ерик тен хаг – Kurir.mk

Тен Хаг: Жал ми е за навивачите, но јас сум борец и не се предавам!

Бошко Тасиќ — Thu, 02 Nov 2023 04:58:13 +0000

Англискиот Манчестер јунајтед доживеа два убедливи порази со по 0-3 од Манчестер сити во Премиерлигата и Њукасл во Лига купот, а тоа предизвика ново незадоволство кај навивачите кои побараа оставка од тренерот Ерик Тен Хаг. „Ѓаволите“ за првпат по 1962 година загубија два натпревари по ред на домашен терен со три голови разлика, но Тен Хаг не се предава и покрај лошите резултати. „Извинете навивачи, но јас сум борец. Верувам во успех, но јасно е дека во моментов сме во лоша позиција. Преземам одговорност за лошите резултати, но во тоа гледам и како предизвик. Знам дека не сме на добро место, жал ми е за навивачите. Мора да останеме заедно и да се бориме. Секој треба да преземе одговорност и да соработува за да се надмине кризата“, вели Тен Хаг.

Гвардиола го советува Јунајтед: Задржете го Тен Хаг, дајте му време

Ивона Петрова — Sun, 29 Oct 2023 15:36:10 +0000

Тренерот на Манчестер сити, Пеп Гвардиола, му дал совет на Манчестер јунајтед по лошиот старт на „црвените ѓаволи“ во Премиер лигата под водство тренерот Ерик тен Хаг. -Јунајтед може да победи пет или шест натпревари по ред и ако го направи тоа ќе биде на врвот на табелата. Оставете го тренерот на место, како што ми направија во мојата прва сезона во Манчестер сити кога не победувавме. Имавме 10 или 11 играчи над 30 години, па требаше да донесеме енергија, квалитет и инвестиции, како и сите тимови. Тогаш бев поддржан, а сега треба да го сторат истото со Тен Хаг. Дајте им време на тренерите и тие ќе дадат резултати, изјави Гвардиола за „Goal“. Тен Хаг го презема Манчестер јунајтед во април 2022 година. Во моментов тимот под негово водство се наоѓа на 8. место во поредокот на англискиот шампионат со 15 бода од 9 кола. Денес Манчестер јунајтед игра против тимот на Гвардиола.

Фердинанд на Тен Хаг му го предлага „совршениот дефанзивец“ за Јунајтед

Бошко Тасиќ — Sun, 29 Oct 2023 06:14:41 +0000

Одбраната на Манчестер Јунајтед изминатите неколку сезони има големи проблеми, а се стекнува чувство дека Тен Хаг тоа поле го стабилизираше минатата сезона со Рафаел Варан и Лисандро Мартинез. Но сезонава поради повредата на Мартинез, Јунајтед е приморан да форсира и повторно се гледаат одредени нестабилности, кои Тен Хаг мора да ги реши доколку сака клубот да бележи добри резултати. Рио Фердинанд по тоа прашање, предлага дека Јунајтед како клуб, треба да се фокусира со доведување на Роналд Араухо од Барселона, за кој смета дека е идеален за стилот на Јунајтед. „Момчето од Уругвај кое настапува за Барселона – Араухо, тој е фантастичен, брилијантен е и неверојатен централен дефанзивец. Тој ги има сите потребни атрибути да биде фантастичен во Премиерлигата. Мислам дека Јунајтед треба да се обиде да го ангажира“, тврди Фердинанд. Договорот на Араухо со Барселона е валиден до 1 јуни 2026 година.

Тен Хаг: Онана покажа карактер, знае дека досега не беше на своето ниво и можеше да игра подобро

Ивона Петрова — Wed, 25 Oct 2023 16:57:42 +0000

Тренерот на Манчестер јунајтед, Ерик тен Хаг го пофали настапот на голманот Андре Онана на вчерашниот натпревар со Копенхаген. Манчестер Јунајтед го доби натпреварот од 3. коло од групната фаза на Лигата на шампионите со резултат 1:0, а Онана одбрани пенал во 97. минута. - Онана покажа карактер. Андре знае дека досега не беше на неговото ниво и можеше подобро. И оди кон тоа. Имаше многу добар натпревар во саботата, а и вчера. Не заборавајте на брилијантната одбрана во второто полувреме. Одлично брани пенали, изјави Тен Хаг. Манчестер јунајтед по три кола е на 3.место во А-групата од Лигата на шампиони. Пред него се Баерн Минхен со 9 и Галатасарај со 4 бода. Копенхаген е последен со само 1 бод.

Новиот сопственик на Манчестер Јунајтед носи нов тренер

Бошко Тасиќ — Mon, 23 Oct 2023 05:50:40 +0000

Најбогатиот Британец, Сер Џим Ретклиф наскоро ќе купи 25 отсто од акциите на Манчестер јунајтед и тоа може да предизвика промени во клубот. Наводно милијардерот планира да му даде отказ на тренерот Ерик Тен Хаг, а на негово место да го ангажира Грем Потер кој пред неколку месеци доби отказ од Челси. Навивачите не се среќни поради неговиот избор, иако Потер беше одличен во Брајтон, но потоа разочара со резултатите во гигантот од Лондон. Тен Хаг досега го предводеше премиерлигашот на 74 натпревари и постигна 47 победи, девет ремија и 18 порази.

Ерик Тен Хаг објасни зошто го извадил Касемиро на полувреме

Бошко Тасиќ — Sun, 08 Oct 2023 05:50:58 +0000

Манчестер Јунајтед направи чудесен пресврт во судиското продолжение и на драматичен начин стигна до три бода против Брентфорд, нешто што изгледаше невозможно во регуларните 90 минути. Јунајтед беше летаргичен и изгледаше доста јалово во нападот, но потоа Ерик Тен Хаг го погоди „џокерот“ и МекТоминеј со два гола се погрижи за страшна еуфорија и победа на „Олд Трафорд“. „Ѓаволите“ се вратија на победничките патеки во домашното првенство и тоа е многу важно за самодовербата, но една од позначајните одлуки на Тен Хаг на оваа средба беше тоа што го извади Касемиро на полувреме. Бразилецот кумуваше за голот на Брентфорд и ја подари топкта на противникот на средината на теренот, па кога Ерик беше запрашан зошто го оставил на клупа во продолжение, одговорот беше доста искрен и брутален. – Зошто го извадив Касемиро? Сакав да играме повеќе со топка и да гледаме повеќе фудбал. Ми требаше квалитетен играч со пас и врска меѓу средината и нападот, затоа го внесов Ериксен на местото на Касемиро, – изјави Тен Хаг.

Тен Хаг за поразот од Галатасарај: Имавме целосна контрола на натпреварот, а потоа си пукавме во нога

Тале Кристо — Wed, 04 Oct 2023 06:30:42 +0000

Тренерот на Манчестер јунајтед, Ерик тен Хаг беше многу разочаран од начинот на кој неговиот тим синоќа загуби од Галатасарај (2:3) во натпреварот од 2. коло од групната фаза на Лигата на шампионите. - Имавме целосна контрола на натпреварот и потоа си пукавме во ногата. Примивме два гола. Мора да се браниме подобро во такви моменти, да играме подобро во одредени области на теренот, изјави Тен Хаг за официјалниот сајт на УЕФА. Манчестер јунајтед го загуби вториот натпревар по ред и е последен во групата А. Галатасарај се искачи на второто место со четири бода. Во следното коло, Манчестер јунајтед ќе игра со Копенхаген.

Ерик Тен Хаг урна негативен рекорд стар 37 години

Бошко Тасиќ — Wed, 04 Oct 2023 04:00:24 +0000

Поразот од Галатасарај е уште еден удар за холандскиот менаџер на „црвените ѓаволи“, Ерик Тен Хаг. Манчестер Јунајтед е во голема криза, моментно е дури на 10 место во Премиер лигата, а во Лигата на шампионите во својата група е последен на табелата. Со поразот од Галата, Тен Хаг стана првиот тренер во модерната ера на Манчестер jунајтед кој загубил шест од воведните 10 натпревари во сезоната. Олд Трафорд не го памети тоа од 1986 година, односно од доаѓањето на Алекс Фергусон на клупата. Манчестер јунајтед во ЛШ загуби од Баерн Минхен и Галатасарај, а во Премиер лигата на седум натпревари има дури четири порази. Загуби од Кристал палас, Брајтон, Арсенал и Тотенхем. Славеше против Вулверхемптон, Нотингем форест и Барнли, а запиша и една победа во Лига купот над Кристал палас.

Пет строги правила на Тен Хаг во Манчестер јунајтед

Бошко Тасиќ — Tue, 26 Sep 2023 04:01:12 +0000

Фудбалскиот тренер Ерик Тен Хаг воведе пет строги правила во Манчестер јунајтед откако седнал на кормилото на англискиот гигант. Англиските медиуми пишуваат дека Џејдон Санчо прекршил дел од нив и затоа повеќе го нема во првиот тим. Санчо тренира одделно од останатите соиграчи, а сега медиумите ги открија правилата кои ги поставил Тен Хаг. „Фудбалерите ќе бидат исфрлени од екипата ако доцнат на тренинзи или состаноци. Играчите не смеат да пијат алкохол во неделите кога се играат натпревари. фудбалерите мора да јадат храна која се подготвува во клубот. Тежината на играчите се проверува еднаш месечно. Играчите мора да се пожалат директно на Тен Хаг, а не на нивните агенти“, се правилата на Тен Хаг.

Тен Хаг за мечот со Барнли: Многу ни требаше оваа победа

Дарко Андоновски — Sun, 24 Sep 2023 09:37:04 +0000

Тренерот на Манчестер јунајтед, Ерик тен Хаг како исклучително важна ја оцени победата (1:0) над Барнли вчера на гостински терен во натпреварот од 6. коло од Премиер лигата. - Се беше очигледно. Секако, многу ни требаше оваа победа. Имавме тешка серија на натпревари против добри противници. Оваа победата беше неопходна. Бев импресиониран од тимскиот дух и од тоа како играчите се бореа заедно. Напаѓаа 11, се бранеа 11. Сите се поддржуваа еден со друг. Многу работи беа против нас, вклучувајќи повреди и одлуки. Но, треба да се бориме и да бараме можност да ја свртиме ситуацијата. И тоа беше демонстрација дека тимот е обединет, изјави Тен Хаг за „BBC Sport“. Манчестер јунајтед има 9 бодови и се наоѓа на8. место на табелата во Премиер лигата. Тимот има 3 победи и 3 порази.