ерлинг халанд – Kurir.mk

Халанд чекаше 24 часа, а потоа објави сликата со пораката до Меси

Ристе Здравков — Wed, 01 Nov 2023 08:34:15 +0000

Лионел Меси ја освои осмата „Златна топка“ во конкуренција на Ерлинг Халанд кој со 52 гола го преводеше Сити до тројната круна и Килијан Мбапе. Аргентинецот остана голем, тој им се поклони на младите конкуренти. „Ерлинг и Килијан се двајца натпреварувачки ѕверови. Двајцата ја заслужуваат Златната топк“, рече Меси, а потоа посебно му се обрати на Халанд: „Како што кажав тој ја заслужи Златната топја. Ерлинг ја освои Премиер-лигата и Лига на шампиони, беше најдобар стрелец. Оваа награда вечерва можеше да биде твоја. Сигурен сум дека ќе ја освоиш во следните години“, рече Меси. Но, според многумина токму Халанд требаше да биде освојувач на ова признание. Иако и тој е свесен за тоа сепак господски го поднесе поразот, 24 часа по церемонијата сподели фотографија од Меси со Златната топка и му честиташе на шпански јазик.

Славјето на Фоден и потегот на Халанд (ВИДЕО)

Ристе Здравков — Mon, 30 Oct 2023 09:33:36 +0000

Манчестер Сити уште еднаш го понижи градскиот ривал Манчестер Јунајтед победувајќи на „Олд Трафорд“ со 3-0. Ерлинг Халанд блескаше со два гола, но сите зборуваат за потегот на Норвежанецот кога Фоден се запиша во листата на стрелци, а потоа тргна да го прослави. Се очекуваше Фоден да го прегрне Халанд за да му се заблагодари за асистенцијата и за малку ќе го стореше тоа, но потоа го виде Норвежанецот како му покажува да слави на пооригинален начин и да се фрли на колена, што и самиот го направи кога го постигна вториот.

Erling Haaland assist 🤝 Phil Foden scored 3rd goal against Manchester United. 🔥🔥 Onana first save is impressive but make it for second one 👀 Man United 0-3 Man City !! pic.twitter.com/nHr3aeqszr
— Hellfootball (@hellfootball_) October 29, 2023

Scorer 👉 provider Erling Haaland puts it on a plate for Phil Foden to score Man City's third 🍽️#MUNMCI pic.twitter.com/vJxD37c2GI
— Premier League (@premierleague) October 29, 2023

Халанд за провокациите на навивачите на Јунајтед: Не знам зошто тоа го прават…

Ристе Здравков — Mon, 30 Oct 2023 09:18:18 +0000

Манчестер Сити го доби градското соочување со Јунајтед на „Олд Трафорд“ со убедливи 3-0, дуел во кој се истакна Ерлинг Халанд со два гола и асистенција при погодокот на Фоден. Со ова Норвежаноот само покажа, потврди дека се враќа во препознатливиот гол ритам кој го красеше минатата сезона во која Сити оствари историски успех. Халанд сака да игра против Јунајтед од повеќе причини, а пак навивачите на „црвените ѓаволи“ се обидуваат да го провоцираат, да го извадат од кожа, па така дел од нив го скандираа името на Рој Кин кој во минатото имаше дуели со неговиот татко Алф Инге, но и еден страшен старт за време на манчестерското дерби во 2001 година по кој скандинавецот потоа не беше истиот играч. -Луѓето му пееја „Кеано“ (по пеналот), не знам зошто тоа го правеа, но е тоа што е. Беше убава прослава и убав натпревар, -порача Ерлинг по средбата.

Дербито на Манчестер го одбележа Халанд

Ивона Петрова — Sun, 29 Oct 2023 17:52:00 +0000

Со два постигнати гола и една асистенција, Ерлинг Халанд беше најдобар играч на градското дерби одиграно вечерва „Олд Трафорд“ меѓу Манчестер јунајтед и Манчестер сити. „Граѓаните“ победија со 3:0. Норвежанецот погоди 26. минута од пенал и во 49., додека во 80. му асистираше на Фоден. За Манчестер сити ова беше осми триумф во десеттиот овосезонски натпревар во Премиер лигата. Јунајтед по 10 кола е на половичен ефект со пет победи и исто толку порази. На табелата води Тотенхем со 26 бода, Арсенал е втор со 24, Манчестер сити е трет со 24, Ливерпул има 23. Манчестер јунајтед е 8-ми со 15 бода.

Гвардиола: Халанд ја заслужува Златната топка

Тале Кристо — Fri, 20 Oct 2023 16:09:15 +0000

Тренерот на Манчестер сити, Пеп Гвардиола, рече денеска дека играчот на неговиот тим Ерлинг Халанд заслужува да ја освои наградата Златна топка за најдобар фудбалер во 2023 година. Халанд оваа година постигна 52 голови на 53 натпревари и му помогна на Сити да ја освои тројната круна. Норвешкиот голгетер е меѓу 30 кандидати за престижната награда која ќе биде врачена на 30 октомври. „Халанд би требало да ја освои – да. Освоивме тројна круна, а тој постигна 50 голови“, изјави Гвардиола. За најголем фаворит за освојување на Златната топка се смета фудбалерот на Интер Мајами, Лионел Меси, кој со Аргентина ја освои светската титула на Мундијалот во Катар. Гвардиола, кој во минатото му беше тренер на Меси во Барселона, наведе дека Аргентинецот заслужува индивидуална категорија, кога е во прашање Златната топка. „Златната топка мора да биде од два дела. Една за Меси, а другата за останатите. Најлошата сезона за Меси, е најдобра за другите“, наведе Гвардиола.

Халанд: Пеп ми рече дека ќе ме претепа

Бошко Тасиќ — Sat, 07 Oct 2023 05:04:54 +0000

Напаѓачот на Манчестер Сити, Ерлинг Халанд за првпат проговори за процесот на преселба од Борусија Дортмунд во Манчестер Сити. Тој пристигна во Англија минатата година за 60 милиони евра. Веднаш го покажа сиот свој неверојатен талент, и со новиот тим ја освои тројната круна. „Пеп навистина бара многу, се работи за многу нешта. Кога разговаравме пред реализацијата на мојот трансфер, тој посебно ми нагласи дека е важно да бидам фокусиран на тренинзите. Тој рече дека ќе ме претепа ако не го почитувам тоа, а сè друго е помалку важно. Така е со него и Манчестер Сити, затоа и се толку успешни. Има притисок, но тој е присутен и индивидуално и тимски. Се бара максимално внимание на тренинзите, бидејќи остатокот од денот го поминуваме во одмор“, рече Халанд.

Сити подготвил нов договор за Халанд

Ристе Здравков — Fri, 06 Oct 2023 08:59:27 +0000

Манчестер сити интензивно работи на продолжување на договорот со Ерлинг Халанд. Норвежанецот има договор до 2027 година. Сити се решија на ваков потег за да го одбијат потенцијалниот напад од Мадрид. Халанд, според актуелниот договор заработува 460.000 евра неделно. Неговата плата ќе биде зголемена доколку го продолжи договорот. Покрај платата Сити ќе ја зголеми и откупната калузула. На овој начин „граѓаните“ ќе се одбранат од Реал, кој во наредниот период ќе се обиде да донесе врвен напаѓач. „Кралскиот клуб“ остана без Карим Бензема, а во летниот преоден рок не сакаа да трошат пари на трансферот на Килијан Мбапе, со надеж дека наредното лето беспалтно ќе го обезбедат потписот на францускиот ас. Халанд минатото лето за 60 милиони евра пристигна во Сити од Борусија Дортмунд. Во својата прва сезона одигра 53 натпревари, постигна 52 гола и забележа девет асистенции. Со Сити ја освои тројната круна.

Манчестер Сити ќе му ја зголеми платата на Халанд за 60%, ако потпише нов договор

Ристе Здравков — Tue, 05 Sep 2023 08:30:53 +0000

Раководството на Манчестер Сити е подготвено сериозно да ја зголеми платата на напаѓачот Ерлинг Халанд. „Граѓаните“ планираат да му понудат на Норвежанецот плата од 600.000 фунти неделно доколку тој се согласи да го продолжи договорот по 2027 година. Целта е уште подолго да го врзат напаѓачот. Халанд може да добие до 60,5% зголемување на платата во споредба со минатата сезона, во која постигна 52 гола во сите натпреварувања. Во моментов норвешкиот напаѓач води на табелата на стрелците со шест гола по четири натпревари во Премиерлигата.

Ерлинг Халанд урива рекорди во ПЛ

Бошко Тасиќ — Sun, 03 Sep 2023 06:13:26 +0000

Напаѓачот на Манчестер Сити Ерлинг Халанд против Фулам постигна хет-трик и со тоа урна уште еден рекорд во ПЛ. Имено Норважанецот стана фудбалер на кого му биле потребни најмалку мечеви да дојде до 50 голови и асистенции. На Халанд му беа потребни само 39 мечеви, а во нив постигна 41 гол и 9 асистенции. Тој го урна рекордот на Енди Кол на кого му беа потребни 43 мечеви да дојде до 50 Г + А. Секако дека овие бројки ќе растат, посебно ако Халанд остане барем уште неколку сезони на „Етихад“.

Халанд фудбалер на годината во Премиерлигата

Ивона Петрова — Wed, 30 Aug 2023 11:44:02 +0000

Напаѓачот на Манчестер сити, Ерлинг Халанд, е прогласен за играч на годината во избор на англиското Здружение на професионални фудбалери (ПФА). Халанд (23) ја освои наградата по својата дебитантска сезона во англиското првенство во кое собори бројни рекорди, а со Манчестер сити ја освои шампионската титула. Норвешкиот напаѓач постигна 36 голови на 35 првенствени натпревари, соборувајќи го претходниот рекорд од 34 голови во една сезона кои речиси три децении беше во сопственост на Енди Кол и Алан Ширер Халанд ја освои наградата на ПФА пред клупските колеги Кевин Де Брујн и Џон Стоунс, како и тандемот од Арсенал, Мартин Одегард и Букајо Сака. Норвежанецот со тоа стана првиот странски фудбалер по Холанѓанецот Руд ван Нистелрој кој ја освои наградата во својата дебитантска сезоната во Премиер лигата во 2001/02.