епилепсија – Kurir.mk

Откриени нови детали за болеста на принцезата Шарлин

Ивона Петрова — Sun, 22 May 2022 13:50:24 +0000

Принцезата Шарлин од Монако е наречена најтажната во светот, а сега откриено е дека причина за нејзиното кусо повлекување не биле психички проблеми туку епилепсија. Здравјето на принцезата во последните месеци беше тема на бројни шпекулации, а нејзиниот изглед предизвика загриженост во јавноста. Голем дел од луѓето беа уверени дека исклучително психички проблеми се причината за нејзиното повлекување, а официјално е потврдено дека таа минала четири месеци во психијатриска установа. Меѓутоа извор за странските медиуми потврдил дека и е дијагностицирана епилепсија минатата лето, додека била во посета на Јужноафриканската република каде имала операција на синусите. Се наведува дека дијагнозата била многу стресна за принцезата, па неколку недели подоцна таа се онесвестила и била итно пренесена во болница.

„Таа е мојот херој“: Девојче го спаси животот на својата мајка (ФОТО)

Ивана Ефремовски — Tue, 17 Dec 2019 15:37:58 +0000

Беки (32) се онесвестила на подот во нејзиниот дом во британскиот град Престон, но нејзината ќеркичка Џесика Киндер не се испаничила. Дејли Меил пренесува дека девојчето прво се обидело да ја разбуди мајка си со истурање вода врз лицето, а кога тоа не успеало, таа почнала да и дава вештачко дишење. Девојчето, исто така, повикало брза помош.

Brave schoolgirl, seven, administered CPR to her mother, 32, when she collapsed from a seizure after learning the life-saving technique from YouTube videos via https://t.co/xRogKdK5iE https://t.co/yeEUeTjAF8
— James (@haven1965) December 15, 2019

Мајката кога се разбудила била опкружена со болничари. -Многу сум горда на неа. Не можам да верувам колку постапи херојски. Мора да била во голем стрес кога се случило тоа, но ме спаси. Зачудувачки е што дете од седум години прави вакво нешто. Таа е мојот херој. изјави Беки. Никому не беше јасно како девојчето знаело што да прави, а кога ја прашаа, таа одговори: „Видов на Јутјуб“.

На 50 милиони луѓе низ светот кои се борат со епилепсија Заев им порача да консумираат марихуана за да се нормализираат

Катерина Бојаџиева — Fri, 04 Oct 2019 12:29:12 +0000

Скандалите од оваа власт не запираат. Вчера од собраниска говорница премиерот Зоран Заев ги навреди болните од епилепсија. -Ништо тајно не работи Владата. Манипулација е да се зборува за дрога. Моето семејство има своја инвестиција во Свети Николе. Се вработува народ, а вредноста е поголема од 100 милиони евра. Пазарот на медицински канабис е 500 милиони евра и се очекува да стигне над трилиони заради употреба на медицината. Убаво е кога ќе видите детенце со епилепсија веднаш станува нормално со употреба на канабис. Зборувавме за инвестиции, изјави Заев од говорница. По оваа навреда социјалните мрежи се вжештија со коментари. Еден од коментарите по социјалните мрежи беше- „Некој нека го подучи овој дека епилепсија е состојба, а не болест и дека детенце со епилепсија е нормално и без канабис. Нека поработи он на случајот да имаме квалитетни лекови, достапни во секое време и нормални здравствени услови. Не да го меша неговиот бизнис со епилепсија. За оваа изјава треба да им се извини на сите кои се соочуваат со епилепсија, пишува во еден од коментарите“. Но, изгледа дека премиерот Заев треба малку да седне и да научи каква болест е епилепсија и колку граѓани во Република Македонија боледуваат од неа. Епилепсијата е често хронично невролошко пореметување кое се карактеризира со напади. Тие напади се краткотрајни знаци и/или сипмтоми на абнормална, претерана или хиперсинхрона невронска активност во мозокот. Околу 50 милиони луѓе ширум светот страдаат од епилепсија и скоро секој втор од три нови случаи се откриваат во развиените земји. Како што се навлегува се подлабоко во староста, така епилепсијата станува се почеста болест. Голем дел од новите случаи се јавуваат најчесто кај малите деца и кај постарите. Како последица на операција на мозокот, нападите на епилепсија може да се појават и кај луѓето кои се на интензивна нега. Денес околу 80% од пациентите, нападите на епилепсија се контролирани и тие можат да работат, освен професии што може да бидат опасни по живот доколку добијат напад, на пример: на височина, покрај машина, покрај вода, покрај оган и слично. Граѓаните по оваа навреда очекуваат и јавно извинување од премиерот Зоран Заев, бидејќи ги навреди болните луѓе од епилепсија.

СЕКОЈ МЕСЕЦ ИСТА МАКА: Граѓаните не можат да најдат лек за епилепсија, голема негрижа од државата

Ивана Ефремовски — Thu, 23 May 2019 06:46:08 +0000

Милионски суми евра, пари од граѓаните, се вртат на тендери или со договори во четири очи, а за граѓаните, и тоа болните и најнемоќните, нема ни за лек. Ова е само една приказна од илјадници што секој ден се судруваат со проблемот како да стигнат до лекот без кој не можат: -Во рок од три дена имам поминато 24 аптеки, еден лекар специјалист невролог и еден матичен лекар. Станува збор за процедура што ја поминувам скоро секој месец во потрага по дефицитарниот лек оксалепт за третирање на епилепсија. Лековите од типот на тегретол, окскарбамазепин и трилептал се дефицитарни со месеци. Што тоа значи? Значи дека треба да се претргнеме од барање за да добиеме лек без кој ние како лица со епилепсија не можеме да живееме, се жали на социјалните мрежи граѓанинот Ангел Димитриевски. Тој го опишува одењето по маките на лицата кои имаат проблеми со дефицитарните лекови: -Тукушто се враќам од кај лекарка која ми кажа дека има луѓе што воопшто не можат да ги најдат лековите и веќе имаат дневно епилептични напади поради тоа. Па, јас сега се обвинувам како може да јас немам време да се заангажирам со медиумите за ова, да напишам нешто, да помогнам да се слушне за сето ова. Во суштина навистина немам време. Значи, јас кога секое пакетче на лекови ќе ми дојде при крај, цел град го поминувам секој ден по аптеки барам лекови, се јавувам по други градови каде што би можеле да имаат лекови, па спремен сум да тргнам уште истиот ден во друг град, се јавувам по веледрогерии, по невролози и што ли уште не. Ова е дневна борба на лицата со епилепсија. Во основата на појава на епилептичните напади е стресот, барем од моето искуство. Ова е една толку стресна и грчевита состојба, состојба на непредвливост во којашто не знаете како ќе завршите со потрага по нешто без коешто не можете да живеете, опишува Димитриевски. Живеењето, продолжува тој, во помисла дека имате само 2 или 3 таблети во вашиот дом е една толку стресна состојба што дополнително ги влошува нашите состојби. -Заклучокот е дека Македонија не е држава што треба да биде примена како членка во некои повисоки инстанци како Европската унија каде што основните цивилизациски потреби за преживување се задоволени, а веќе се зборува за понапредни концепти. Ова е држава во која државата го загрозува здравјте на своите граѓани и сметам дека оваа држава треба да биде казнета за тоа и сериозно треба да се преиспитаат сите начини на коишто се оштетуваат граѓаните, револтирано порачува тој. Розовата слика што секојдневно ја слушаме од портпаролите на власта, од министрите и од други функционери на власта, сепак, не е таква и во очите на тие што не можат да дојдат и до лекот кој им е неопходен, а камоли повеќе.

Државата не дава лек за син ми со епилепсија!

Дарко Андоновски — Wed, 06 Mar 2019 19:59:37 +0000

Даниела од велешко е мајка на 4 деца. Две се здрави две се болни. Едното има епилепсија и тоа дијагностицирана второто има даунов синдром. Но таа не е од оние кои се предава и моли за парче леб или некоја пара. Сопругот работи но плата добива со задоцнување. Таа работи како надничар собира сезонски производи но сепак поголемиот дел о денот мора да е дома со децата или по болници собира куп документи само за да обезбеди еден лек. Лекот е потребен за детето со епилепсија за кое дури и снимањето на магнетна резонанца било на приватен трошок бидеќи требало да се чека ред со месеци. Сега комисија од болница Козле треба да одлучи дали нејзиниот 10 годишен син ќе добие можност да зема лек кој ќе го плати државата а чини околу 4 000 денари месечно или Даниела и понатаму грчевито сама ќе се бори. Целиот текст и ВИДЕО почитајте го и погледнете го ТУКА.