ентони – Kurir.mk

Позната судбината на Ентони во Јунајтед по обвинувањата за насилство

Ивона Петрова — Sun, 10 Sep 2023 12:19:41 +0000

Манчестер Јунајтед се огласи за иднината на Ентони во клубот откако девојка го обвини фудбалерот за насилство. Од клубот информираат дека ги признава обвинувањата на сметка на Ентони. -Фудбалерите кои не учествуваaт на меѓународни натпревари треба да се вратат на тренинзите во понеделник. Сепак, со Ентони е договорено тој да го одложи враќањето до понатамошно известување за да се реши ситуацијата со обвинувањата. Како клуб ги осудуваме актите на насилство и злоупотреба. Ја препознаваме важноста од заштита на сите оние кои се вклучени во оваа ситуација и го признаваме влијанието на овие наводи врз преживеаните од злоупотреба, се вели во соопштението на клубот од „Олд Трафорд“.

Уште две жени го обвинија Ентони за насилство

Ивона Петрова — Fri, 08 Sep 2023 13:11:58 +0000

Откако поранешната девојка го обвини за физички напад, уште две жени јавно проговорија и посочија дека биле жртви на насилство од бразилскиот репрезентативец и фудбалер на Манчестер јунајтед, Ентони. Бразилскиот фудбалер минатата недела беше отстранет од репрезентацијата, откако поранешната девојка Габриеле Кавалин обелодени во јавноста дека била физички злоставувана од него. Ентони во својата реакција ги отфрли сите обвинувања и наведе дека не може да изнесе повеќе детали поради полициската истрага, која е во тек. Во меѓувреме, уште две девојки обзнанија дека биле физички малтретирани од бразилскиот фудбалер. Новите обвинувања на негова адреса ги изнесоа студентката Рајса де Фреитас и 33-годишната Ингрид Лане. Фреитас тврди дека била нападната од Ентони пред ноќен клуб во Сао Паоло по што морала да побара лекарска помош, додека Лане во телевизиско гостување рече дека била нападната откако одбила сексуален однос со фудбалерот на Манчестер јунајтед.

Манчестер јунајтед нуди 60 милиони евра за Ентони, Ајакс бара 20 повеќе

Дарко Андоновски — Thu, 07 Jul 2022 10:08:47 +0000

Манчестер јунајтед испрати понуда за крилото на Ајакс, Ентони. Според „Goal.com“, англискиот клуб понудил 60 милиони евра за 22-годишниот фудбалер, но Ајакс бара 80 милиони евра. Агентите на Бразилецот вршат притисок врз Ајакс бидејќи сакаат клубот да ја прифати понудата од Манчестер јунајтед. И самиот фудбалер сака да се пресели на „Олд Трафорд“, но е свесен дека преговорите меѓу клубовите ќе бидат тешки. Холандскиот клуб се надева дека ќе успее да го задржи Ентони уште една сезона. Новиот менаџер на Ајакс, Алфред Шројдер се надева дека тој ќе остане во клубот. Минатата сезона Ентони имаше 33 настапи за Ајакс во сите натпреварувања, постигнувајќи 12 гола и 10 асистенции.