еп ракомет 2018 – Kurir.mk

Карабатиќ го пропушта ЕП во Хрватска?

Ивона Петрова — Mon, 08 Jan 2018 18:11:51 +0000

Еден од столбовите во одбраната на француската ракометна репрезентација, Лука Карабатиќ, најверојатно нема да игра на претстојното европско првенство кое за неколку дена ќе започне во Хрватска. Помладиот брат Карабатиќ доживеа повреда за време на натпреварот во Златната лига против Египет кога во 41 минута во истегна лигаментот на десната нога. -Му пруживме прва помош на лице место, но ќе мора да се направат дополнителни испитувања за да се утврди дали Лука ќе се опорави навреме, вели докторот на репрезентацијата Пјер Себастиен. Не сакајќи да ризикува, селекторот Дидие Динар веќе повика замена за пивотменот на ПСЖ. Станува збор за играчот на Монпелје, Бенјамин Афгур.

Лазаров: Подобри сме од 2009 година, едвај чекаме ова ЕП да почне – имаме одличен микс на играчи и топ селектор

Ивона Петрова — Sun, 07 Jan 2018 16:25:12 +0000

Капитенот на македонската рекометна репрезентација, Кирил Лазаров е светска ракометна ѕвезда и од него веројатно нема подобар соговорник во нашата репрезентација пред настапот на Европското првенство во Хрватска. Во интервју за ЕХФ, капитенот вели дека Македонија има одличен микс на млади и искусни ракометари и топ селектор во Раул Гонзалес. – Едвај чекам да почне првенството. Има микс од ракометари на различна возраст и супер селектор. Очекувам како и секогаш и огромна поддршка од нашите навивачи. Секако Германците се фаворити во групата, но и трите балкански селекции си имаат свои сметки, вели Лазаров. Тој е најдобриот стрелец на светските шампионати, а сега на ред е Европскиот ракометен самит во Хрватска. Македонија ќе игра во Ц групата против Словенија, Црна Гора и актуелниот шампион Германија, а три селекции одат понатаму. – Ова е интересна група, со еден фаворит, Германија и три израмнети селекции. Но, Германците ќе немаат голема поддршка од навивачите, за разлика од нас, Словенците и Црногорците што може да биде фактор на изненадување. Очекувам интересни дуели, додава тој.

Словенија остана без еден од најдобрите играчи пред стартот на ЕП

Ивона Петрова — Wed, 03 Jan 2018 07:58:01 +0000

Репрезентацијта на Словенија доживеа пех во пресрет на почетокот на Европското ракометно првенство во Хрватска, откако на еден од последните тренинзи потешка повреда заработи Матеј Габер. Габер има скршена коска на стапалото и со сигурност нема да настапи на еврошампионатот. Пивотот на Пик Сегед е столбот во одбраната на словенечката репрезентација која е во група со Македонија. Токму против Словенците на 13 јануари „црвено-жолтите“ ќе го одиграат првиот натпревар на континенталниот собир.