ерменски премиер – Kurir.mk

Спречен обид за атентат врз премиерот на Ерменија

Магдалена Андонова — Sun, 15 Nov 2020 09:06:25 +0000

Ерменските власти доцна синоќа соопштиле дека спречиле група поранешни функционери на таа држава да го убијат премиерот Никола Пашинјан и да се обидат да ја преземат власта со државен удар. Ерменската Служба за национална безбедност (НС) објави дека нејзиниот поранешен шеф Артур Ванецјан, поранешен лидер на републиканскиот парламентарен клуб во парламентот Вахрам Багдасарјан и воениот волонтер Ашот Минасијан се уапсени за планирање на атентат врз Пашинјан и државен удар. „Осомничените планираа да добијат моќ со атентат врз премиерот и веќе имаа потенцијални кандидати да го заменат, за што разговараа“, се вели во соопштението на НС. Лусине Сахакијан, адвокат на поранешниот шеф на Службата за национална безбедност Ванецјан, објави денеска на Фејсбук дека ерменската државна служба за безбедност го уапсила нејзиниот клиент под сомнение дека тој ја узурпирал моќта и се подготвувал да го убие Пашинјан. (МИА)

Сопругата на ерменскиот премиер посетува воена обука, ќе оди на фронт

Тале Кристо — Tue, 27 Oct 2020 07:26:30 +0000

Ана Хакобијан, сопругата на ерменскиот премиер Никол Пашињан, најави дека од денеска ќе посетува воена обука, заедно со уште 12 жени и ќе отиде во Нагорно-Карабах. – Одред од 13 жени, вклучително и мене, почнува воена обука. За неколку дена тргнуваме да помогнеме во заштита на нашите граници. Ниту нашата татковина ниту нашето достоинство нема да се повлече пред непријаелот, напиша Хакобијан на Фејсбук. Кога беше објавено дека синот на ерменскиот премиер Ашот Пашињан заминува на фронт, Хакобијан изјави дека нема ништо поблагородно од да се даде животот за татковината. – Му кажав: Да, сине облечи униформа и оди. Јас те обожувам, но нема ништо поблагородно од да се даде животот за татковината. Не знаев каква е таму ситуацијата и дали ќе можеме да се слушаме. Но, тој не замина и одреден е подоцен датум за негова регрутација, но и понатаму стојам зад своите збориви, напиша Хакобијан на Фејсбук.

Сопругата на ерменскиот премиер оди во војна- Во чета од 13 жени од утре почнува со обука

Магдалена Андонова — Mon, 26 Oct 2020 21:35:40 +0000

Ана Хакобјан, сопругата на ерменскиот премиер Никол Пашинјан, денеска објави дека по воената обука, таа и уште 13 жени ќе заминат во Нагорно-Карабах. -Од утре, чета од 13 жени, вклучувајќи ме и мене, ќе започне воена обука. За неколку дена, ќе почнеме да помагаме за заштита на нашите граници. Ниту нашата татковина, ниту нашето достоинство нема да му се предадат на непријателот, напиша таа на својот профил на „Фејсбук“. Да потсетиме, претходно беше објавено дека синот на премиерот на Ерменија, Ашот Пашинијан, оди во Нагорно-Карабах, каде траат борбите со Азербејџан за оваа спорна енклава. Ана Хакобјан тогаш изјави дека нема ништо поблагородно од давањето на својот живот за татковината.