ентони марсијал – Kurir.mk

Марсијал останува во Манчестер Јунајтед

Бошко Тасиќ — Fri, 22 Jul 2022 17:01:44 +0000

Менаџерот на Манчестер јунајтед, Ерик тен Хаг е задоволен од начинот на кој тренира Ентони Марсијал. Новиот менаџер инсистира тој да остане во клубот. Лани Марсијал беше на позајмица во Севилја, а ова лето два клуба покажаа интерес да го доведат во своите редови.

Тен Хаг му соопштил на фудбалерот, но и на челниците на клубот дека сака тој да остане во Јунајтед следната сезона и сериозно смета на неговите услуги. Актуелниот договор на Марсијал истекува во јуни 2024 година, а дојде од Монако во летото 2015 година.

Севиља го доби Ентони Марсијал

Бошко Тасиќ — Tue, 25 Jan 2022 20:54:57 +0000

Францускиот фудбалер Ентони Марсијал е нов играч на Севилја, откако играчот прифати помала плата со цел да го напушти Јунајтед. Англискиот клуб го испрати Марсијал на позајмица откако двата тима се договорија целата плата на Французинот да ја исплаќа Севиља. Севиља нема право на откуп на договорот на Марсијал кој има актуелен договор со Јунајтед до 2024 година. Севилја на Јунајтед за позајмицата ќе му исплати 5 милиони фунти.

Марсијал со реакција по изјава на Рангник

Бошко Тасиќ — Sun, 16 Jan 2022 09:41:33 +0000

Антони Марсијал го собра гневот на навивачите на Манчестер Јунајтед откако по вчерашниот натпревар со Астон Вила привремениот тренер на клубот, Ралф Рангник истакна дека тој одбил да биде во составот. Јунајтед имаше проблеми во офанзивата, но Марсијал не се најде ни на клупата, за подоцна Германецот да истакне дека тоа била одлука на играчот кој одбил да биде во составот. По ваквата изјава на тренерот на Манчестер Јунајтед со свој коментар преку социјалните мрежи се јави и самиот Марсијал. – Никогаш нема да одбијам да играм за Манчестер Јунајтед. Овде сум седум години и никогаш не сум покажал непочитување и никогаш нема да покажам непочит кон клубот и фановите, -напиша Марсијал на Инстаграм.

Јунајтед нема да го продаде Марсијал за време на летниот преоден рок

Ивона Петрова — Tue, 10 Aug 2021 12:49:05 +0000

Манчестер јунајтед нема да го продаде напаѓачот Ентони Марсијал ова лето, објави „Би-би-си Спорт“. Според британскиот медиум, тренерот на Манчестер јунајтед, Оле Гунар Солскјер, смета на 25-годишниот напаѓач во новата сезона. Претходно беше објавено дека Французинот е во сферата на интересите на Интер. Италијанскиот клуб можеше да го купи за 50 милиони фунти. Минатата сезона Марсијал одигра 36 натпревари на кои постигна седум гола и забележа девет асистенции.

Солскјер: Марсијал ќе продолжи да напредува

Ивона Петрова — Wed, 21 Aug 2019 08:36:55 +0000

Тренерот на Манчестер Јунајтед, Оле Гунар Солскјер е уверен во напредокот на напаѓачот Ентони Марсијал. Оваа сезона Французинот постигна два гола на два натпревари. -Марсијал е човек кој сака да учи, да напредува и да постигнува повеќе голови. Тој има два гола во првите две кола, но тој ќе продолжи да напредува, рече Солскјер. Шанса за трет погодок во новата сезона Марсијал ќе има в сабота кога Манчестер јунајтед ќе го пречека Кристал палас во рамките на 3. коло од Премиер лигата.

Марсијал и Лингард поради повреда ќе паузираа дваесетина дена`

Дарко Андоновски — Fri, 15 Feb 2019 16:29:22 +0000

Фудбалерите на Манчестер јунајтед, Џеси Лингард и Ентони Марсијал следните 2-3 недели поради повреди ќе бидат надвор од теренот. Двајцата повредиле ги добиле на првиот дуел од осминафиналната пресметка од Лигата на шампионите со Пари Сен-Жермен. -Мислам дека ќе пропуштат две или три недели, изјави тренерот на Манчестер Јунајтед, Оле Гунар Солскјер. Според тоа, Лингард и Марсијал нема да учествуваат во натпреварот од осминафиналето на ФА купот против Челзи (18 февруари) и во натпреварот од 27. коло на Премиер лигата против Ливерпул (24 февруари). Оваа сезона, Марсијал настапи на 28 натпревари за Манчестер јунајтед, постигна 11 гола и оствари две асистенции. Лингард играше на 27 средби, постигна пет гола и забележа две додавања.

Марсијал најдобар во Премиер лигата според потрошеното време за постигнување гол

Ивона Петрова — Tue, 25 Dec 2018 07:53:07 +0000

Фудбалерот на Манчестер јунајтед, Ентони Марсијал, во споредба со другите играчи од Премиер лигата троши најмалку минути на натпреварите за да постигне гол. Французинот успева да реализира на секои 105 минути. Второто место според овој индикатор е резервирано за напаѓачот на Арсенал, Пјер-Емерик Обамејанг, кој поминува 116 минути на теренот за да постигне гол. Фудбалерот на Манчестер сити е трет со просечни 134 минути. Во ТОП 5 во оваа статистичка категорија уште се: Мохамед Салах од Ливерпул (135 минути) и Хари Кејн од Тотенхем (161 минута).

Порака за Јувентус: Марсијал сака да го напушти Јунајтед

Даниел Василев — Thu, 14 Jun 2018 11:07:40 +0000

Напаѓачот на Манчестер Јунајтед, Ентони Марсијал изрази намера да го напушти клубот ова лето. Тоа го потврди неговиот агент Филип Ламболи, истакнувајќи дека дојде време тој да продолжи понатаму, иако Јунајтед сака да го продолжи договоро. -Не успеавме да се договориме веќе неколку месеци. Откако ги согледавме сите фактори и можности, Антони сака да го напушти Јунајтед. Ако Јунајтед, најмоќниот клуб на светот, со месеци не сака да пронајде договор, тогаш тие не сакаат да го задржат овој важен играч за тимот, изјави Ламболи. Марсија минатата сезона постигна 11 гола на 45 настапи, но со доаѓањето на Алексис Санчез во јануари, падна во втор план кај Жозе Мурињо. Французинот во Јунајтед дојде во 2015. од Монако за 40 милиони евра со можност за раст на трансферот на 65 милиони. Со Јунајтед освои Лига куп, ФА куп и Лига Европа, а како потенцијална нова дестинација за Марсијал најчесто се споменува италијанскиот гигант Јувентус.

Марсијал меѓу Јувентус и Баерн

Дарко Андоновски — Tue, 17 Apr 2018 10:57:29 +0000

Францускиот фудбалер Ентони Марсијал може да го напушти Манчестер Јунајтед на крајот на сезоната, една година пред истекувањето на договорот. За неговите услуги заинтересирани се европските гиганти Јувентус и Минхен Баерн, објави италијанскиот весник „Газета дело спорт“. Како што е наведено, младиот напаѓач кој дојде во Јунајтед од Монако летото во 2015 година за 49 милиони евра, е еден од играчите кои планираат да ги напуштат „црвените ѓаволи“. Престижниот италијански весник пишува дека Јувентус во францускиот репрезентативец гледа замена за Марио Манџукиќ, додека во Баерн го сметаат за наследник на Франк Рибери и Арјан Робен кои се на залезот нас кариерата.