епицентар – Kurir.mk

Индија станува нов епицентар на коронавирусот во светот

Магдалена Андонова — Mon, 31 Aug 2020 11:25:03 +0000

Индија брзо станува нов епицентар на коронавирусот во светот, поставувајќи рекорд за најголемо дневно зголемување на случаи на новозаразени. Експертите предвидуваат дека наскоро ќе го надмине Бразил, а, во некој момент, и САД, како најголемо жариште на епидемијата на светот. Според најновите податоци, вчера се регистрирани 78.761 нови случаи, што е најголем број новозаразени во земјата за еден ден, а денеска се пријавени 971 смртни случаи, што ја турка азиската земја над Мексико, како земја со трет најголем број на смртни случаи во светот. . На сегашната траекторија, епидемијата во Индија ќе го засени Бразил за околу една недела и САД за околу два месеци, објавува Блумберг. И за разлика од САД и Бразил, растот на случаи во Индија сè уште се забрзува седум месеци по објавувањето на првиот случај на коровавирус на 30 јануари. Патогенот едвај навлезе во огромните рурални области, каде живее најголемиот дел од 1,3 милијарди жители, по скокот на случаи во пренаселените метрополи. – Индија е втора по големина земја во светот и една од оние со релативно слаб јавен здравствен систем. Затоа, неизбежно е жариштето во Индија да стане најголемо во светот, рече Наман Шах, член на Националниот институт за епидемиологија во земјата. – Тоа нема да биде изненадувачки, без оглед што ќе направи Индија, рече Шах, член на тимот на индиската влада за борба против Ковид-19. (МИА)

Детали за силниот земјотрес почувствуван во Македонија, епицентарот во БиХ

Ивона Петрова — Tue, 26 Nov 2019 09:33:42 +0000

Силен земјотрес предмалку беше повторно почувствуван во Македонија. Според податоците од Европскиот медитерански сеизмолошки центар (ЕМСЦ) епицентарот на земјотресот е во Босна и Херцеговина на 74 километри од Сараево. Истиот е со јачина од 5,4 степени според Рихтеровата скала, регистриран во 10:19 часот, на длабочина од 2 километри.

Силен земјотрес утринава ја стресе Македонија

Ивона Петрова — Fri, 01 Nov 2019 06:22:48 +0000

Силен земјотрес утринава беше почувствуван во Македонија, особено во југозападниот дел од земјата. Според информациите земјотресот бил со епицентар во Албанија, близу Корча, а е регистриран во 6:25 минути утринава. Истиот бил со јачина од 4.8 степени и на длабочина од 10 километри.