ергин атаман – Kurir.mk

Ергин Атаман побара уште три засилувања во ПАО

Бошко Тасиќ — Sun, 29 Oct 2023 06:24:36 +0000

Турскиот тренер и предводник на Панатинаикос, Ергин Атаман, изјави за грчките медиуми дека на тимот му се потребни уште барем 2-3 засилувања за да може да биде конкурентен во Евролигата. „Детелинките“ од Атина летово скоро целосно го променија ростерот и доведоа неколку исклучутелнно звучни имиња, но тимот не ги прикажува очекуваните игри и во моментот имаат две победи и три порази. Се шпекулира дека мал „аларм“ е веќе вклучен кај управата, но и тренерот смета играчкиот кадар може да биде уште малку „збогатен“ во следниот период. Голем проблем предизвика повредата на Јоанис Папапетру, кој мора да замине на операција на коленото, а и дел од другите играчи не се во формата што се бара од нив.

Рекордерот Атаман е тренерот со најмногу исклучувања во Евролигата

Бошко Тасиќ — Mon, 23 Oct 2023 06:01:50 +0000

Ергин Атаман беше исклучен во поразот на Панатинаикос од Макаби во Атина (86:81). Турскиот тренер жестоко протестираше во третата четвртина, побара неспортска грешка, а судијата покажа дека е обична грешка, продолжи да прави хаос и доби втора техничка, односно исклучување. Потоа грчкиот тим имаше одговор, ја надополни негативата, водеше со 72:70 во последните секунди, но Ниебо донесе продолжение, по што славеше израелскиот тим.

Атаман: Изгледавме како јуниори, не е дозволиво за тим како Панатинаикос

Бошко Тасиќ — Thu, 19 Oct 2023 04:07:12 +0000

Тренерот на грчки Панатинаикос Ергин Атаман, изјави дека неговиот тим мора многу подобро треба да се претстави во следните натпревари во Евролигата. „Игравме со премногу грешки на почетокот. Тоа е недозволиво. Не знам како наеднаш почнавме да се плашиме да играме кошарка. Фенер имаше отворени поени, лесни ситуации кои никогаш не смееме да ги дозволиме. Не покажавме цврст карактер и тоа многу ме загрижува. На моменти изгледавме како јуниори, а не како тим кој има најголеми аспирации во натпреварувањето. Знам дека ќе се подобриме, очигледно е дека ни е потребно уште малку време“, заклучи преводникот на „детелинките“ од Атина. Панатинаикос ја започна новата сезона во Евролигата со една победа и два порази. Дел од медиумите во Грција веќе почнаа да се сомневаат во тимската хемија и воиграноста, но тренерот смирува и најавува многу подобри изданија на еден од претендентите за највисок пласман.

Ергин Атаман е нов тренер на Панатинаикос

Бошко Тасиќ — Sat, 22 Apr 2023 17:11:41 +0000

Кошаркарскиот тренер Ергин Атаман во следните две сезони ќе го води најуспешниот клуб во Грција, Панатинаикос, соопштија вечерва медиумите кај нашиот јужен сосед. Неколку часа порано беше соопштено дека менаџерот на Атаман ќе има средба со раководството на ПАО на која ќе се разговара за тренерското место, а очигледно состанокот вродил со плод. Атаман ќе има задача да го извади Панатинаикос од тешката криза во која се наоѓа последните три сезони и да го врати на врвот не само на грчката, туку и на европската кошарка. За почеток, постигнат е договор на две сезони, но постои надеж дека соработката ќе трае многу подолго. Наводно, Турчинот барал тригодишен договор, но на крајот двете страни се согласиле тоа да биде на две.

Атаман поради навреди од публиката предвреме го напушти натпреварот со Фенербахче

Ивона Петрова — Fri, 07 Apr 2023 08:49:59 +0000

Тренерот на Анадолу Ефес Ергин Атаман објасни зошто до крајот не го гледаше синоќешниот натпревар од Евролигата со Фенербахче (86:103). Атаман предвреме отиде во соблекувалните. - Навивачите на Фенербахче почнаа да скандираат навредливи работи. За да го избегнам сето ова, се ракував со Димитрис Итудис, му честитав, а потоа отидов во соблекувалната, изјави Атаман. Гледачите во арената Фенербахче во тој момент скандираа вулгарни слогани упатени кон Атаман. Анадолу Ефес по поразот од Фенербахче ги загуби шансите за пласман во плејофот од Евролигата.

Ергин Атаман од наредната сезона презема грчки тим?

Бошко Тасиќ — Fri, 24 Mar 2023 06:06:38 +0000

Тренерот на актуелниот европски шампион Анадолу Ефес, Ергин Атаман, е еден од главните фаворити за преземање на клупата на грчкиот гигант Панатинаикос. Панатинаикос е во потрага по нов тренер откако минатиот месец му даде отказ на Дејан Радоњиќ, а за наредната сезона се планира ремонт на екипата и ангажирање на неколку квалитетни кошаркари, со цел екипата да се вмеша во битката за титулата во Евролигата. Во игра за прв тренер на грчкиот тим е и искусниот шпански тренер Пабло Ласо.

Ергин Атаман хоспитализиран во болница

Бошко Тасиќ — Sun, 19 Mar 2023 16:39:09 +0000

Тренерот на кошаркарскиот клуб Анадолу Ефес, Ергин Атаман е хоспитализиран во Истанбул со пневмонија, потврди турскиот клуб, кој додаде дека тој ќе остане на болничко лекување. Еден од најискусните турски тренери, имал симптоми за време на мечевите од Евролигата против Реал Мадрид и Партизан, но решил да остане на клупата и покрај советот на лекарите, но сега сигурно ги пропушта мечевите во домашниот шампионат, но и на клучниот меч против Алба Берлин во Евролигата. „Нашиот тренер Ергин Атаман на почетокот на неделата доби инфекција на дишните патишта, по што земаше лекарства за да го води тимот против Реал Мадрид и Партизан. По тестовите во петокот, поради влошените симптоми, тој доби и запаление на белите дробови и ќе продолжи со болничко лекување“, се вели во соопштението на актуелниот шампион во Евролигата.

Атаман и Скариоло: Во Тбилиси нема гледачи на трибините

Бошко Тасиќ — Sun, 04 Sep 2022 06:35:06 +0000

Селекторот на Турција Ергин Атаман и неговиот шпански колега Серхио Скариоло останаа разочарани од посетеноста на натпреварите во групата А на Евробаскетот што се игра во Тбилиси, Грузија. „Имаме големи цели и мораме да ги минимизираме грешките. Сакам да видам поголема флуидност во играта на двете страни од теренот. Можеби бевме возбудени против Црна Гора поради стартот на турнирот, а можеби и поради недоволната концентрација бидејќи атмосферата овде е многу лоша. Воопшто нема гледачи освен кога игра Грузија.По долги години во Евролигата, да се доживее вакво нешто на ваков турнир.Мислам дека во салата имаше 100 луѓе“, изјави Атаман. Скариоло со повеќе хумор пристапи кон проблемот. „Сигурен сум дека повеќе роднини на Лоренцо го гледаа натпреварот онлајн отколку што имаше луѓе во салата.

Атаман упати апел до ФИБА и ЕЛ

Бошко Тасиќ — Sun, 21 Aug 2022 09:00:02 +0000

Ергин Атаман, тренер на турската кошаркарска репрезентација и тренер на двократниот европски шампион Анадолу Ефес, е само еден од низата истакнати кошаркарски работници кои се шокирани од несовпаѓањето меѓу ФИБА и Евролигата и последиците од конфликтот. Поради неможноста функционерите на двете организации да ги координираат календарите, репрезентациите во натпреварите на ФИБА во текот на клупската сезона играат без кошаркари кои се натпреваруваат во Евролигата и Еврокупот, како и оние кои играат во НБА. „ФИБА и Евролигата мора да најдат решение за своите проблеми. Да, играчите од НБА можеби нема да можат да бидат присутни за време на „прозорецот“ на ФИБА, но барем тренерите и играчите од Евролигата треба да им бидат достапни на националните асоцијации за време на квалификациските натпревари што се одржуваат во текот на сезоната“, рече Атаман. Следниот квалификациски прозорец за Светското првенство на ФИБА е закажан за крајот на август, а на 1. септември ќе започне првиот Евробаскет по пет години.

Атаман: Ние сме шампионски тим, ќе ја одбраниме титулата

Бошко Тасиќ — Sat, 21 May 2022 05:44:01 +0000

На прес-конференцијата пред натпреварот со Реал Мадрид тренерот на Ефес, Ергин Атаман зборуваше за карактерот на неговиот тим. „По големата битка синоќа, чест е што ќе играме уште едно финале и ќе ја браниме титулата. Нема да најдете тим кој ќе победува цела сезона. На почетокот имавме проблеми, бев загрижен, но како играме во последните три години, верував дека ќе се вратиме. Ние сме шампионски тим и кога ќе дојде вистинскиот момент ќе играме најдобро. Не мислам дека полуфиналните натпревари ќе влијаат на финалниот дуел. Двете екипи имаат различни стилови и се доследни на својата филозофија. Имам шампиони во тимот и уживаат во нашиот систем. Овој систем е корисен посебно за бековите. Вчера одлучив Васа Мициќ да решава, а тој ја „чита“ ситуацијата и одлучува. Во таа последна четвртина Ларкин почувствува повреда, одмори неколку минути и кога се врати не беше истиот играч. Затоа се одлучив да му дадам одговорност на Василије.“, изјави Атаман. Финалето на Евролигата во Белград е закажано со старт во 19:00 часот, додека претходно во терминот од 16:00 ќе се судрат Барселона и Олимпијакос за третото место.