ер франс – Kurir.mk

„Ер Франс“ в петок ќе откаже речиси половина летови поради штрајк на контролорите

Тале Кристо — Wed, 14 Sep 2022 11:26:46 +0000

Француската авиокомпанија „Ер Франс“ денеска информираше дека в петок се откажани 55 отсто од летовите на кратки и средни и 10 проценти на долги дестинации, поради штрајк на контролорите на летање. Покрај тоа, можно е доцнење и откажување летови во последен момент, предупредува „Ер Франс“, истакнувајќи оти За тоа, патниците ќе бидат известени со СМС порака и преку електронска пошта. „Ер Франс“ в петок ќе откаже од 400 до 800 летови и упати апел до патниците да ги одложат патувањата планирани за тој ден. Генералниот директорат за цивилно воздухопловство ги повика авиокомпаниите да откажат половина од своите летови в петок. Националната унија на контролори на летови, што бара зголемување на платите поради инфлацијата и вработување дополнителен персонал, прогласи штрајк во Франција и нејзините територии во странство.

Франција го зголемува учеството во капиталот на „Ер Франс“ на околу 30 отсто

Дарко Андоновски — Tue, 06 Apr 2021 09:32:52 +0000

Државата ќе може да го зголеми своето учество „на нешто помалку од 30 отсто“ од капиталот на „Ер Франс“, посочи министерот Бруно Ле Мер, откако планот за спасување на компанијата од страна на државата е потврден од Брисел и тој може да достигне четири милијарди евра, јави дописникот на МИА. Европската комисија денеска го одобри планот на Франција за доделување помош до четири милијарди евра и за докапитализација на авиокомпанијата. Како и целата авиоиндустрија и „Ер Франс“ е тешко погодена од пандемијата и колапсот во патничкиот сообраќај. Конкретно, докапитализацијата на „Ер Франс“ предвидува „конверзија на државниот заем од три милијарди евра веќе доделен од Франција во хибриден капитален инструмент“ како и „инекција на капитал од државата“ преку зголемување на капиталот “отворен за постојните акционери и пазарот во границите од една милијарда евра“, соопшти Европската комисија во соопштението за јавноста. Утринава на „Франс Интер“, министерот за економија Бруно Ле Мер ја поздрави оваа валидација. Тој исто така посочи дека државата сега ќе може да го сголеми својот капитал на нешто помалку од 30 отсто на Ер Франс, наспроти денешните 14,3 отсто. Бруно Ле Мер потсети и на барањата на државата за „Ер Франс“: првото разгледување што се бара е продолжување на планот за заштеда објавен од шефот на компанијата, Бенџамин Смит. Второто е „намалување на емисиите по патник за 50 отсто до 2030 година“. „Ер Франс“ мора да стане најпочитуваната авиокомпанија на планетатам според францускиот министер за економија. Компанијата, исто така, ќе мора да отстапи 18 линии на други авиокомпании. Наведената цел на владата е да ја зајакне конкурентноста на француската авиокомпанија. Бруно Ле Мер верува дека „Ер Франс“ е веќе конкурентна компанија „на долгите линии, но помалку на другите дестинации“. Затоа, предизвикот е да се одржи оваа „стратешка“ компанија во живот, додека хоризонтот на опоравување на секторот останува далечен поради новата епидемија и здравствените ограничувања донесени во Франција и во целиот свет. Европската извршна власт ќе осигури дека францускиот план за поддршка следи одредена рамка. Вбризгувањето на капиталот од страна на француската држава, пред се, „нема да го надмине минимумот неопходен за да се гарантира одржливоста на „Ер Франс“ и нејзината холдинг-компанија и да се врати состојбата со капиталот што ја имаше пред пандемијата на Ковид-19 . Покрај тоа, француската држава „ќе добие соодветна наплата за инвестицијата и воспоставени се дополнителни механизми за да ги охрабри „Ер Франс“ и нејзината холдинг-компанија да го откупат уделот на државата што произлезе од докапитализацијата. Француската држава ќе мора да претстави план за намалување на учеството во капиталот. -Се додека докапитализацијата не биде вратена на 100 отсто, „Ер Франс“ и неговото одржување се предмет на забрана за дивиденда, подвлече Комисијата. Конечно, КЛМ, холандскиот партнер во групата Ер Франс-КЛМ, нема да има корист од помошта.

Франција и ЕУ се блиску до договор за спас на „Ер Франс“

Тале Кристо — Mon, 29 Mar 2021 16:15:10 +0000

Франција и ЕУ се блиску до постигнување договор за спас на „Ер Франс“, потврди денеска францускиот министер за финансии Бруно Ле Мер. -Се приближуваме до договор, прашање е на денови, рече Ле Мер и додаде дека треба да има отстапки за да се обезбеди фер конкуренција. “Не станува збор за затворање на линии или укинување на договори. Потребни се отстапки за да се обезбеди фер конкуренција меѓу „Ер Франс“ и другите превозници”, додаде министерот Ле Мер. Францускиот дневен весник „Монд“ во петокот објави дека француската Влада и Европската комисија се блиску до постигнување договор за условите за спас на „Ер Франс“. Со очекуваниот договор „Ер Франс“ треба да отстапи помалку слотови на аеродромите во својата база во Париз од првичниот број што го побара Комисијата, особено на аеродромот Орли. Групацијата „Ер Франс-КЛМ“ минатата година имаше чиста загуба од 7,1 милијарди евра. Таа доби заеми и гаранции од Франција и Холандија во износ од 10,4 милијарди евра, а преговара за државна докапитализација со европските регулатори кои бараат отстапки за аеродромите во Париз и Амстердам.

„Ер Франс“ укинува 7.500 работни места

Дарко Андоновски — Fri, 03 Jul 2020 20:11:28 +0000

Француската авиокомпанија „Ер Франс“ и нејзиниот регионален огранок Хоп вечерва објавија дека укинуваат 7.500 работни места, бидејќи повеќето летови се прекинати поради пандемијата на коронавирусот. Активисти од неколку синдикати протестираа пред седиштето на „Ер Франс“ на аеродромот „Шарл де Гол“ во Париз, за време на денешните преговори за работни места во француската национална авиокомпанија. Синдикатите се хмевни затоа што француската Влада не побара од „Ер Франс“ да ги заштити работните места кога во мај доби државна помош од седум милијарди евра. Работниците предупредуваа дека намалувањето на работните места ќе влијае на француската економија и изјавија дека државната помош треба да се искористи за обнова на компанијата наместо да се туркаат луѓето во невработеност. По целодневните преговори со претставниците на вработените, раководството на компанијата објави дека до 2022 година ќе скрати околу 6.500 од 41.000 работни места во „Ер Франс“ и 1.000 од 2.400 во Хоп.

Ер Франс отпушта 1.022 вработени од својата нискотарифна ХОП!

Ивона Петрова — Fri, 03 Jul 2020 11:01:13 +0000

Ер Франс се подготвува да затвори 1.022 работни места во својата нискобуџетна авиокомпанија ХОП! со цел да се справи со економските последици од корона-кризата, изјави денеска претставникот на синдикатот ЦГТ Жоел Рондел. Раководството на „Ер Франс“ има состанок со синдикатите за плановите за реструктуирање и отпуштања на вработени. Истовремено, според локалните медиуми, членови на синдикатот протестираат во базата на компанијата на парискиот аеродром Шарл де Гол. Синдикалците се посебно огорчени што француската Влада не инстистирала на тоа Ер Франс да ги заштити работните места кога во мај на компанијата и одобриле седум милијарди евра државна помош. Синдикатите предупредуваат дека бранот укинување работни места ќе се прошири на целата француска економија. Француските медиуми, уште напоменуваат, дека авиокомпанијата сака да намали 7.500 работни места, првенствено по пат на доброволно заминување.

„Ер Франс“ укинува околу 1.500 работни места до 2022 година

Ивона Петрова — Fri, 28 Feb 2020 06:58:00 +0000

Француската авиокомпанија „Ер Франс“ планира да прекине 1.500 работни места до 2022 година, без присилно одложување, а мерката најмногу ќе биде насочена кон персонал кој не е во авионите, соопштија извори на синдикатот. Намалувањето на работните места претежно ќе се однесува на т.н. функции за поддршка, како што се човечки ресурси, логистика или финансии, велат истите извори. Ер Франс од 41.230 работни места на крајот на 2019 година ќе има 39.720 работни места три години подоцна, што е 1.510 укинати работни места. Во овој период, многу вработени ќе се пензионираат или ќе заминат од други причини, и тој број е проценет на околу 3.800.

ФОТО: Се сруши авион полн со патници на компанијата „Ер Франс“?!

Дарко Андоновски — Wed, 08 May 2019 16:17:03 +0000

Авион на компанијата „Ер Франс“, Ербас А-340-313 полн со патници исчезна од радарот денеска на Иран, јавува Спутник. Авионот полетал околу 11 часот по локално време од Париз за Мумбај. Флајтрадар24 кој што го набљудува авиосообраќајот соопшти дека е изгубен сигналот со леталото. Во еден момент се пилотот јавил дека има проблем и дека ја губи висината.

#AF218, Paris-Mumbai, descending near Isfahan and squawking 7700. Reason unknown at the moment. https://t.co/pMtRHNoevF pic.twitter.com/3nGBYJfmuY
— Flightradar24 (@flightradar24) May 8, 2019

Не за долго после тоа авионот исчезна од радарот. Пред да биде изгубен контактот, пилотот се огласи на „7700“ што заначи општа опасност. Наскоро со подетални информации…

Ер Франс најави четиридневен штрајк од 23 јуни

Матеја Петровски — Sat, 09 Jun 2018 07:38:54 +0000

Синдикатите во авиокомпанијата Ер Франс најавија четиридневен штрајк од 23 јуни поради проблем со платите. Поради тоа, во текот на годинава имаше 15 дневен прекин на работата, што овој авиопревозник, втор по големина во Европа, го чинеше околу 400 милиони евра. Компанијата најави дека следната недела ќе бидат понудени нови мерки за надминување на проблемот. (Миа)

Летовите на „Ер Франс“ и понатаму нарушени поради штрајк

Даниел Василев — Wed, 18 Apr 2018 16:08:01 +0000

Железничкиоот сообраќај ширум Франција и летовите на авиокомпанијата „Ер Франс“ и денеска се нарушени поради штрајкови. Францускиот претседател Емануел Макрон претходно најави дека протестите нема да го спречат да ја реформира француската економија. Железничарите го продолжија штрајкот кој има за цел периодично нарушување на сообраќајот се до јуни. Државната железничка компанија СНЦФ соопшти дека е активен секој трет брз воз. Вработените се незадоволни од укинувањето на специјалниот статус со кој им се овозможува да останат вработени и до крајот на животот да користат бенефити. Францускиот Парламент синоќа усвои закон кој треба да ја подготви француската железница за конкурентност. Законот е доставен на расправа во Сенатот. Вработените во „Ер Франс“ почнаа деветти ден штрајк од февруари. Причина за штрајкот се платите, а денеска беа откажани 30 отсто од летовите. МИА

Поради штрајк откажани една четвртина летови на „Ер Франс“

Даниел Василев — Tue, 10 Apr 2018 12:45:33 +0000

Една четвртина летови на „Ер Франс“ денеска се откажани поради штрајк на пилотите и останатиот персонал, барајќи шест отсто зголемување на платите, кои долги години се замрзнати. Тоа е најголем шести штрајк на вработени во „Ер Франс“ од февруари оваа година. Синдикатите планираат нови протести во следните недели, а ќе им се приклучат и вработени во железница поради економските реформи кои планира да ги спроведе францускиот претседател Емануел Макрон. МИА