Скандал во Барселона: Црниот дроб за Абидал клубот го купил „на црно“

Даниел Василев — Wed, 04 Jul 2018 12:18:56 +0000

Барселна црниот дроб за Ерик Абидал го купилa „на црно“, пренесува „El Confidencial“ повикувајќи се на информации до кои дошла шпанската полиција. Силите на редот наводно пресретнале најмалку четири телефонски повици кои ги водел поранешниот претседател на клубот, Сандро Росељ со непозната личност. Во тие разговори се споменува дека црниот дроб за Абидал е набавен на илегален начин. Дефанзивецот играше за Барселона, а во почетокот на јуни ја презеде функцијата технички секретар. Официјалната приказна беше дека црниот дроб го донирал роднина на Абидал по име Жерар. Тој пред шест години мораше на трансплантација откако на органот му се врати туморот кој претходно беше хируршки отстранет. Самиот Абидал пред враќањето на теренот пред пет години, а по 13 месеци надвор од теренот, му се заблагодари на роднината потенцирајќи дека без него „не би стоел тука“. Французинот играше за Барселона од 2007. до 2013. година.

Емотивна исповед на Абидал: Додека се борел за живот, Меси му испратил порака која го скршила

Ивана Ефремовски — Wed, 10 Jan 2018 20:22:27 +0000

Поранешниот француски репрезентативец Ерик Абидал откри прилично шокантен детал од времето додека се борел со тешката болест. Поранешниот дефанзивец на Барселона во 2011 година заболе од тумор на црниот дроб, поради што мораше да замине на операција, а на крајот за среќа ја победи тешката болест. Меѓутоа, кога бил во најтешка состојба, тој направил видео порака и со тоа сакал да и испрати поддршка на екипата. Сепак, реакцијата на Лионел Меси и останатите соиграчи го изненадила и го разочарала. -Бев многу слаб и во пресрет на натпреварот направив видео порака и ја испратив на соиграчите за да им дадам поддршка. Знаете што ми кажа Меси? Повеќе да не им праќам такви работи бидејќи тоа ги демотивира и дека изгледам како зомби и ги плашам сите. Јас тоа не го видов така, сакав да ги охрабрам, но ми рекоа дека тоа ги вознемирува, открива некогашниот фудбалер на Барселона во интервјуто кое го даде за „Канал +“. Очигледно дека Меси и остатокот од соблекувалната не разбраа низ што точно минувал Абидал, кој преживеал тешки моменти и тоа сам со своето семејство. -Тоа е болка на која ќе се сеќавам целиот живот. Беше неподнослива, како некој да те боде со нож. Кога докторот ми кажа дека ќе ми треба уште една операција, бев среќен. Такво патење не би посакал никому, заклучи Абидал кој се пензионираше од фудбалот во 2014. година.

ерик абидал – Kurir.mk

Скандал во Барселона: Црниот дроб за Абидал клубот го купил „на црно“

Емотивна исповед на Абидал: Додека се борел за живот, Меси му испратил порака која го скршила