Ентони Тејлор – Kurir.mk

Погледнете како беше нападнат судијата Тејлор од навивачите на Рома, неговата ќерка во солзи (ВИДЕО)

Ристе Здравков — Fri, 02 Jun 2023 17:59:44 +0000

Ден по финалниот натпревар, на аеродромот „Франц Лист“ во Будимпешта се случи незаборавен скандал. Голем дел од навивачите на римскиот гигант го обвинија англискиот судија Ентони Тејлор за поразот во големото финале, не досуди пенал за избраниците на Жозе Мурињо во финишот на мечот кога по центаршутот на Немања Матиќ топката удри во раката на Фернандо.

pic.twitter.com/DiVNowHcvG
— Out Of Context Football (@nocontextfooty) June 1, 2023

Имено, навивачите на Рома го нападнале Тејлор кој бил во друштво со сопругата и ќерката. Се обиделе физички да се пресметаат со него, а кога не успеале почнале да фрлаат по него со столчиња, шишиња и се што ќе најдат. Ќерката на Тејлор заврши во солзи, навистина непријатна сцена.

УЕФА го одбра главниот судија кој ќе го суди големото финале во ЛШ

Бошко Тасиќ — Tue, 23 May 2023 04:39:38 +0000

Шимон Марчинјак ќе ја има честа да биде главен судија на големото финале од Лигата на Шампионите што на 10 јуни ќе се игра во Истанбул, каде силите ќе ги одмерат екипите на Манчестер Сити и Интер. Полскиот арбитар важи за еден од најдобрите во Европа во последните години, во декември тој беше главен судија на големото мундијалско финале меѓу Аргентина и Франција, за сега да добие шанса да го води и натпреварот за европската круна меѓу Сити и Интер. Тој е меѓународен судија уште од 2011 година, во 2018 беше четврти судија на големото финале на ЛШ, а ова ќе му биде прв финален меч како главен судија во елитното европско фудбалско натпреварување. Марчињак сезонава делеше правда на осум натпревари од Лигата на Шампионите, меѓу нив и реваншот од полуфиналето меѓу Манчестер Сити и Реал Мадрид што „граѓаните“ го добија со убедливи 4-0. Ентони Тејлор од Англија е избран за главен судија на финалето од Лигата на Европа меѓу Рома и Севилја (31 мај, Будимпешта), додека Шпанецот Карлос дел Черо Гранце ќе биде задолжен за делење на правдата во финалето од Конференциската Лига на УЕФА меѓу Фиорентина и Вест Хем (7 јуни во Прага).

Ентони Тејлор ќеја дели правдата во финалето помеѓу Реал и Ал Ахли

Бошко Тасиќ — Sat, 11 Feb 2023 06:48:40 +0000

Светската фудбалска федерација (ФИФА) го одреди судијата за финалето на Светското клупско првентво меѓу Реал Мадрид и Ал Хилал. Довербата му е доделена на англискиот арбитар Ентони Тејлор, кој в сабота од 20:00 часот ќе означи старт на почетокот на битката за финалето. Досега на овој турнир Тејлор делеше правда на мечот меѓу Ал Ахли и Сиетл Саундерс, а сега доби чест да го суди и финалето. Реал Мадрид брка рекордна петта титула, додека Ал Хилал дебитира во големото финале. Средбата меѓу овие две екипи ќе се игра на стадионот „Мулеј Абдалах“ во Рабат.

Во Порто ќе суди арбитар кој е „таличен“ за Македонија

Ристе Здравков — Sun, 27 Mar 2022 10:25:27 +0000

Англискиот арбитар Ентони Тејлор ќе биде главен судија на финалниот бараж меч меѓу Португалија и Македонија во вторник на „Драгао“. На Ентони Тејлор од Англија, ќе му помагаат неговите сонародници Гери Бесвик и Адам Нан. Тејлор е „среќен“ за нашата репрезентација бидејќи судеше во баражот за Европско првенство кога Македонија во Тбилиси ја победи Грузија. Избраниците на селекторот Благоја Милевски ќе се обидат да направат уште едно големо изненадување, откако во полуфиналето ја елиминираа Италија.