ер трактор – Kurir.mk

ВИДЕО: Пожар во скопско зафати борова шума, активирани трите Ер трактори и хеликоптер на МВР

Ивона Петрова — Wed, 23 Aug 2023 15:58:41 +0000

Пожар кој навлегол во борова шума попладнево е пријавен во Општина Сарај кај селото Љубин. Од ЦУК информираат дека се активирани трите авиони Ер трактор и еден хеликоптер на МВР. -Заради истовремен ангажман на Бригадата за противпожарна заштита на Град Скопје на неколку пожари во исто време и недостиг на противпожарни сили, близина на населени места, а и заради намалувањето на периодот за оперирање на крајот од денот, се влучува еден полициски хеликоптер на МВР и трите противпожарни авиони ,,ер трактор" на ДЗС, велат од ЦУК.

Пожар кај Соколарци: Поради опасност од ширење кон населено место полетуваат трите Ер трактори и хеликоптер на МВР

Ивона Петрова — Tue, 15 Aug 2023 13:51:44 +0000

Преку единствениот повикувачки број за итни повици 112, неколку пати од повеќе граѓани добиена е пријава за пожар на трева, грмушки и нискостеблеста деградирана шума на ридот близу Манастирот Св. Ѓорѓија кај село Соколарци, Општина Чешиново Облешево. Oд ЦУК информираат дека три екипи на ТППЕ Кочани итно се упатени на терен, а повикани се и екипи на Доброволното противпожарно друштво Кочани. Просторот кој го зафаќа пожарот е над 50 хектари и во моментот се движи во правец на селото Рајчице, во дел на непристапен широк шумски појас. -Поради опасност пожарот да се приближи кон населено место или да навлезе во високо квалитетна шума во секој момент кон пожарот ќе полетаат трите Ер трактори на ДЗС како и еден хеликоптер на МВР, велат од ЦУК.

ФОТО: Ер тракторите го гаснат пожарот кај Дебрешта

Ивона Петрова — Mon, 14 Aug 2023 17:49:10 +0000

Трите авиони Ер трактор на Дирекцијата за заштита и спасување се ангажирани во гаснење на големиот пожар во атарот на селото Дебрешта во општина Долнени. Горат трева, грмушки и нискостеблеста деградирана шума. Од Центарот за управување со кризи информираа дека во првиот прелет авиониот значително ја намалиле силата на огнот на првиот крак на пожарот. Вториот крак од пожарот се спушта кон с. Кошино, според последните информации од ЦУК.

ФОТО: Голем пожар во Дебрешта, активирани трите Ер трактори

Ивона Петрова — Mon, 14 Aug 2023 16:07:30 +0000

Поголем пожар избувнал во атарот на с. Дебрешта, Општина Долнени. Според информациите од ЦУК, гори нискостеблеста деградирана шума. -За да се превенира негово ширење трите Ер Трактори на ДЗС се упатени да интервенираат, вели директорот на ЦУК, Стојанче Ангелов.

Пожарот кај Дојран ставен под делумна контрола, Ер тракторот не полетал поради силниот ветер

Ивона Петрова — Sat, 05 Aug 2023 15:44:55 +0000

Воспоставена е делумна контрола врз пожарот кај Дојран, пред селото Николиќ. Ова го објави директорот на Центарот за управување со кризи, Стојанче Ангелов, кој посочи дека во Дојран храбрите и пожртвувани пилоти на големиот полициски хеликоптер досега извршиле повеќе од 9 налети прецизно фрлајќи ја водата врз најкритичните точки и со поддршка на локалните пожарникари воспоставиле делумна контрола врз пожарот и ги изгаснале најкритичните точки и краци. Додава дека заради силниот ветар и очекуваното невреме на авионот „Ер трактор“ на Дирекцијата за заштита и спасување (ДЗС) од Контролата на летање не му било дозволено да полета кон Дојран. Пожарот кај Дојран го гаснат пожарникари од Дојран, Валандово, Гевгелија и екипи на ЈП „Национални шуми“. Инаку, според последните информации од жители на селото Николиќ, ветрот се смирил и не го потпомага ширењето на пожарот.

ВИДЕО: Досега изгорени над 500 хектари во пожарот кај Богданци, огнот поминал низ дел од ветерниците

Ивона Петрова — Thu, 03 Aug 2023 18:00:24 +0000

Над 500 хектари нискостеблеста шума досега се зафатени од големиот пожар во близина на Богданци. Според последните информации, пожарот поминал низ четири ветерници од ветерниот парк, но како што се соопштува нема штети на нив. Во гаснење на големиот пожар вклучени се два авиони Ер трактор на Дирекцијата за заштита и спасување и еден хеликоптер на МВР. Опожарена е нискостеблеста деградирана шума и сува трева. Пожарот избувнал околу 11.00 часот во месноста викана Брдаров камен веднаш до препумпната станица на хидросистемот Дојранско езеро.

ВИДЕО: Ер трактори го гаснат пожарот кај Богданци

Ивона Петрова — Thu, 03 Aug 2023 13:08:54 +0000

Ер тракторите се вклучени во гаснењето на пожарот во месноста викана Брдаров камен во Општина Богданци. Гори нискостеблеста деградирана шума и сува трева, а поради опасноста пожарот да се прошири кон ветерниот парк, беа активирани авионите за гаснење пожар. Пожарот избувнал околу 11.00 часот во месноста викана Брдаров камен веднаш до препумпната станица на хидросистемот Дојранско езеро.

Пожар близу ветерниците во Богданци! pic.twitter.com/X3C8IjVxP2
— Курир (@KurirMK) August 3, 2023

Пожар во близина на Дојран и ветерниците во Богданци! pic.twitter.com/dHTLaZPxj8
— Курир (@KurirMK) August 3, 2023

Шумски пожар во западниот дел на областа Атика, „Ер трактор“ принудно слета во море

Ивона Петрова — Fri, 05 Aug 2022 09:57:25 +0000

Во западниот дел на областа Атика, поширокиот регион на Атина, во близина на автопатот кон Пелопонез, претпладнево избувна пожар, а еден од авионите на противпожарната служба што интервенираше во гаснењето, принудно слета во море, додека двајцата патници навремено се спасиле, јави дописничката на МИА од Атина. Преку бројот 112 за итни случаи, беше испратена порака до жителите на едно село, превентивно да се евакуираат, а затворен е и автопатот кон Коринт. Во пожарот интервенираат 55 пожарникари со три пешадиски тима, 15 возила, два авиони и еден хеликоптер за координација, а еден од авионите веројатно од типот „Air tractor“, од засега непознати причини, принудно слетал во морето. Според крајбрежната служба на Грција, двете лица кои биле во авионот се спасиле и се во добра здравствена состојба и веднаш, со помош на приватен чамец биле пренесени на копно. Пожарот е на околу 30 километри северозападно од центарот на Атина во близина на патарината на излезот од Атика кон Пелопонез.

ФОТО: Ер тракторот полета, ќе го гасне пожарот во беровско

Ивона Петрова — Fri, 22 Jul 2022 09:20:57 +0000

Дирекцијата за заштита и спасување информира дека Ер тракторот полета за гасење на пожарот во беровско. -По појавата на пожар на месноста помеѓу селата Митрашинци и Будинарци во Беровско во која е зафатена голема површина со дабова и нискостеблеста шума Дирекцијата за заштита и спасување се активира со 5 тима за гасење на пожари со вкупно 36 лица и 8 возила, велат од ДЗС. Во гаснење на пожарот од рано утринава вклучен е и хеликоптер на МВР.

Ер тракторот ќе се активирa за гаснење на пожарот во беровско, има индиции дека е подметнат

Ивона Петрова — Fri, 22 Jul 2022 06:42:11 +0000

Еден полициски хеликоптер од утринава интензивно го гасне пожарот во беровскиот регион, вели за МИА директорот на Центарот за управување со кризи (ЦУК) Стојанче Ангелов. Хеликоптерот од воздух почнал со исфрлање на вода од 5 часот. -Ер-тракторот на Дирекцијата за заштита и спасување ќе пристигне околу 10 часот. Во моментов на терен се и десет пожарникари на ТППЕ Берово и 30 припадници на Национални шуми од подружницата на Берово, изјави Ангелов. Посочи дека пристигнуваат и пожарникарски екипи од Виница, Радовиш, Кочани, Струмица, Тетово. Командирот на ТППЕ-Берово, Сашко Руменковски претходно за МИА информираше дека со помош на хеликоптерот спречено е ширење на огнот кон боровата шума и е направен обрач околу огнот. Првично беа зафатени околу 50 хектари високостеблеста шума, во непристапен планински предел. Надлежните велат дека има индиции и овој пожар да е подметнат.