicago 7). Јужнокорејската актерка Јун Ју-јунг е добитничка на Оскар за најдобра споредна улога за улогата во филмот MInari. „ My Octopus Teacher “ од режисерот од Јужна Африка, Крег Фостер е прогласен за најдобар документарец на Американската академија за филмски уметности и науки во Лос Анџелес. За наградата беа номинирани и „Collective“, „Crip Camp“, „The Mole Agent“ и „Time“. Список на главните добитници на 93. Оскари, награда од Американската академија за филмска уметност и наука, што се одржа во Долби театарот и на други локации во Лос Анџелес. – Најдобар филм: „Nomadland“ – Најдобра режија: Клои Жао, „Nomadland“ – Најдобра машка улога: Ентони Хопкинс (Тhe Father) – Најдобра актерка: Франсис Мекдорманд (Nomadland) – Најдобра споредна машка улога: Даниел Калуја – Најдобра споредна женска улога: Ју Јунг-јун – Најдобар странски филм: „Drunk“, Томас Винтерберг, Данска – Најдобар документарен филм: „ Мy Octopus Teacher“ – Најдобар анимиран филм: Soul – Студио Пиксар – Најдобро оригинално сценарио: „Promising Young Woman“ – Најдобро адаптирано сценарио: „The Father“

ВИДЕО: По една година помината во карантин Ентони Хопкинс се вакцинираше

Ивона Петрова — Fri, 29 Jan 2021 09:35:37 +0000

Актерот Ентони хопкинс се вакцинираше, а тоа го документираше со видео снимка која ја објави на Инстаграм. -Ова е светло на крајот од тунелот (по една година самонаметнат карантин), напиша Хопкинс. Обожавателите му испратија пораки со поддршка, а со оглед на тоа дека тој наполни 83 година спаѓа во ризичната група.

View this post on Instagram

A post shared by Anthony Hopkins (@anthonyhopkins)

Ентони Хопкинс одбележува 45 години трезвеност

Магдалена Андонова — Wed, 30 Dec 2020 12:40:26 +0000

Сер Ентони Хопкинс е глумец чии улоги сме ги гледале во еден здив, со воодушевување, но и страв, вџашеност, а многупати и со солзи во очите… Сепак, не само како актер, туку и како човек, тој, како што вели, многу добро знае што значи да се бориш со своите демони во животот. Така, Ентони признава дека многу години од својот живот минал во друштво на неговиот страшен „пријател“ – алкохолот. Но, на вчерашен ден, пред 45 години, Хопкинс решил да се оттргне од оваа негова лична слабост и ги прослави своите 45 години трезвеност. Тој го сподели овој важен податок преку својот Инстаграм, објавувајќи видео во кое вели: „Добро утро! Нова година доаѓа! Оваа година беше тешка и полна со тага за многу луѓе. Но, на денешен ден пред 45 години, јас чекорев кон вистинска катастрофа, опивајќи се до смрт. И, нешто ми светна, нешто во главата ми рече – ‘Или ќе живееш или ќе умреш!?’ Јас одлучив да живеам, а потоа дојде мирот и мојот живот стана неверојатен… Денеска е она ‘утре’ за коешто бев толку загрижен вчера! Затоа, сите вие млади не се откажувајте, борете се и големи сили ќе ви дојдат напомош! Среќна Нова година! Таа ќе биде најдобра!“ Се верува дека, всушност, алкохолизмот ги уништил неговите први два брака – со Петронела Баркер и Џенифер Линтон. Сега е во брак со Стела Аројав. Големиот и трезен Ентони Хопкинс утре полни 83 години, а следните два филма каде што тој ќе глуми, се драмата „Елиса“ и трилерот „Виртуоз“. (МИА)

ФОТО: Ентони Хопкинс „полуде“ по 170 дена во карантин

Ивона Петрова — Thu, 27 Aug 2020 10:07:46 +0000

Оскаровецот Ентони Хопкинс домашниот карантин не го поднесе лесно. Не е ни чудно по поминати 170 дена. Тој има 82 години и спаѓа во најризичната група кога се работи за коронавирусот, па и натаму е во домашен карантин во Калифорнија. За тоа како му поминуваат денови и како ја поднесува ситуацијата, актерот објави фотографија на Твитер. -170 дена во карантин, а и натаму мислам дека сум разумен, напиша актерот кој на фотографијата е со ококорени очи.

170 days in quarantine and I think I’m still sane ? pic.twitter.com/FEimTodHNN
— Anthony Hopkins (@AnthonyHopkins) August 26, 2020

Неговата шега наиде на воодушевување на неговите обожаватели, а објавата доби над 246.000 лајкови на Твитер

Хопкинс во своја одбрана: Не чувствувам вина, луѓето прават што сакаат

Даниел Василев — Tue, 29 May 2018 20:44:30 +0000

Само неколку дена откако изјави дека не го интересира дали станал дедо или не, познатиот британски актер, сер Ентони Хопкинс појаси зошто не го интересира животот на својата ќерка, со која не комуницира повеќе од 20 години. Признавајќи дека нема никаков однос со черката Ебигејл, која има 48 години, Хопкинс вели дека тоа бил негов избор, туку нејзин. Тој вели дека не и е ладен, како што многумина го оценија по минатата изјава, туку оти не може да губи време размислувајќи за тоа. -Тоа беше нејзин избор. Јас не бев ладен. Го направи тоа најдобро што можев. Ако некој не сака да биде дл од мојот живот, во ред. Прави што сакаш. И посакувам се најдобро, но не сакам да зборувам со мојата ќерка. Тие работи се готови, рече Хопкинс, додавајќи дека не чувствува вина. Вели дека луѓето прават што сакаат. -Не го разбирам тоа и не допира до мене. Не можам да го губам своето време размислувајќи за тоа. Не сум ладен, само мислам дека е така, истакнува Хопкинс. Абигејл е ќерка од неговиот прв брак со актерката Петронел Баркер, од која се разведе кога таа имаше само 14 месеци. Со години не разговараа, но во деведесеттите повторно се зближија, но тоа не траеше. Абигејл живее во Лондон и се занимава со музика и глума, додека Хопкинс живее во Лос Анџелес со третата сопруга Стела.