ЕП 2023 – Kurir.mk

Италија е последниот полуфиналист на Европското одбојкарско првенство

Бошко Тасиќ — Wed, 13 Sep 2023 04:18:41 +0000

Пред своите навивачи во Бари најдобрите италијански одбојкари со резултат 3:2 во сетови ја елиминираа селекцијата на Холандија. Холанѓаните кои беа едни од нашите ривали во групната фаза одиграна во Скопје, го освоија првиот сет со 25:19. Возвратија Италијанците доминирајќи во следните два сета (25:17, 25:16), а во четвртиот за егал се погрижија „лалињата“ откако беа подобри со 25:23. Последниот патник во следната фаза беше решен во последниот петти сет кој го доби Италија со 15:12. За Италија најефикасен беше Алесандро Микелето со 22 поени, следен од Даниеле Лавиа со 16. Кај Холандија најрасположен беше Нимир Абдел-Азиз со 31 поен. Полуфиналните дуели, натпреварот за третото место и финалето ќе се организираат во Рим, Италија. Потсетување дека Италија ја брани европската титула од минатиот континентален собир пред две години.

Франција и Словенија први полуфиналисти на ЕП во одбојка

Бошко Тасиќ — Tue, 12 Sep 2023 04:23:09 +0000

Словенија успеа да се пласира во полуфиналето на Европското првенство во одбојка, совладувајќи ја во тесни четири сета Украина со 3:1 (25:17, 31:29, 21:25, 25:23), за да обезбедат пресметка со подобриот од мечот Полска-Србија во борба за финале. Клемен Цебуљ со 17 поени, Рок Можич со 16 и Тине Урнаут со 13 ги предводеа Слвенците до победа, додека кај Украинците, Василиј Тупчиј имаше 30 поени. Во полуфиналето е и Франција по убедливата победа со 3:0 (25:22, 25:14, 27:25) над Романија, и сега го чекаат подобриот од мечот Италија-Холандија во второто полуфинале.

Франција и Романија први четвртфиналисти на ЕП во одбојка

Бошко Тасиќ — Sat, 09 Sep 2023 05:32:58 +0000

Хрватската машка одбојкарска репрезентација не успеа да се пласира во четвртфиналето на Европското првенство. Во осминафиналето во Варна, Романија беше поуспешна со 3-2 во сетови (25-17, 25-20, 17-25, 26-28, 15-12). Одбојкарите на бугарската репрезентација го завршија учеството на Европското првенство на кое беа домаќини, откако беа елиминирани во осминафиналето. Олимпискиот шампион од Токио во 2020 година, селекцијата на Франција, беше поуспешna со максимален резултат од 3-0 по сетови (25-21, 25-21, 2515).

Турција е европски шампион во женска одбојка

Бошко Тасиќ — Mon, 04 Sep 2023 04:26:48 +0000

Женскатао дбојкарска репрезентација на Турција славеше против Србија со 3-2 во сетови, односно 25-27, 25-21, 22-25, 25-22 и 15-13 во финалето на Европското првенство (ЕП) за одбојкарки во Брисел. Првиот сет беше неизвесен од почетокот до крајот, а Србија во финишот влезе со водство од 18-15, меѓутоа Турција се врати и набрзо се избори за сет-топка (24-23). Сепак, нашиот северен сосед се спаси и потоа со пресврт преку Тијана Бошковиќ го освои сетот. Во вториот водеше Турција до крајот и го доби со 25-21, по што следеше повторно добра игра од Србинките кои го добија наредниот со 25-22. Турчинките не се откажуваа и во следниот беа подобри со идентичен резултат (25-22), а последниот сет донесе големи возбудувања и драма по која Турција беше подобра со 15-13.

Најдобра во победничката репрезентација беше Мелиса Варгас со 41 поен, додека на спротивната страна Бошковиќ постигна 37 поени.

Белгија испиша историја и за првпат стана европски шампионки во кошарка во женска конкуренција

Бошко Тасиќ — Mon, 26 Jun 2023 04:05:54 +0000

Женската кошаркарска репрезентација на Белгија за првпат успеа да стане европски првак во својата историја. Во финалниот меч Белгија направи голем пресврт на финалето кое се одигра во Љубљана и во кое за противнички ги имаа Шпанките, а пресудна за тоа беше последната четвртина. Шпанките го диктираа темпото во најдобар дел од мечот и пред самиот крај на третиот период имаа плус десет, 48:38, но двоцифрената предност беше анулирана поради бруталната последна четвртина. Белгијките го добија последниот период со 21: 10 и се изборија за конечни 64:58, резултат со кој за првпат во историјата донесоа златно одличје за својата земја во кошарката. Месеман со 24 поени беше најдобра во победничкиот тим, следена од Линскенс со 18, додека во Шпанија најефикасна беше Касас со 14 поени.