Енвер Малиќи – Kurir.mk

Џафери: Делата се тие што се помнат, позитивната енергија е таа што ти дава волја а Енвер го поседуваше и рефлектираше сето тоа

Магдалена Андонова — Tue, 01 Dec 2020 11:12:59 +0000

Претседателот на Собранието, Талат Џафери изразува искрено жалење и сочувство за прераната загуба на почитуваниот Eнвер Малиќи, татко, сопруг, колега, советник, заменик градоначалник на Скопје, стопанственик и конзул. -Дозволете во мое лично име и од име на пратениците во Собранието на Република Македонија да изразам длабоко сочувство за заминувањето од овој свет на мојот драг пријател Енвер Малиќи, заменик-градоначалник на Град Скопје, почитуван деловен човек, почесен конзул на Мексико, хуманист и подржувач на луѓето во потреба. Животот е дар завиткан со бројни слоеви на декоративна хартија. Секое одвиткување на следниот слој, носи најнеочекувани изненадувања. Понекогаш се радосни, охрабрувачки, мотивираат и поттикнуваат да се оди напред, меѓутоа, понекогаш се толку тажни, трогателни и толку непредвидливи што те оставаат без збор и без сила да чекориш понатака. Но, луѓе како почитуваниот Енвер Малиќи се луѓе кои те учат како треба да го сакаш, цениш и споделиш секој скапоцен миг со блиските, соработниците, со пријателите, познаниците и странците, едноставно, само со подавање на раката на поддршка. Делата се тие што се помнат, позитивната енергија е таа што ти дава волја а Енвер го поседуваше и рефлектираше сето тоа. Загубата е голема за семејството, за пријателите, соработниците и сите оние што ги допре во животот добротворното дело на истакнатиот хуманист. Почивај во мир ценет пријателе на човештвото, стои во телеграмата со сочувство.

Советници на ВМРО-ДПМНЕ во Град Скопје: Заминувањето на Малиќи е болна загуби за граѓаните на Скопје

Ивона Петрова — Tue, 01 Dec 2020 10:47:04 +0000

Советничката група на ВМРО-ДПМНЕ изразува искрено жалење и сочувство за прераната загуба на почитуваниот Eнвер Малиќи, татко, сопруг, колега, советник, заменик градоначалник на Скопје, стопанственик и конзул. -Во овие тешки моменти на голема болка и тага, се надеваме дека ќе најдете сила за утеха во значајноста на споменот и делото што зад себе го остави Енвер Малиќи. Советничката група на ВМРО-ДПМНЕ и Коалицијата во градот Скопје изразува искрено и длабоко сочувство до Вас, до неговото најблиско семејство, до колегите, до пријателите, соработниците во Градот Скопје, до сопартијците и граѓаните на Скопје. Заминувањето од овој свет на заменик градоначалникот Енвер Малиќи е тажна и болна загуба за граѓаните на градот Скопје, за сите што некогаш споделиле само миг или споделиле цел живот со него. Почивај во мир почитуван, се вели во телеграмата со сочувство.

Град Скопје: Загубивме голем пријател и драг колега

Ивона Петрова — Tue, 01 Dec 2020 09:31:40 +0000

Со длабока тага ја информираме јавноста дека денеска почина Енвер Малиќи, заменик градоначалник и член на Советот на Град Скопје. Денеска загубивме голем пријател, драг колега и човек кој својот лик и дело на повеќе нивоа нераскинливо ги врзува за Скопје. Нека му е вечна слава, соопштуваат од Град Скопје. Малиќи почина утринава по компликации од коронавирус.

Заменик-градоначалникот на Скопје, Енвер Малиќи почина од коронавирус

Ивона Петрова — Tue, 01 Dec 2020 08:56:39 +0000

Од компликции на ковид-19 почина заменик-градоначалникот на Скопје Енвер Малиќи, потврдија од Град Скопје за САКАМДАКАЖАМ.МК. Малиќи беше сопственик на фирмата „Гемак трејд“ и советник во Советот на Град Скопје од редовите на ДУИ, а градоначалникот Петре Шилегов по доаѓањето на фунцијата го именуваше за заменик-градоначалник на Скопје. Тој во ноември 2018 беше назначен од Владата за почесен конзул на Мексико во земјава.