Ердал Ракип – Kurir.mk

Ердал Ракип од Малме во турскиот Анталијаспор

Бошко Тасиќ — Fri, 20 Jan 2023 15:07:26 +0000

Повремениот македонски фудбалски репрезентативец, Ердал Ракип реализираше трансфер во јануарскиот преоден рок и по неколку успешни сезони поминати во Малме ќе ја менува средината. Нов клуб на фудбалерот од средниот ред е турскиот Анталијаспор со кого Ракип се обврза на договор во траење од двеипол години. Фудбалерот кој е роден во Шведска и кој има и кратка авантура во Кристал Палас, извесен период беше член на репрезентацијата на Македонија

Бабунски и Тотре повикани во А репрезентацијата

Ивона Петрова — Mon, 08 Nov 2021 08:25:42 +0000

Македонските репрезентативци, Ердал Ракип (Малме) и Адис Јаховиќ (Гестепе) поради повреда нема да се стават на располагање на тимот за подготовките и натпреварите на македонската А репрезентација против Ерменија (11. ноември) и Исланд (14. ноември) од квалификациите за Светското првенство 2023, соопшти ФФМ. Фудбалерот на шведски Малме има болка во коленото и денешниот извештај од магнетната резонанца ќе потврди колку време Ракип ќе отсуствува од терените. Адис Јаховиќ поради повреда излезе во 16. минута во вчерашниот настап за својот тим Гезтепе против Конјаспор од турското првенство. Селекторот на нашата најдобра репрезентација, Благоја Милевски дополнително ги повика Енур Тотре од Тирана и напаѓачот на Ботев Враца, Доријан Бабунски. Двајцата фудбалери ќе бидат на првиот тренинг на репрезентацијата. Денеска во 12:00 часот во хотел „Хилтон“, националниот тим го има првиот собир спроти последните два меча од мундијалските квалификации. Првиот тренинг е денеска од 17:00 часот на тренинг центарот „Петар Милошевски“.

Ракип: За мене е голема чест што ќе играм за Македонија

Ивона Петрова — Wed, 06 Oct 2021 12:09:33 +0000

Фудбалерот на шведски Малме со потекло од Ресен, Ердал Ракип за прв пат е дел од националниот тим. Тој со задоволство ја прифати поканата на селекторот Благоја Милевски и конкурира за настап на натпреварите против Лихтенштајн и Германија. – Прв пат пред неколку години Благоја Милевски ми понуди да играм за Македонија. Во тој период ми требаше време да размислам. За мене е голема чест што добив понуда да играм за репрезентацијата на Македонија и донесов одлука дека сега е вистинскиот момент да прифатам. Разговаравме со моето семејство и среќен сум што ќе играм во дресот на македонската репрезентација. Македонија е домот за моето семејство и одлуката сега воопшто не беше тешка, изјави Ракип. Тој смета дека оваа репрезентација има голем потенцијал и очекува да напредува во наредните години. Ги гледав последните натпревари на македонската репрезентација. Оваа селекција игра добар фудбал, во тимот има многу млади фудбалери кои формираат одлична екипа. Јас имам 25 години, сметам дека веќе сум во зрели фудбалски години и мислам дека во следните неколку години ќе напредуваме. Се обидувам да се вклопам во тимот, но без наметнување, туку улогата да си дојде сама по себе. Оваа репрезентација ќе напредува секоја наредна година. Ништо не доаѓа веднаш. Тимот е млад и желен за докажување. За претстојните средби Македонецот од Шведска очекува добри игри и ако се пружи шанса, две победи. – Секој натпревар е тежок. Треба да издвојуваме победа против Лихтенштајн, а потоа не очекува многу тежок меч на домашен терен против Германија. Во фудбалот секогаш има шанса за победа, но треба да се одигра максимално во текот на сите 90. минути. Но, да оставиме времето да покаже, сега сме фокусирани на мечот со Лихтенштајн. Чекор по чекор и секогаш да се стремиме кон победи. Дуелот со Лихтенштајн е на 8 октомври на гостински терен, додека Германија ќе гостува во Скопје три дена подоцна.