еп хрватска – Kurir.mk

Шпанија на врвот на ракометна Европа

Катерина Бојаџиева — Sun, 28 Jan 2018 21:17:39 +0000

Шпанија е новиот европски шампион во ракомет, откако во вечерашното финале „црвената фурија“ го надигра составот на Шведска со убедливи 29-23. Извонредната одбрана во второто полувреме на чело со голманот Арпад Штербик беше клучен фактор во ова финале, шведските ракометари не успеаја да се адаптираат на шпанската зона „пет – еден“, па по очајните 30 минути игра заслужено претрпеа убедлив пораз. За Шпанија ова е прво европско злато и комплетирање на колекцијата на трофеи на оваа ракометна селекција, која претрпе порази во претходните четири финалиња на ЕП, последниот пред две години во Краков од Германија.

Франција освои бронзен медал на ЕП во Хрватска

Катерина Бојаџиева — Sun, 28 Jan 2018 18:55:31 +0000

Франција го освои утешниот бронзен медал на Европското првенство во Хрватска, откако успеа да го издржи силниот финиш на Данците за 32:29 победа над Данска. Французите рано стигнаа до предност од два гола, меѓутоа при крајот на полувремето Данците повторно се вратија израмнети. Откако резултатот беше 11:11, Карабатиќ постигнува два гола за да ја врати предноста на +2 (13:11) за на полувреме да се отиде со 17:14 предност на „триколорите“.

Македонија денес го чека противникот за баражот за СП 2019- еве кои ни се потенцијални ривали

Катерина Бојаџиева — Sat, 27 Jan 2018 08:12:33 +0000

„Црвено-жолтите“ го освоија 11 место на Европското првенство во Хрватска, а веќе фокусот е насочен на тоа да се продолжи континуитетот на големите натпреварувања. Денеска во 16 часот во Загреб, Македонија ќе го добие својот противник во бараж дуелот за пласман на Светското првенство, кое следната година ќе се игра во Данска и Германија. Македонските ракометари се во улога на фаворити и ќе бидат во барабанот каде што ќе бидат селекциите што се носители на ждрепката. Покрај нашата селекција тука ќе бидат и Шведска или Шпанија, бидејќи една ќе биде директен учесник, потоа Хрватска, Чешка, Словенија, Белорусија, Норвешка, Србија и Исланд. Тоа се ривалите кои не може да ни бидат противници. Потенцијални ривали ни се Црна Гора, Австрија, Литванија, Унгарија, Португалија, Холандија, Романија, Русија, Швајцарија и Босна и Херцеговина. Директен пласман на завршницата на Мундијалот кој следната година ќе се игра од 9 до 27 јануари, имаат обезбедено домаќините Данска и Германија, како и актуелниот светски првак Франција. Место на завршницата ќе има и тимот кој ќе го освои европското злато во Хрватска.

Штербик одбрани за финале- Шпанија пресилна за светскиот шампион Франција

Катерина Бојаџиева — Fri, 26 Jan 2018 19:49:04 +0000

Изненадување во полуфиналето на Европското првенство, Шпанија со 27:23 го победи светскиот шампион Франција и утре во големото финале ќе се бори за златниот медал. Шпанците го одиграа најдобриот натпревар на шампионатот кога најмногу требаше, а тоа го направија токму кога добија засилување во Арпад Штербик. Голманот на Вардар остави белег во првото полувреме, во период од 10 минути во кој Франција не постигна гол, а Шпанците почнаа да ја кројат победничката предност. Франција играше фантастичен ракомет во двете групни фази од Европското првенство, многумина веруваат дека лесно ќе се прошетаат до златото, но на патот до него им застана Шпанија. Во 18 минута беше 8-8, а до крајот на првиот дел Французите постигнаа само еден гол. Штербик не бранеше, но на двапати влезе и одбрани седмерец, дозволувајќи предноста да расте. „Фуријата“ и без тоа играше одлична одбрана и на одмор замина со 15-9. Французите тешко се снаоѓаа и пред сопствениот гол, без некоја поддршка од Жерар и Димулан на голот, па водството порасна и до огромни девет разлика на 15-тина минути до крајот. Неминовно беше дека ракометната суперсила кога-тогаш ќе замавне и ќе се обиде да се врати, сепак притисокот во финишот на мечот не беше доволен. Шпанците изненадија со одличната одбрана, Францизите изгледаа немоќни во нападот, црн период им беше од 17 минута до 27, кога цели десет минути не можеа да постигнат гол. Во тој период Арпад Штербик одбрани два пенали. Со серија од 6-0 дојдоа на 20-23 во 51. минута, ама Шпанците имаа психолошка сила да го задржат водството. Соле постигна седум гола, Ентрериос еден помалку, Коралес заврши со 10 интервенции, а Штербик одбрани три од четири пенали. Кај Франција, Сорендо имаше шест од шест, а Димулан запиша седум одбрани само во вториот дел. Во вториот дел Шпанците дојдоа и до неверојатни девет голови разлика, Франција се обиде да се врати во мечот и покрај големата негатива но се што направи беше да го ублажи поразот. Соле со седум голови беше најдобриот стрелец кај Шпанија, Ентрериот постигна шест. Родриго Коралес имаше десет одбрани, Штербик фати три пенали. Во составот на Франција Сорендо имаше шест од шест, Никола Карабатиќ реализираше само три пати.

ВИДЕО: Пијан Чех се спречка со македонската Фаланга, па еве како заврши

Курир — Fri, 26 Jan 2018 13:28:15 +0000

Македонските навивачи на Европското првенство во ракомет, кое е во самата завршница ги собраа симпатиите на домаќинот, но очигледно на еден Чех во Вараждин нешто му засметало од навивањето на Фалангата. На интернет излезе видео, како пијан навивач на Чешка за време на трилер-мечот во групата 2 во главната фаза во Вараждин има ситен контакт на трибината со дел од македонските навивачи, но инцидентот заврши со брза реакција на редарската служба која го отстрани Чехот од трибините. sport1.mk

Штербик се огласи зошто дошол во Загреб

Курир — Thu, 25 Jan 2018 23:08:09 +0000

Вардаровиот голман, Шпанецот, Арпад Штербик како што е познато е повикан од селекторот Жорди Рибера, откако итно беше побарано да биде златен ас за „Фурцијата“. Утре Шпанија ќе го одигра полуфиналниот меч против Франција, а Штербик е замената за повредениот Гонзало Перез де Варгас, кој ннеочекувано ги заврши своите настапи на шампионатото по повредата на мечот против Германија. „Дојдов овде во Загреб да им помогнам на колегите од репрезентацијата, но ќе видиме што ќе се случи, иако тренирав, немам одиграно натпревар од 14. декември. Сепак, дојдов за да освоиме медал и сигурен сум дека можеме да успееме во тоа. Мора набрзина психолошки да се подготвам, да се адаптирам на првенството и да зборувам само за ракомет. За нешто повеќе од 24 часа е тешко да влезеш во ритам пред ваков натпревар“,истакна Штербик.

ГЛАСАЈТЕ: Двајца Македонци во изборот за идеалниот тим на првенството во Хрватска

Катерина Бојаџиева — Thu, 25 Jan 2018 19:21:23 +0000

Филип Талески и Стојанче Стоилов се најдоа во изборот за идеалниот тим на првенството во Хрватска. Македонската селекција како 11-та го заврши ова патување, но двајца наши играчи можат да се најдат во идеалниот тим на првенството, доколку ги поддржиме и гласаме за нив. Стоилов е во игра за најдобар кружен напаѓач на шампионатот, а конкуренција му се Мирхол (Норвешка), Фигуерас (Шпанија), Благотиншек од Словенија и Нилсен од Шведска. Талески пак, е во трката за број еден лев бек со Хансен, Кулеш од Белорусија, Jепсон од Шведска и Мачковшек од Словенија. Гласајте за нашите Стоилов и Талески на овој линк.

ЖДРЕПКАТА Е УТРЕ: Со кого може Македонија да игра во баражот за СП?

Курир — Thu, 25 Jan 2018 13:14:47 +0000

Македонската ракометна репрезентација ќе биде меѓу носителите на ждрепката за Светското првенство во 2019-та и веќе ги дозна имињата на потенцијалните противници. Носители се практично првопласираните 9 селекции од Европското првенство во Хрватска, а Македонија влегува во тој шешир како освојувач на 11-то место. Тоа се должи на тоа што Германија и Данска како домаќини на Мундијалот и Франција како актуелен светски првак (значи сите три автоматски пласирани) ослободуваат три места. Македонија се наоѓа во првиот шешир на носители заедно со Белорусија, Хрватска, Чешка, Исланд, Норвешка, Словенија, Србија и Шведска или Шпанија. Противник во баражот ќе им биде една од селекциите на: Австрија, БиХ, Унгарија, Литванија, Црна Гора, Холандија, Португалија, Романија и Русија. Покрај Данска, Германија и Франција засега сигурни учесници на Мундијалот се и Бахреин, Катар, Јужна Кореја и Саудиска Арабија. Во тоа друштво ќе влезе и новиот европски шампион. Ако тоа биде Франција или Данска, ќе му отвори место на следнопласираниот. Преку бараж дуелите кои ќе се играат меѓу 8-ми и 14-ти јуни по принципот дома - гости од Европа ќе се пласираат уште 8 селекции. Ждрепката за баражот е закажана во сабота со почеток од 16:00 часот, а Светското првенство во Данска и Германија ќе се игра 9 до 27 јануари наредната година.

Шпанија со изненадувачка одлука: Штербик итно повикан во Хрватска!

Курир — Thu, 25 Jan 2018 13:07:38 +0000

Голманот на Вардар е принуден да го напушти Скопје и итно да отпатува за Загреб откако селекторот на Шпанија, Жорди Рибера побара нов голман поради повредата на Перез де Варгас

Перез де Варгас ги повреди лигаментите на десното колено, денеска ќе се знае повеќе по МРИ снимката, но Шпанија не сака ништо да ризикува па на помош го повика „Арпад Велики“. Како што пренесуваат од таборот на „Црвената фурија“, голманот на Вардар итно отпатувал за Загреб и попладнево треба да пристигне во престолнината на Хрватска. 38 годишниот Штербик сега би можел да застане на голот за полуфиналето со Франција. Жорди Рибера може да направи две измени за завршницата на Европското првенство и до утре треба да одлучи дали ќе го стори тоа.

Вујовиќ со докази испрати обвинување до ЕХФ: Правилото кое важеше за Германците, сега не важи за нас

Ивона Петрова — Thu, 25 Jan 2018 11:18:11 +0000

Веселин Вујовиќ обвини за двојни аршини и неправилно применување на правилата кои ги налага ЕХФ, бидејќи како што вели тој, според сите пропорции во новото правило, неговиот тим требал да добие пенал во последната секунда на дуелот со Чешка и да има шанса за победа. Словенија и Чешка во исклучително драматичен дуел ги поделија бодовите и одиграа 26:26, со тоа што Чесите во последниот напад ја погодија гредата, а Словенците не успеаја да го довршат истиот поради истек на времето. Токму овој последен напад на Словенците е она што го налути популарниот Вујо, бидејќи тој смета дека имало прекршок над неговиот играч пред да ја уфрли топката во контра-напад, нешто што во последните секунди се казнува со пенал според новиот правилник, пишува Дерби. – Според критериумите кои ни беа објаснети од страна на луѓето на ЕХФ, прекршок во последните секунди се казнува со удар од седум метри. Во нашиот последен напад, судиите одлучи да не ни досудат пенал во наша корист, нешто што беше нивна морална одговорност и требаше да го направат. Најдобра работа е што ова Европско првенство заврши за нас. За некој важеа правилата, за некој не. Цело Европскот првенство, критериумот на судиите одеше против нас. Еве и овојпат не оштетија за пенал како што доби Германија во дуелот со нас, вели Вујовиќ, пренесува Дерби.мк