Ербнб отпушта четвртина од вработените

Тале Кристо — Wed, 06 May 2020 14:12:27 +0000

Онлајн платформата за наем на сместување за туристи Ербнб (Airbnb) ќе отпушти околу 25 отсто од своите вработени, откако пандемијата на Ковид-19 силно ја погоди индустријата на патувања и туризам и ја доведе во прашање основната дејност на компанијата. Ербнб информира дека наскоро ќе отпушти речиси 1.900 лица од вкупно 7.500 вработени ширум светот, јави Си Ен Ен Бизнис. „Колективно минуваме низ најтешката криза во нашите животи и со развојот на пандемијата запреа глобалните патувања, рече извршниот директор на Ербнб и ко-основач на фирмата Брајан Чески во писмо до вработените. Тој додаде дека бизнисот на Ербнб е „тешко погоден“ и оти се очекува годинешните приходи да бидат намалени за повеќе од половина од она што го заработила компанијата во 2019 година. Според Си-Ен-Ен, Ербнб, исто така, наводно ги одложил плановите за деби на Вол Стрит оваа година.

„Ербнб“ воведува промени за подобра заштита на потрошувачите во ЕУ

Катерина Бојаџиева — Thu, 11 Jul 2019 13:12:46 +0000

Европската Комисија најави дека онлајн платформата за сместување „Ербнб“ по неколку месеци преговори со европските власти, ќе воведе промени во својата понуда со што потрошувачите треба да бидат подобро заштитени, во согласност со правилата на ЕУ. Од сега, соопшти ЕК понудата на веб сајтот на „Ербнб“ ќе биде презентирана на појасен начин, согласно стандардите на ЕУ за заштита на потрошувачите. Конкретно тоа значи дека при пребарувањето за сместување на сајтот корисниците ќе ја добиваат целосната цена во резултатите вклучувајќи ги сите дополнителни трошоци, наместо како до сега кога на самиот крај на резервацијата корисникот се запознаваше со тарифите за чистење и локалните такси. Понатаму, компанијата ќе мора јасно да информира дали сместувањето е приватно или професионално, а се воведува и линк до платформа за решавање на спорови онлајн на кој ќе бидат содржани сите потребни информации. Освен тоа, „Ербнб“ ги ревидира и условите на користење во кои јасно ќе биде прецизирано дека корисниците имаат право да отворат судски процес против компанијата во земјата во која живеат, дека корисниците имаат право да тужат во случај на било каков вид на штета, лична или материјална, додека пак домаќинот се обврзува да не ги менува условите на резервациите унилатерално. Овие промени на платформата „Ербнб“ доаѓаат по месеци преговори со европските власти, кои сметаат дека потрошувачите на ЕУ не уживаат доволен степен на заштита како што предвидуваат европските стандарди и правила. -Ова лето, Европејците едноставно ќе го добијат тоа што го гледаат кога резервираат за одмор. Сега потрошувачите ќе можат да имаат доверба дека цената што ја гледаат на првата страница ќе биде истата цена на крајот, изјави еврокомесарката за правда и потрошувачи, Вера Јурова. Таа додаде дека е задоволна што „Ербнб“ покажа подготвеност за соработка со ЕУ и очекува од другите платформи да го следат истиот пример.

Ербнб – Kurir.mk

Ербнб отпушта четвртина од вработените

„Ербнб“ воведува промени за подобра заштита на потрошувачите во ЕУ